Hebreos 4
4
1Diospa qosqan samakuyman yay-kunanchikpaq promesan kachkaptinqa cuidakusunyá, yanqañataq huk-kaqnikichik mana yaykuwaqchikchu. 2Judiokunaman hinam ñoqanchikmanpas allin noticiata willawarqanchik. Paykunam ichaqa mana iñiywanchu uyarirqaku, chaynapim paykunapaqqa mana valeq hina karqa, chaynaqa karqa iñiqkunaman mana hukllawakusqankuraykum. 3#Sal 95.11.Iñiqkunam ichaqa Diospa samay qosqanman yaykurunchikña, paymi nirqa:
Piñakuyniypim jurarqani:
“Samanankupaq qosqaymanqa manam haykapipas yaykunqakuchu”, nispa.
Chaywanpas kay pacha unanchas-qanmantapunim Diosqa tukuy ima ruwasqankunataqa tukurqa. 4#Gn 2.2.Qellqapa hukkaqnin partenpim qanchis punchawmanta kaynata nichkan:
“Qanchis kaq punchawpim tukuy ruwasqanmanta Dios samarqa”, nispa.
5 #
Sal 95.11. Huklawpipas nichkantaqmi:
“Samanankupaq qosqaymanqa manam haykapipas yaykunqakuchu”, nispa.
6Chaywanpas Diospa samay qos-qanman yaykuqkunaqa kachkanraqmi. Salvakunankupaq allin noticiata puntata uyarichkaspankupas mana kasukusqankuraykum mana yaykurqakuchu. 7#Sal 95.7-8.Chayraykum Diosqa huktawan huk punchawta churan “Kunan punchaw” niqta, chaytam payqa ñawpaqmantaraq Davidnintakama willachiwarqanchikña:
“Kunan tiempopi Diospa nisqanta uyarichkaspaqa
amayá sonqoykichikta rumiyachiychikchu”, nispa.
8 #
Dt 31.7; Jos 22.4. Israel miraykunaman samayta Josué qoykuptinqa, manañachiki huk punchawmantaqa Diosqa rimanmanñachu karqa. 9Chaywanpas Diospa llaqtanpaqqa kachkanraqmi samana punchawqa. 10#Gn 2.2.Haykam Diospa samay qosqanman yaykuqkunaqa llamkayninkumantam samankuña, imaynam Diospas unanchasqankunata tukuruspan samasqanta hina. 11Chaynaqa, Diospa qosqan samayman yaykuypiyá kallpanchakusunchik, chaynapi ñawpaq tiempopi mana kasukuqkunapa ruwasqanta qatipakuspa ama wichinapaq.
12Diospa palabranqa kawsay qokuqmi hinaspa atiyniyuqmi. Iskay lawnin filoyuq espadamantapas aswan kuchukuqraqmi. Runamanqa yaykun almankamaraqmi, espiritunkamaraqmi, tullunpa piezankunakamaraqmi, chilinankamaraqmi, hinaspam piensasqankunatawan sonqonpa munapayasqankunata reqsichin. 13Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.
Jesucristoqa Sumo sacerdote kasqanmanta
14Diospa Churin Jesusqa Sumo sacerdotenchikmi, paymi hanaq pa-chaman yaykurqa. Chaynaqa, iñisqanchikpiyá takyasunchik. 15Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu. 16Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.
Currently Selected:
Hebreos 4: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
