2~Tesalonicenses 3
3
Pablopa mañakuyninmanta
1Wawqe-panillaykuna, ñoqaykupaqpas Diostayá mañakuychik, chaynapi paypa palabranta willakuptiyku Diosta hatunchaspa qamkuna hina chaskinankupaq. 2Mañakuychiktaqyá daño ruwaq mana allin runakunamanta librawanankupaqpas, manam llapallankuchu iñiyniyuq kanku. 3Señorqa hapipakunapaqmi, paymi allinta takya-chispa mana allinkunamanta waqay-chasunkichik. 4Señorpim confiakuch-kaniku imam kamachisqayku ruwas-qaykichikmanta hinaspa hamuq punchaw-kunapi ruwanaykichikpaqpas. 5Señoryá sonqoykichikta yanapachun, chaynapi Diospa kuyakuynintawan Cristopa pa-ciencianta haypanaykichikpaq.
Llamkanamanta
6Wawqe-panillaykuna, Señor Jesu-cristopa sutinpim kamachimuykiku, qella wawqe-panikunamanta karunchakunaykichikpaq, paykunaqa manam yachachisqaykuman hinachu kawsachkanku. 7Qamkunaqa yachankichikñam ñoqayku hina imaynam kawsaytaqa. Qamkunawan kaspaykuqa manam qella runakuna hinachu kawsarqaniku. 8Ma-nam pipa mikuynintapas gratisllaqa mikurqanikuchu, aswanqa tuta punchaw pisipaywan llamkaspam mikurqaniku, chaynapi pitapas mana gastachinaykupaq. 9Cheqaptapunipas ñoqaykupaqa derechoykum karqa mañakunaykupaq, ichaqa llamkarqanikum qamkunapas ñoqayku hina kanaykichikpaq. 10Qamkunawan kachkaspaykuraqmi kaynata nirqaykiku:
“Pipas mana llamkay munaqqa amayá mikuchunpaschu”, nispayku.
11Uyarinikum, qamkuna ukupis qella-kuna kachkanraq, mana imapipas llamkaspas runakunapa asuntonman chapukuchkanku. 12Chay runakuna-tam nimuniku: Señorninchik Jesucristopa sutinpi qaqchaspam kama-chimuniku, hawkalla llamkaspayá ganakusqankuwan mikuchunku.
13Wawqe-panillaykuna, qamkunayá ichaqa allinkuna ruwaytaqa ama amiy-chikchu. 14Sichum kay cartantakama nimusqaykuta pipas mana kasukup-tinqa, chay runataqa allinta reqsiykuychik hinaspa ama hukllawakuychikchu chaynapi penqakunanpaq. 15Ichaqa ama enemigota hinachu qawaychik, aswanqa Señorpi iñiqmasikichikta hinayá qaqchaykuychik.
Cartapa tukuyninmanta
16Hawkayay qokuq Señoryá tukuy tiempo hinaspa tukuy imapipas hawkayayta qosunkichik. Señorninchikyá llapaykichikwan kachun.
17Ñoqa Pablom makiywanpuni qellqamuspay rimaykamuykichik, hina kikiytaqmi cartaykunapiqa firmani. 18Señorninchik Jesucristopa kuyakuyninyá qamkunawan kachun. Amén.
Currently Selected:
2~Tesalonicenses 3: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
