Hebreos 2
2
Jesustaqa manapuni qepanchakunamanta
1Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan. 2Angelkunawan Diospa willachimusqan palabrankunaqa ancha-ancha atiyniyuqmi karqa, chayraykum huchallikuspa mana kasukuq runakunatapas Diosqa imam kaqmanta castigarqa. 3Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik. 4Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.
Salvaqninchikpa runa kayninmanta
5Nisqaypi hinapas Diosqa manam angelkunatachu churarqa kay pacha musoqyachisqa kaptin munaychakunanpaqa, 6#Sal 8.4-6.aswanqa hukkaqnin Chuya Qellqapim kaynata nin:
¿Pitaq runaqa karqa paymanta yuyarinaykipaqqa?
¿Pitaq runaqa karqa watukunaykipaqqa?
7Angelkunamantapas tumpa menosllatam runataqa ruwarqanki paytaqa coronawan churaq hinam ancha reqsisqata ruwaykunki,
8tukuy imapa hawanpi munaychakunanpaqmi churaykurqanki, nispa.
Diosqa mana imatapas puchuy-kuspanmi paypa chakinman tukuy imata churaykurqa, ichaqa manaraqmi rikunchikraqchu tukuy imapa hawanpi munaychakusqantaqa. 9Jesustam ichaqa rikunchik, Diosmi paytaqa angelkunamantapas tumpa menostaraq ruwarurqa, ñakarispa wañusqanraykum paytaqa coronasqata hinaña kanchariywan hatunchasqataña qawachkanchik. Runakunata Dios kuyaykuptinmi Jesusqa llapallanpa rantinpi wañurqa.
10Diosmi tukuy imataqa unancharqa, hina paytaqmi chaykunamantaqa nanachikunpas. Diosmi munan hanaq pachaman llapallan churinkuna rinanta. Chay churinkuna salvaqtam ñakarichispan mana imapapas pisisqanta ruwarqa. 11Diosllapaqña runakunata sapaqchaq Jesuspas chaynataq sapaqchasqan runakunapas Diospa churillanmi kanku. Chayraykum Diospa Churin Jesuspas mana penqakunchu sapaqchasqankunataqa “wawqeykuna” niyta. 12#Sal 22.22.Chuya Qellqapim kaynata nichkan:
“Qanmantam wawqeykunaman willakusaq
huñunasqa runakunapa chawpinpim yupaychasqayki”, nispa.
13 #
Is 8.17. #
Is 8.18. Huklawpipas kaynatam nin:
“Ñoqaqa Diospim hapipakuni”, nispa.
Huklawpipas nichkantaqmi:
“Ñoqaqa kaypim kachkani Diospa qowasqan churiykunapiwan”, nispa.
14Tayta-mamanchikpa mirayninkuna kaspanchikmi aychanmantawan yawarninmanta kanchik. Jesuspas ñoqanchik hina cuerpoyuqmi karqa, chaynaqa karqa wañuyta reqsispan wañuypi munaychakuq diablota chinkachinanpaqmi. 15Chayraykum Jesusqa wañuy manchakuqkunatapas libran, paykunaqa tukuy tiempom wañuypa sirvienten hina kawsarqaku. 16Cheqaptapunipas payqa manam angelkunata yanapananpaqchu hamurqa, aswanqa Abrahampa mirayninkunata yanapananpaqmi. 17Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq. 18Paypas tentasqa kaspam ñakarirqa, chayraykum tentasqakunatapas chaylla yanapaykun.
Currently Selected:
Hebreos 2: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
