Esabbuli 30
30
Esabbuli ya Daudi. Olweembo lweembwa nibaberesa Nasaae Enyuumba yae.
Esaala y'ohweebasa Nasaae
1Njia ohuhufumia ewe Omwaami, olwohuba wumoniisye,
haandi haba s'okanyire abasuku baange baandehoyeraho.
2Ewe Omwaami Nasaae waange, ndahulirira wuhoonye,
mani mbao wumoniisye.
3Ewe Omwaami, waandusa emakoombe,
waamonia ohuchia emakoombe, mani waangobosamo obulamu.
4Eng'we aboolerefu b'Omwaami, mweembe nimumufumia,
haandi mweebase eliita lyae lyoolerefu.
5Olwohuba etima lyae liwa maangu muno,
nae esisa syae sy'endaalo choosi.
Mu siro, ohulira hunyala ohubao,
nae obwiire nibuhya, esangaalo likobolaangao.
6Nae ese, nindali bulai, ndaboola endi,
“Siinja ohudengaanaho kata nabudiidi.”
7Mu sisa syao, ewe Omwaami,
wunyemeeseo ndomiira koti olugulu lugumu;
nae niwandeekisa,
ndeecha ndeelarihira muno.
8Ewe Omwaami, niiwe yi ndalirira;
haandi ndaahwekweeda endi wuhoonye:
9“Ngaanga siina y'onanyoole ese niifwa,
niinjia emakoombe?
Abafu bali emakoombe banyala ohuhukinia?
Banyala ohufumia obwadyeeri bwao?
10Ewe Omwaami, tekeeresa mani wuungwiire esisa!
Ewe Omwaami, hoonye!”
11Okaluhaanie amaliro kaange kaaba omweehoyo;
wuundusireho ohwewuunamira
mani waanjichusa esangaalo,
12sakira haba siinjia ohubuleera, nae njia ohuhufumia.
Ewe Omwaami Nasaae waange, njia ohuhweebasaanga endaalo choosi.
Currently Selected:
Esabbuli 30: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
