Popular Bible Verses from Apocalipsis 8

Share

Rollopa qanchis kaq sellonta Cordero kichaykuptinmi hanaq pachapi kaqkuna upallalla yaqa media hora karqaku.

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.

Trompetanta iskay kaq ángel tocaykuptinmi ninawan lenwachkaq hatu-hatun orqo hina lamar qochaman wischuykamusqa karqa, hinaptinmi lamar qochapa kimsa kaq parten yawaryarurqa.

Trompetanta kimsa kaq ángel tocaykuptinmi cielomanta rupachkaq nina hina hatu-hatun chaska wichiykamurqa. Chay chaskaqa mayukunapa hinaspa pukyukunapa kimsa kaq partenpa hawanmanmi wichiykamurqa. Chay chaskapa sutinqa kasqa “Ajenjom” chaymi chay yakukunapa kimsa kaq parten qatqeyarurqa, achka runakunam chay qatqe yakuta tomaruspanku wañururqaku.

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.