ISAÍAS 4
4
1Chay p'unchaymi huk qharita qanchis warmikuna qechunakunqaku,
hinaspa ninqaku: Ñoqaykuqa mikhunaykutan mikhusaqku,
ñoqaykuq kaqniykuwanmi p'achakusaqkupas,
sutillaykitan churarikusaqku
ama p'enqaypi kanaykupaq, nispanku.
Jerusalén kusisqa kanan prometesqa
2Chay p'unchaymi Señor Diosqa munaytapuni ch'ikchichinqa, Israelpi qhepaq llapa runakunataq hallp'aq rurusqanwan sumaqta q'ochukunqaku, sonqopas-sonqotaq kanqaku. 3Sión nisqa Jerusalén llaqtapi kawsashaq qhepaqkunapas “Señor Diospaq t'aqasqa” nispa sutichasqan kanqaku, Señor Diosmi sutinkuta Jerusalenpi qelqanqa kawsashanallankupaq. 4Señor Diosmi huk wayrata kachamunqa juzgananpaq, hukkaq wayratataq thuninanpaq, ahinapin Jerusalenta ch'uyanchanqa runa wañuchisqanku huchamanta. Paymi Sión llaqtapi tiyaq warmikunaq qhelli-kayninkuta lliwta pichanqa. 5-6Chaymantataq Señor Diosqa Sión orqo patantinpi, chaypi huñukuq runakunaq patantinpi kamanqa p'unchaypaq phuyuta, tutapaqtaq q'osñita nina rawraytawan. Llapan chaykuna patapitaq Señor Diospa lliphlli-kaynin kanqa, chaymi ruphaymanta pakaykunqa llanthuykunqa, paramantapas tutuka wayramantapas hark'aykunqa.
Currently Selected:
ISAÍAS 4: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
