Hebreos 3
3
Moisesmantapas Jesusqa aswan munayniyuq kasqanmanta
1Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik. 2#Nm 12.7.Jesusqa tukuy imapim Diospi hapipakurqa, chaypaq qayasqam karqa, imaynam Moisespas Diospa wasinpi servikusqanta hina. 3Wasimantaqa ruwaqninmi aswan reqsisqa, chaynam Jesuspas Moisesmantaqa aswan reqsisqa. 4Lliw wasiqa runapa ruwasqallanmi, Diosmi ichaqa tukuy imata unancharqa. 5Moisesqa Diospa wasinpi allin servikuq hinaspa lliwpi kasukuqmi karqa, imapas Diospa nisqankunamanta willakunanpaq. 6Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.
Runankunataqa Diospuni samachisqanmanta
7 #
Sal 95.7-11. Chaynaqa, imaynam chuya Espiritupa nisqanman hina:
Sichum kunan, Diospa nisqanta uyarispaqa,
8amayá sonqoykichikta rumiyarachiychikchu
piñachiwasqanku punchawpi hinaqa, chunniqpi tentawaspanku ruwasqankuta hinaqa.
9Chaypim ñawpaq taytaykichikkuna tentawarqaku, tukuy ruwasqaykunata tawa chunka wata rikuchkaspankupas tentawarqakum.
10Chayraykum chay runakunawan piñasqa kaspay, kaynata nirqani:
“Tukuy tiempo pantaq sonqoyuqmi karqankichik”
manam “ñanniykunatapas reqsiyta munarqankichikchu”, nispa.
11Chayraykum piñakuyniypi jurarqani:
“Samanankupaq qosqaymanqa manam yaykunqakuchu”, nispay.
12Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq. 13Aswanqa huknikichikmanta-huknichikkamayá sapa punchaw kallpanchanakuychik, chaynapi manaraq Qellqapa “kunan” nisqan tukuruchkaptin, mayqannikichiktapas hucha engañaptin sonqoykichik ama rumiyarunanpaq. 14Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.
15 #
Sal 95.7-8. Chuya Qellqam kaynata nin:
Sichum kunan Diospa nisqanta uyarichkaspaykichikqa,
amayá sonqoykichikta rumiyarachiychikchu,
imaynam piñachiwasqanku punchawpi hinaqa.
16 #
Nm 14.1-35. Diospa rimasqanta uyarichkaspankuqa, ¿pikunataq payta piñachirqaku? Moisespa pusamusqan llapallan runakunam. 17¿Pikunapaqtaq Diosqa tawa chunka watapuni piñakururqa? Payqa piñakururqa contranpi huchallikuqkunapaqmi, paykunam chunniqpi wañururqaku. 18¿Pikunamantaq Diosqa jurarqa samanankupaq qosqanman mana yaykunankupaqqa? Payqa jurarqa mana kasukuqkunapaqmi. 19Chaynaqa, Diospi mana creesqankuraykum mana yaykuyta atirqakuchu.
Currently Selected:
Hebreos 3: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
