Yona 3
3
Yona afunihira Omwaami
1Omwaami mani naalomaloma neende Yona ehabi lyoohubiri n'aboola ati, 2“Siingira ochie Ninefe, esiko sihoongo esyo, mani oyaalire abaandu emboosi yihuboolera.” 3Mani Yona n'asiingira naachia Ninefe, koti lu Omwaami yali n'amuboolere. Bulaanu Ninefe syali esiko sihoongo muno, ohusihalakaniamo n'okeenda, olukeendo luyira endaalo chidatu. 4#Mat 12:41; Luk 11:32.Yona yachaaka ohuchia mu siko esyo, yakeenda manin'ahalakaniamo olukeendo lw'oludaalo lulala lwoong'ene. Mani n'ayaala n'aboola ati, “Chidoong'ere endaalo amahumi kane koong'ene, esiko sya Ninefe sisihiriswe!” 5Abaandu b'e Ninefe mani nibafukiirira emboosi ya Nasaae; nibaheengao bati buli muundu asiibe, haandi befwaale ebigunia, ohutulira elalira hu muundu ohiramo obuhunuufu ohwoola hu muundu omalilihayo obuhunuufu; ohweekesa bati beeyolobye.
6Nae emboosi chino nichoolera omutuki wa Ninefe, yasiingira, yatula hu sisaala syae sy'obutuki, yefwaalula ekaanju lyae, mani niyebwiiha ebigunia, niyehala mu kohe. 7Omutuki n'alagira haandi naatusa omunwa mu Ninefe mwoosi ati, “Lino nilyo elako ly'omutuki neende abahunuufu bae. Lehe omuundu yeesi, oba esolo yoosi, oba eng'oombe yoosi oba esyaayo syoosi, sitahoombaho esiindu syoosi; lehe bitalyaaho, oba byaang'waaho amaachi. 8Nae lehe abaandu befwaale ebigunia nae ebisolo byosi bibwiihwe ebigunia chana, mani abaandu beekweede Nasaae omunyala w'ebiindu byoosi; eee, lehe buli muundu yefunake alehe ebiima byae bibi, neende ebiholwa byae bibi. 9Awuundi Nasaae anyala ohwefunaka yaakwa omwooyo, mani hwahaya ohusihiriswa!” 10Nae Nasaae niyabona esiindu si bali nibaholere, koti lu bali nibatulire hu biima byaabwe bibi, Nasaae yefunaka naahaya ohubasaandya koti lu yali n'amalirire ohuhola; mani haba siyabasihirisa daawe.
Currently Selected:
Yona 3: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
