2~Tesalonicenses 2
2
Chinkananpaq citasqa runamanta
1 #
1~Ts 4.15-17. Wawqe-panillaykuna, Señor Jesu-cristopa hamunanmantawan pay-wan huñunakunanchikmantam ruega-kamuykiku.
2Amayá chayllaqa piwanpas engaña-rachikuychikchu, amataqyá mancha-rikuychikchu “Señorpa kutimunan punchawqa chayaramunñam” nispa willasuptikichikpas. Willasunkichikqa Espiritupa atiyninwan rimachkaq hinaraqmi, sumaq palabrawanraqmi hinaspa cartaykutapas chaskichkaq hinaraqmi.
3Amayá piwanpas engañachikuychikchu, puntataqa runakunam Diosta qepanchanqaku, hinaptinmi rikurimunqa Diospa enemigon millay runa, chay runaqa chinkananpaq citasqañam kachkan.
4 #
Dn 11.36. Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.
5¿Manachu yuyankichik qamkunawan kachkaspayraq chaykuna nisqayta? 6Kunanqa yachankichikmi chay runapa imam harkasqanta, chaynapi imam tiemponpiña rikurimunanta.
7Chay pakasqa kaqraq mana allinpa espiritunqa ñam llamkachkanña, ichaqa chay harkaqninpa suchurinallantañam suyachkan. 8#Is 11.4.Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.
9 #
Mt 24.24. Chay millay runaqa hatun atiywan hinaspa Satanaspa kallpanchasqanmi hamunqa, chaymi admirakuypaq llulla milagrokunata ruwanqa. 10Hinaspam tukuy rikchaq mana allin millakuypaq kaqkunata ruwaspa engañanqa, haykam salvakunankupaq cheqap yachachikuyta mana chaskiyta munaspa condenacionman riqkunata.
11Diosmi paykunaman kachamun engañakuq atiyta, llulla kaqkunapi creenankupaq, 12chaynapi condenasqa kanankupaq, condenasqaqa kanqaku cheqap kaqpi mana iñispanku millay kaqkunapi kusikusqankuraykum.
Iñiqkunata Pablo kallpanchasqanmanta
13Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.
14Chaypaqmi allin noticia willas-qaykutakama qayasurqankichik, chay-napi Señor Jesucristopa maymi kasqanpi kanaykichikpaq.
15Chaynaqa, wawqe-panillaykuna qaqa hinayá takyaychik, simiykuwan hinaspa cartaykuwan yachachimusqaykuta allinta waqaychaspa. 16Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá, 17son-qoykichikta kallpanchachun hinaspa tukuy ruwaynikichikpiwan allin rimaynikichikpi takyachisunkichik.
Currently Selected:
2~Tesalonicenses 2: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
