Yobbu 35
35
1Haandi Elihu yalomaloma n'ateeba ati,
2“Obaasa oti sihoyera?
Oboola oti, ‘Hoera ohuba endi mu moni wa Nasaae,’
3mani hu weemeo oteebe oti, ‘Bulai siina bu ndi nabwo?
Ohutahola esyonoono hwaange huuhoonyere siina?’
4Njia ohuhukobolamo
ewe neende abeecha bao bosi.
5Tingaala hu kulu, mani obone;
Wehaliriihe amaleesi, obone koti lu kali aakulu muno ohuhuhira.
6 #
Yob 22:2,3. Nooholere esyonoono, esyo simudiiraho sitye?
Haandi ebyonoono byao nibyemeeda, omuholaho syonoono siina?
7N'oli omuluungifu, omumeedaho siina;
oba anyoola siina ohutula mu muhono kwao?
8Ebibi byao bichuuna omuundu waasyo oli koti ewe,
haandi obuluungifu bwao buhoonya abaandu basyo.
9“Olwohuba abaandu bekanyiirisa nibabafwiinyirira;
balirira abali neende amaani babahoonye.
10Nae abulao oboola ati, “Nasaae omuloongi waange ali yeena,
okera abaandu baaba neende esuubi mu biha byaabwe bidinyu,
11otweekesa ohuhira ebisolo byohu syaalo,
mani yatuhola hwaaba abakesi ohuhira amayoni kabburuha.
12Balira nibadaha obuhoonyi, nae Nasaae haba sabakobolamo,
hulw'esuunga neende embi chaabwe.
13Mubwadyeeri Nasaae haba saawulira ohulira hubulamo obuhoonyi,
oba Omunyala w'ebiindu byoosi yahudeebaho.
14Mani anaahuwulire atye ewe noboola oti, haba somubona?
Haandi oti omusaango kwao kuli mu moni wae, haandi oti omuliindire!
15Nae bulaanu, olwohuba etima lya Nasaae haba sirisaandya,
haandi oti haba s'adeeba muno hu bibi,
16Yobbu alomaloma ebiindu bitaalimo echamu,
yemeeda ohulomaloma ebiindu bi ataamanyire.”
Currently Selected:
Yobbu 35: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
