Esabbuli 29
29
Ekono ly'Omwaami mu muyaka
1 #
Sab 96:7-9. Eng'we ebiloonge byo Muukulu mufumie Omwaami,
mukinie oluyaali neende amaani k'Omwaami.
2Mufumie eliita ly'Omwaami ly'oluyaali;
mwiinamire Omwaami mu ngeri njoolerefu.
3Ekono ly'Omwaami liwulirihanira hu maachi;
Nasaae w'oluyaali yaaduluhana,
liri koti ohwaaduluhana huli mu nyaanja hoongo.
4Ekono ly'Omwaami ly'amaani,
ekono ly'Omwaami ly'oluyaali lw'amaani.
5Ekono ly'Omwaami lifunaka emituumba,
Omwaami afunaka emituumba kya Lebbanooni.
6Omwaami akera Lebbanooni nisiduumakira koti emoosi,
neende Sirioni koti esurusi njere.
7Ekono ly'Omwaami limesa-mesa koti enjeserye ch'omuliro.
8Ekono ly'Omwaami lidengaania esiparara,
Omwaami adengaania esiparara sya Kadesi.
9Ekono ly'Omwaami likera emisaala kyamwo nikiwuuma,
haandi lihuuhumula amasaafu koosi ohutula hu misaala;
haandi mu nyuumba yae, buli siindu silira nisiboola siti, “Oluyaali!”
10Omwaami yehaale n'atuka omuhula kw'amaachi;
Omwaami yehaale koti omutuki endaalo choosi.
11Lehe Omwaami aberese abaandu bae amaani!
Lehe Omwaami aberese abaandu bae ehabi neende omuleembe!
Currently Selected:
Esabbuli 29: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
