Hebreos 5
5
1Llapallan Sumo sacerdotekunataqa Diosmi runakunamanta akllan, paykunaqa churasqa kachkanku runakunapa rantinpi Diosman asuykuspa, sacrificiokunatawan ofrendakunata Diosman presentanankupaqmi hinaspa animalkunatapas wañuchispa paypaq kañanankupaqmi. 2Sumo sacerdoteqa Diosta mana kasukuqkunamanta hinaspa huchapi kaq runamasinkunamantam llakipayarikun, paypas runa kayninpi pantaruq kasqanrayku. 3#Lv 9.7.Chaymi Sumo sacerdoteqa kikinpa huchanmanta hinaspa runakunapa huchankumanta animalkunata wañuchispa Diosman sacrificiota ofrecenan.
4 #
Ex 28.1. Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam. 5#Sal 2.7.Cristopas manam kikillanchu Sumo sacerdote kananpaq churakururqa aswanqa Diosmi nirqa:
“Qanmi Churiy kanki,
kunanmi ñoqa taytayki kani”, nispa.
6 #
Sal 110.4. Huklawpipas kaynatam nichkan:
“Qamqa wiñaypaq sacerdotem kanki.
Imaynam Melquisedec karqa, chaynam qampas kanki”, nispa.
7 #
Mt 26.36-46; Mr 14.32-42; Lc 22.39-46. Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa. 8Diospa Churin kachkaspapas ñakarisqankunawanmi kasukuyta yacharqa. 9Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun. 10Diosñataqmi, imaynam Melquisedec karqa, chayna Sumo sacerdote kananpaq churarun.
Iñiypi wiñanamanta
11Kaykunamantaqa achkaraqmi nimunay kachkan, ichaqa sasa yachachinam, hinaspapas qamkunaqa anaqtam uyarinkichik. 12#1~Co 3.2.Qamkunaqa unayña iñisqaykichikrayku hukkunamanpas yachachinaykichikña kachkaptinmi, qallariyninpi Diosmanta yachachikuy kaqkunallataraq huktawan uyariyta munachkankichik. Qamkunaqa wawakuna hinam lechellamantaraq kachkankichik, manaraqmi yuyayniyuq runakunapa mikunantaqa mikuwaqchikchu. 13Ñuñuq wawa hina lechellawanraq kawsaqkunaqa manaraqmi entiendenchu mayqanmi allin otaq mana allin yachachikuy kasqantapas. 14Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.
Currently Selected:
Hebreos 5: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
