ÉXODO Qelqaq qallariynin
Qelqaq qallariynin
“Éxodo” simiqa “puriripuy” ninantan nin. Chay hina simiwan reqsisqan kay libroqa, Egipto suyumanta Israel runakunaq ripusqanta willakusqanrayku.
Moisesmanmi Diosqa rikhurirqan, hinaspan payta akllarqan Egipto suyupi kamachi kasqankumanta llaqtanta horqonanpaq. Hinan Moisesqa paykunata horqorqan Canaán suyuman pusananpaq, chay suyu hallp'atan Diosqa ñawpa taytankuman qonanpaq prometerqan. Kay libropiqa willawanchis imaynatachus Diosqa kamachi kaypi kashaq runakunata Moiseswan hatun suyuman tukuchisqanta. Sinaí orqopin Diosqa paykunawan rimanakurqan, hinaspan kamachikuy siminkunata paykunapaq churapurqan munayninman hina kawsanankupaq. Chaymantataq Diospa kamachikusqanman hina Israel runakunaqa Dioswan Tupana Karpata ruwarqanku payta servinankupaq yupaychanankupaqwan.
Kay libropin kaykunamanta willakun:
1.1—15.21 Israel runakunata Egipto suyumanta horqomusqa kasqan. a. 1.1—22 Egiptopi kamachi kasqankumanta. b. 2.1—4.31 Moisespa nacesqan wayna kasqanpiwan. c. 5.1—11.10 Moiseswan Aaronwan Egipto suyu reywan parlasqanku. d. 12.1—15.21 Alqaspa Pasarpariy Fiestamanta Egipto suyumanta puriripuymantawan.
15.22—18.27 Puka Qocha nisqamanta Sinaí orqoman risqamanta.
19.1—24.18 Diospa kamachikuy siminkunamanta Israel runakunawan rimanakusqanmantawan.
25.1—40.38 Dioswan Tupana Karpamanta imaynatachus yupaychanamantawan.
Currently Selected:
ÉXODO Qelqaq qallariynin: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.