Esabbuli 3
3
Esabbuli ya Daudi, n'amalire ohwiiruha Abbusalomu omwaana wae.
Esaala y'ohweesika Omwaami mu bidinyu
1Ewe Omwaami, abasuku baange beengiiye muno!
Abaandu baangi bali ohutulayo nibaseeta;
2bali ohunomanomaho nibaboola bati,
Nasaae haba saachia ohumuhoonya daawe.
3Nae ewe Omwaami, niiwe engabo yiindebodoohaanie;
niiwe okeraanga niinyiingira ebiita, haandi niiwe owuungumianga.
4Ndiriraanga muno Omwaami yahoonye,
mani yaangobolamo naali hu sigulu syae syoolerefu.
5Ndeeyalisaanga aasi mani ngona endoolo,
haandi simuha olwohuba Omwaami niye owuniindaanga.
6Haba siindichaanga obuungi bw'abasuku
baandebodoohania hu buli lwaande.
7Ewe Omwaami, siingira wiichie!
Ewe Nasaae waange, monie!
Olwohuba niiwe oseenakiraanga abasuku baange,
obaleha nibaweeremo amaani kanyala ohuunjosaho obusuku.
8Obununuli butulaanga eyiri Omwaami,
sakira ahoya yaaberesa abaandu bae ehabi!
Currently Selected:
Esabbuli 3: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
