Yeremia 15
15
Amasira hu baandu bomu Buyudaaya
1 #
Hut 32:11-14; Hub 14:13-19;
1 Sam 7:5-9. Omwaami yamboolera ati: “Kata Musa neende Samueli baheema mu moni waange, haba siinyala ohukwiira abaandu bano esisa. Beeruse batule mu moni waange, baweeo.” 2#Hubwi 13:10.Nae nibahuteeba bati, baweeo, bachie yeena. Obakobolamo oti, Omwaami aboola ati:
“Ab'ohufwa oluumbe, bachia eyiri oluumbe,
haandi ab'ohwiitwa neende olugaanga, bachia eyiri olugaanga.
Ab'ohufwa enjala, bachia eyiri enjala.
Ab'ohuyirwa mu jeela, bachia mu jeela.”
3Omwaami aboola ati: “Njia ohubateerao embya chine och'ohubasihirisa: olugaanga ohubafumita, embwa ohubaboosyoola, amayoni ohubasoosomola, neende esolo ndeende ohubanyoonyobola 4#2 Abat 21:1-16; 2 Biha 33:1-9.Njia ohubahola esy'ohwesiinduha eyiri obwaami bwohu syaalo bwoosi, hulw'ebyo bi Manaase omwaana wa Hesekia omutuki womu Buyudaaya yahola mu Yerusalemu.”
5Omwaami aboola ati: “Ewe Yerusalemu, wiina mweene olihukwiira esisa,
oba yaahudiirira engisa?
Wiina mweene olikabuha
ohuhuteeba koti lu oli?
6Ewe wandekaana,
mani wemeeda ohuufudatira.
Mani sakira hukololeere omuhono, husihirise.
Njoong'ere ohuhukwiira esisa.
7Mu buli biruwa byomu syaalo sino,
mbasereechere koti osereecha omuhuuchi.
Ndeeta abaana baabwe, ndasihirisa abaandu baange;
olwohuba bahayira mu biima byaabwe bibi.
8Abahasi bafwiirwe mu syaalo syaabwe bemeedere muno
ohuhira omusenye kwohu nyaanja.
Ndeeta abaraaga baabwe nibasisiiri neende amaani,
mani engisa niyidiira bang'inaabwe.
Naabakwisaho amasira neende ebitiisa
nibataamanyire daawe.
9Omuhasi weebula abaana bataanu aweeremo amaani abbwoyoohere;
obulamu bu muweereeremo elalira.
Obwiire bumwiriire nisisiiri esideete.
Esoni chimudiirire mani yaawumumala.
Mani njia ohuleha abasuku beeng'we,
babeete eng'we abasiidoong'ereo,
Omwaami niye oboola.”
Yeremia yekanyiirisira Omwaami
10Chiinjakaanire! Lwasiina maama yanjibula. Soolana haandi ndayiingana neende buli muundu hu syaalo syoosi. Haba sindewolaangaho eseende, oba abaandu bandeeyolaho, nae buli muundu yabwaaba. 11Ewe Omwaami, leha ebibwaabo byaabwe byoolerere niimba nitahuhalaabaniraanga bulai, haandi niimba nitekongooyeraanga omusuku waange naali mu bidinyu neende amasira. 12Aliwo omuundu onyala ohufunaka esyuuma neende esikomo, ohuhira elalira ebyo ebitula mu syaalo sy'emukulu?
13Omwaami aboola ati: “Emyaandu kyeeng'we neende obuyiinda bweeng'we njia ohubiberesa babinyake, abula ohutuungwa, hulw'ebyonoono byeeng'we bi mwahola mu syaalo syeeng'we syoosi. 14Njia ohubahola mube abahalaabani b'abasuku beeng'we mu syaalo si mutaamanyire daawe, olwohuba etima lyaange lyaaduha koti omuliro kutahasime daawe.”
15Mani niimboola endi: Ewe Omwaami, wumanyire;
njichulise mani wuhoonye.
Wetuunge abo abadaha ohuunjita.
Otabesimiirisa ohuunjita;
manya oti nyekwa hulwao.
16Walomaloma naange, mani ndaatekeeresa buli mboosi.
Mani emboosi chao chandeetera esangaalo
neende ohweehoya mu mwooyo.
Olwohuba ndi owao,
ewe Omwaami, Nasaae w'Amaye.
17Haba sindeehale alala neende abaandu mu bidyaalo byaabwe,
oba kata ohubisangaalira.
Nae ndeehalaanga syeng'ene, olwohuba waali naange,
mani ni njichula etima lyao.
18Lwasiina obuchuuni bwaange haba sibwaakama daawe?
Lwasiina ebikoonjo byaange haba sibiwona?
Lwasiina bihaire ohuwona?
Wundehooleere ahaalo hadiidi ahateesikiha,
ahahamamo amaachi mu siminyu.
19Mani sakira Omwaami yamboolera ati:
“Nookobola yi ndi, njia ohuhukobosa hu mulimo,
haandi ochia ohweema mu moni waange.
Noolomaloma emboosi ndai, mani waaleha emboosi chitaalimo obuhoonyi,
oba wahalomalome mu liita lyaange.
Abaandu bahakobole yooli,
nae ewe haba siwahakobole yi bali.
20Mani njia ohuhuhola obe koti olukaka lw'esikomo
eyiri abaandu bano.
Bachia ohuhulwaania,
nae haba sibahahuyiingire daawe,
olwohuba ndi naawe
ohuhuhoonya neende ohuhununula,
Omwaami niye oboola.
21“Njia ohuhununula ohutula mu mahono k'abahola-mbi,
haandi hwabine ohutula mu bunyala bw'abaandu baalaba.”
Currently Selected:
Yeremia 15: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
