Apocalipsis 7
7
144,000 sellosqakunamanta
1 #
Zac 6.5. Chaymantam rikurqani tawa angelkunata kay pachapa tawan lawpi sayachkaqta, paykunam wayrata harkamusqaku kay pachamanpas, lamar qochamanpas chaynataq ima sachamanpas mana wayramunanpaq. 2Rikurqanitaqmi huk angeltapas intipa qespimunan lawmanta hamuchkaqta, paymi kawsaq Diospa señalanan sellonta hapichkasqa, hinaspam kay pachata lamar qochata dañananpaq atiy chaskiq tawa angelkunata hatunmanta qaparispan nirqa:
3 #
Ez 9.4. Diospa serviqninkunata urkunpi sellowan manaraq marcachkaptiykuqa allpatapas, lamar qochatapas chaynataq sachakunatapas amaraqyá imatapas ruwaychikchu, nispa.
4Chaymi uyarirqani llapallan Israel ayllukunamanta sellowan marcasqakunaqa pachak tawa chunka tawayuq waranqa kasqankuta. 5Judá ayllumantam karqa chunka iskayniyuq waranqa, Rubén ayllumantam karqa chunka iskayniyuq waranqa, Gad ayllumantam karqa chunka iskayniyuq waranqa, 6Aser ayllumantam karqa chunka iskayniyuq waranqa, Neftalí ayllumantam karqa chunka iskayniyuq waranqa, Manasés ayllumantam karqa chunka iskayniyuq waranqa, 7Simeón ayllumantam karqa chunka iskayniyuq waranqa, Leví ayllumantam karqa chunka iskayniyuq waranqa, Isacar ayllumantam karqa chunka iskayniyuq waranqa, 8Zabulón ayllumantam karqa chunka iskayniyuq waranqa, José ayllumantam karqa chunka iskayniyuq waranqa, chaynataqmi Benjamín ayllumantapas karqa chunka iskayniyuq waranqa.
Yuraq pachawan achkallaña pachasqakunamanta
9Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.
10Llapallankum hatunmanta qaparispa nirqaku:
¡Tronopi tiyaq Diosmantawan Corderomantam salvacionqa hamun! nispanku.
11Llapallan angelkunam sayachkasqaku Diospa trononpa, ancianokunapa hinaspa tawa kawsaqkunapa muyuriqninpi. Chay angelkunam Diospa trononpa ñawpaqninpi pampakama kumuykuspanku payta yupaycharqaku:
12“¡Amén! Hatunchaypas, qapaqchaypas,
yachaypas, gracias qoypas, yupaychaypas,
atiypas, kallpapas, Diosninchikman
wiña-wiñaypaq qosqa kachun. ¡Amén!” nispanku.
13Hinaptinmi huknin anciano tapuwarqa:
¿Pikunataq kay yuraq pachayuqkunaqa? ¿Maymantataq hamurqaku? nispa.
14 #
Dn 12.1; Mt 24.21; Mr 13.19. Ñoqañataqmi nirqani:
Señorlláy, qanmi yachanki, nispay.
Chaymi payñataq niwarqa:
Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam. 15Chayraykum paykunaqa Diospa trononpa ñawpaqninpi kachkanku, hinaspam templonpi tuta punchaw payta servichkanku. Tronopi tiyaq Diosñataqmi paykunata waqaychay-kunqa. 16#Is 49.10.Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu. 17#Sal 23.1; Ez 34.23.#Sal 23.2; Is 49.10.#Is 25.8.Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.
Currently Selected:
Apocalipsis 7: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
