ISAÍAS 20
20
Egipto contra Etiopía contra willakuy.
1Asiria suyu rey Sargonmi Asdod llaqtaman qollana kamachikuqninta kachamurqan, paytaq llaqtaman phawaykuspa hap'ikapurqan. 2Chaypachan Señor Diosqa Amozpa churin Isaiasta nirqan: Ch'utikuy kutinshu p'achaykita usut'aykitawan, nispa. Hinan p'achanta usut'antapas ch'utikuspa q'alalla purirqan.
3Chaymantataq Señor Diosqa nirqan: Kamachiy Isaiasmi kinsa watantin mana p'achayoq q'ala chaki purirqan, chaymi willakun Egipto runakunaqpas Etiopía runakunaqpas imaynachus qhepaman kananta. 4Chay hinatan Asiria suyu reyqa Egipto suyu runata Etiopía suyu runatawan apapunqa, machutapas waynatapas q'alallata p'enqaypas-p'enqayta, chay hinapin Egipto suyu runakuna p'enqakunqaku. 5Etiopía suyuman hap'ipakuq runakunan, Egipto suyuq yanapasqan kaspa alabakuq runakunan, p'enqakunqaku llaksakunqaku. 6Chaypachan mama qocha patapi llapa tiyaqkuna ninqaku: Ñoqanchisqa ayqekurqanchis Egipto suyuman Etiopía suyumanwan Asiria reymanta qespichispa yanapawananchispaqmi, kunantaq ichaqa qhawariychis imapin rikukushanku. Ñoqanchisri, ¿imaynatañataq qespikusunchis? nispa.
Currently Selected:
ISAÍAS 20: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
