Yeremia 24
24
Ebikono by'Enduli bibiri
1 #
2 Abat 24:12-16; 2 Biha 36:10. Nebukadineesa, omutuki wa Bbabbilooni niyali naamalire ohutusa mu Yerusalemu, Yekonia omwaana wa Yehoyakimu, omutuki wa Buyudaaya yamuyira mu jeela, alala neende abachweenufu bae, neende Abetaanyi, alala neende abamanyirifu mu mirimo. Omwaami yanjekesa ohubonehera huno: Bone, ebikono bibiri eby'enduli, byali nibiteerwe mu moni w'enyuumba y'Omwaami. 2Esikono silala, syalimo enduli ndai, echitaangirira ohweenga. Nae esikono siindi syalimo enduli mbi muno, echitanyala huliibwa daawe. 3Mani Omwaami naateeba ati: “Yeremia, obona siina?” Naange ningobolamo endi, “Mbona enduli ndai muno, neende embi muno echitanyala ohuliibwa daawe.”
4Omwaami yamboolera ati: 5“Ese, Omwaami Nasaae wa Yisiraeli mbona endi abaandu bano bali koti enduli milai abahoonyere ohutula mu Buyudaaya, mani bayirwe mu syaalo ch'Abakalidaaya. 6Ndahabakwiire esisa, mani mbakobose mu syaalo sino. Njia ohuboombaha mani haye ohubalikula; njia ohuboombaha mani bahaye ohweeyiya. 7Njia ohubaberesa omwooyo kumanya kuti, Niise Omwaami. Mani bachia ohuba abaandu baange, haandi njia ohuba Nasaae waabwe. Olwohuba bachia ohukobola yi ndi neende omwooyo kwaabwe kwoosi.”
8Nae Sedekia, omutuki wa Buyudaaya, neende abachweenufu bae, neende abomu Yerusalemu, abadoong'a mu syaalo sino, neende abo abali mu syaalo sya Misiri, ese Omwaami mbona endi bali koti enduli mbi echitanyala ohuliibwa daawe. 9Njia ohuboosaho esibi, mani obwaami bwohu syaalo bwoosi butye. Abaandu bahabanyekeenge, beehola olukaado yibali; bahabacheheenge, haandi bahehoonyereenge eliita lyaabwe nibabwaaba, buli abuundu yi ndahabasalaanisirye. 10Njia ohubasiindihamo ebiita, enjala, neende oluumbe, ohwoola lu ndahabasihirisiire elalira mbamale mu syaalo si ndababeresa alala neende bakuuka yaabwe.
Currently Selected:
Yeremia 24: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
