Apocalipsis 8
8
Qanchis kaq sellomanta
1Rollopa qanchis kaq sellonta Cordero kichaykuptinmi hanaq pachapi kaqkuna upallalla yaqa media hora karqaku. 2Chaymantam rikurqani qanchis angelkunata Diospa qayllanpi sayachkaqta, paykunamanmi qanchis trompetakuna qosqa karqa. 3#Ex 30.1.Hinaptinmi huk ángel qorimanta qontichinayuq hamuspan altarpa waqtanpi sayaykurqa, paymanmi qoykurqaku achka inciensota iñiqkunapa mañakuyninman yapaykuspan qorimanta altarpa hawanpi kañananpaq. Chay altarqa kachkasqa Diospa trononpa ñawpaqninpim. 4Chay kañasqan inciensopa qosniyninmi Diospa kasqanman chayarqa iñiqkunapa mañakuyninkupiwan kuska. 5#Lv 16.12.#Ez 10.2.#Ap 11.19; 16.18.Hinaspam chay angelqa hapisqan qontichinaman altarpa hawanmanta nina sansata hinaykuspan kay pachaman wikutiykamurqa hinaptinmi rayokuna, qapariykuna, llipyaykuna hinaspa terremoto karurqa.
Trompetakunamanta
6Trompetayuqkama qanchis angelkunam tocanankupaq alistakurqaku.
7 #
Ex 9.23-25. Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.
8Trompetanta iskay kaq ángel tocaykuptinmi ninawan lenwachkaq hatu-hatun orqo hina lamar qochaman wischuykamusqa karqa, hinaptinmi lamar qochapa kimsa kaq parten yawaryarurqa. 9Chaymi lamar qochapi kawsaq animalkuna kimsa kaq parte wañururqa, barcokunapas kimsa kaq partenmi ñutusqa karqa.
10 #
Is 14.12. Trompetanta kimsa kaq ángel tocaykuptinmi cielomanta rupachkaq nina hina hatu-hatun chaska wichiykamurqa. Chay chaskaqa mayukunapa hinaspa pukyukunapa kimsa kaq partenpa hawanmanmi wichiykamurqa. 11Chay chaskapa sutinqa kasqa “Ajenjom” chaymi chay yakukunapa kimsa kaq parten qatqeyarurqa, achka runakunam chay qatqe yakuta tomaruspanku wañururqaku.
12 #
Is 13.10; Ez 32.7; Jl 2.10. Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.
13Huk angeltapas rikururqanitaqmi cielopa chawpinta pawachkaqta, paymi kaynata qaparirqa:
¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.
Currently Selected:
Apocalipsis 8: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
