Esabbuli 2
2
Omutuki yi Nasaae yadoola
1 #
Biho 4:25,26. Lwasiina ebyaalo bikwa alala,
haandi abaandu bakiiya abasyaabwe ataali esifune syoosi?
2Abatuki b'esyaalo beetekeha abeene,
haandi abeemeresi beteebanaho abeene-na-beene,
nibayiingania omubahwe mafuta w'Omwaami nibaboola bati,
3“Lehe abeene hutule mu buboye bweefwe buno,
mani hweboolole emikoye kino.”
4Nae Omwaami acheha sa naali Muukulu;
alekeeresa endekeha chaabwe chibulamo obuhoonyi.
5Mani achia ohulomaloma nabo naali neende etima,
haandi abatiise neende obwaalaba bwae n'aboola ati,
6“Malire ohwiihasa omutuki waange
hu Siyooni, olugulu lwaange lwoolerefu.”
7 #
Biho 13:33; Abaib 1:5; 5:5. Njia ohulaangirira amalako k'Omwaami:
Omweene yamboolera ati, “Niiwe Omwaana waange,
enyaanga yino hwibuule.”
8Sabe mani njia ohuhuberesa ebyaalo bibe ebyao,
haandi esyaalo syoosi sichia ohuba esyao.
9 #
Hubwi 2:26,27; 12:5; 19:15. Ochia ohubafunaka neende endawusi y'esichuma,
mani obanyoonyobole koti endamu y'omuloongi.
10Sakira, eng'we abatuki, mube abakesi;
haandi eng'we abeemeresi b'esyaalo, mulabuhe!
11Halaabanire Omwaami neende ohutya,
alala neende oluteengo. 12Mukwe mu makulu kae,
ataali ao, etima lichia ohumudiira mani musihirire nibusisiiri;
olwohuba anyooleswaanga bwaangu muno.
Bali neende ehabi abo boosi abeeruhiraanga yaali ohunyoola obweyikamo.
Currently Selected:
Esabbuli 2: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
