Popular Bible Verses from Apocalipsis 7

Share

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.

Llapallankum hatunmanta qaparispa nirqaku: ¡Tronopi tiyaq Diosmantawan Corderomantam salvacionqa hamun! nispanku.

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.

Chayraykum paykunaqa Diospa trononpa ñawpaqninpi kachkanku, hinaspam templonpi tuta punchaw payta servichkanku. Tronopi tiyaq Diosñataqmi paykunata waqaychay-kunqa. Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu.

Diospa serviqninkunata urkunpi sellowan manaraq marcachkaptiykuqa allpatapas, lamar qochatapas chaynataq sachakunatapas amaraqyá imatapas ruwaychikchu, nispa. Chaymi uyarirqani llapallan Israel ayllukunamanta sellowan marcasqakunaqa pachak tawa chunka tawayuq waranqa kasqankuta.