Yona 4
4
Etima lya Yona neende esisa sya Nasaae
1Nae sino sisyasangaasa Yona, yanyoolera muno. 2#Hut 34:6.Mani Yona yasaaba Omwaami n'aboola ati, “Husaba, Omwaami sino haba sinisyo si ndaboola nisisiiri mu syaalo syaange! Sino nisyo esyakera ninjiruhira Tarisiisi; olwohuba ndamanya endi, ewe oli Nasaae w'esisa haandi oleheramo, otaanguya ohunyoolera haandi oweechulamo obuheeri, oweefunaka mani yaahaya ohusaandya. 3#1 Abat 19:4.Bulaanu sakira ewe Omwaami, hwekweeda, ndehe fwe, olwohuba bilai fwe ohuhira ohubaao omulamu.” 4Nae Omwaami n'amuteeba ati, “Obaasa oti ewe ohoyere ohunyoolera?” 5Yona naatula mu siko niyehala erwaanyi ebukwe w'esiko; niyeyombahira eyo ahakaali; niyehala mu siniha syaho, n'aliinda ohubona esinaakwe hu siko sya Ninefe.
6Omwaami Nasaae mani n'akera edoongo-doongo nilimera, nilihula nilibwiiha Yona. Yona naaba mu siiniha syalyo omubasu muungi nikuhaya ohumuubba. Mani omusaala okwo kwakera Yona n'asangaala muno. 7Nae obwiire nibwahya, hu ludaalo luloondaho, Nasaae yatuma enyeende ohulya omusaala okwo, mani nikuhooha. 8Nae elyuuba nilyatula, Nasaae yatuma omuyaka kutula ebukwe, mani omubasu kwachaaka ohuubba hu mutwe kwa Yona, yaaba aambi ohufwa; niyekweeda omweene ati afwe n'aboola ati, “Silai ese fwe ohuhira ohubaao omulamu.” 9Nae Nasaae n'ateeba Yona ati, “Ewe obaasa oti ohoyere onyoolere hulw'edoongo-doongo elyo?” Mani Yona n'akobolamo ati, “Hoyeere nyoleere, nyoleere kata niifwa, fwe.” 10Nae Omwaami n'aboola ati, “Ochuunirwa edoongo-doongo elyo, ly'otahalaabanira, oba wakera lyaahula, elyamerera mu siro silala haandi elihooheere mu siro siindi. 11Nae ese haba sindahachunirwe Ninefe, esiko sihoongo esyo, esirimo abaandu babita elifu emia ndala neende amahumi kabiri abatanyala ohwawula esibi neende esilai, haandi esirimo ebyaayo biingi?”
Currently Selected:
Yona 4: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
