Esabbuli 4
4
Esaala y'engoloobe y'ohusaba obuhoonyi
1Ewe Nasaae omukayi waange, ngoboleengemo niihusaba!
Nindali mu bidinyu, wahoonya.
Ngwiire esisa, mani owulire esaala chaange.
2Eng'we abaandu, oluyaali lwaange lwahoole yeena ohudiirwa esoni?
Mwahoole yeena ohuheeraanga emboosi chibulamo obuhoonyi, haandi ohukoonyeresaanga obubacha?
3Nae manye muti Omwaami mweene yamala ohweyawuliramo abaandu bamutya;
Omwaami awulira ese nimulaanga.
4 #
Efes 4:26. Nyoolera, nae otonoonaanga;
baaseenge mu myooyo kyeeng'we nimweyaliise, mani mubuleera.
5Yaaneenge ebiyaanwa bihoyera,
mani mweesika Omwaami.
6Baluwo abaandu baangi ababoola bati, “Eee, leha hubeeho bulai!
Ewe Omwaami, tutingaale hooho neende emoni yao y'esisa!”
7Esangaalo li wumbeere, eliri mu mwooyo kwaange liingi muno
ohuhiraho ely'abo abali neende ebyohulya neende ebyohung'wa mu buungi.
8Njia ohweyalisa aasi mani ngone endoolo ni ndi neende omuleembe;
olwohuba ewe Omwaami niiwe weeng'ene onyala ohukera ndaamenya ataali obudinyu bwoosi.
Currently Selected:
Esabbuli 4: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
