Yona 2
2
Esaala ya Yona
1Mani Yona naali mu nda y'okung'eeni yasaba esaala eyiri Omwaami Nasaae wae, 2n'aboola ati,
“Ewe Omwaami, nindali mu bidinyu, ndahulirira,
mani wambulira;
ni ndi aasi emakoombe ndahulirira,
mani wawulira ekono lyaange.
3Olwohuba waasukuna mu lusiba
akatikaati w'enyaanja,
mani emihula ch'amaachi nichindebodoohania;
haandi amafwiinda kao k'amaani
nikaambitaho.
4Mani ndeecha ndaboola endi, ‘Njiruswe
ohutula mu moni wao;
ndahakaluheo endye haandi ohubonaho
enyuumba yao enjolerefu?’
5Amaachi kaamira,
ndaaba aambi ohwoola emakoombe;
amayombayoombe kaandeboyokania hu mutwe.
6Ndeebira aasi ohwoola emakoombe.
Ndeeha aasi ndoola yi njiki ch'eloba
chanjikalira endaalo choosi;
nae ewe wanunula obulamu bwaange ohutula mu liina leeyi,
Ewe Omwaami Nasaae waange.
7Nindali aambi ohukwiisa omwooyo,
ndeechulisa Omwaami;
mani ohusaba esaala hwaange nihwoola yooli,
mu nyuumba yao enjoolerefu.
8Abo abeenamira ebiloongaloongwe
beetusaho obweyamo bwaabwe bwadyeeri yooli.
9Nae ese, njia ohweemba nindeebasa
njia ohuhuwaanira esiyaanwa;
esyo syosi-syoosi sindeyama, njia ohuhuberesa.
Obuwonia bwoosi bwao, ewe Omwaami!”
10Omwaami yalomaloma neende okung'eeni, mani nikusala Yona hu genya.
Currently Selected:
Yona 2: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
