Mika EMANYISA
EMANYISA
Omunabbi Miika yaliwo mu biha by'omunabbi Yisaaya. Miika yali naatula mu siko sidiidi esyomu Buyudaaya esilaangwa siti Moreseti, mu bwaami bw'emwaalo. Miika yamanya ati obwaami bwomu Buyudaaya bwali obwohusaandisibwa, esyo nisyo nasilala neende si omunabbi Amosi yalaangirira ebidiira hu Samaria. Olwohuba Nasaae yali naachia ohusaandya abaandu bae hulw'ohuhola obutahoyera, mani esyo nisyo si Nasaae atadahiraho elalira. Nae emboosi ya Miika yali neende ebilolero biingi ebyeekesa esuubi mu biha biichayo.
Ohuhira muno, aliwo yi munabbi wuno alomaloma hu biha bi Nasaae achia ohutukiramo esyaalo syoosi, mani asiberese omuleembe (4:1-4).
Omunabbi wuno yeekesa ati yahabeeo omutuki otula mulwiibulo lwa Daudi, owahaleete omuleembe mu syaalo (5:2-5a).
Haandi mu mboosi ndiidi muno, aluwo yaata mu bwiimbikiti ebyo byoosi bi banabbi bomu Yisiraeli bali nibadaha ohulomaloma bati: “Esiindu si Omwaami adaha huhole nisyo sino: Ohuholaanga ebihoyera, ohubeechaanga ab'obuheeri buli siha, neende ohumenyaanga nae nihuli abaloonga.” (6:8)
Ebiri mu sitabo sino mu bwiimbikiti
Ohuheengera Yisiraeli neende Buyudaaya omusaango 1:1—3:12
Ohukobosao omuleembe 4:1—5:15
Ohulabula neende ohugumya 6:1—7:20
Currently Selected:
Mika EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019