Yisaaya 49
49
Yisiraeli, nibwo obulafu eyiri ebyaalo biindi
1 #
Yer 1:5. Eng'we ebyaalo by'eyale, mutekeerese bi mboola,
muteke amatwi, eng'we abaandu b'eyale.
Omwaami yanaanga nisisiiri ohwiibulwa,
yanaanga eliita nisisiiri mu nda ya maama.
2 #
Abaib 4:12; Hubwi 1:16. Yahola emboosi chaange chaaba koti olugaanga lwooki,
yaangisa mu siiniha sy'omumabaya kae.
Yahola ahasaale hawaakale,
mani yaangisa mu sikiingiro syae.
3Mani yamboolera ati, “Yisiraeli, niiwe omuhalaabani waange,
yiinjia ohunyoleramo oluyaali.”
4Nae ese ndaboola endi, “Ndidiihaniire buhaya,
amaani kaange kambweeramo buhaya.
Nae mubwadyeeri bweene, Omwaami niye omanyire obudinyu bwaange,
haandi niye oliimberesaho omukabo kwaange.”
5Mani bulaanu Omwaami aboola ati,
oyo owaahola ndaaba omuhalaabani wae nisisiiri mu nda,
ohumukoboserayo ab'olwiibulo lwa Yakobbo,
haandi ati mubuusire alala Abaisiraeli basalaana.
Olwohuba ese ndanyoola oluyaali mu moni w'Omwaami,
haandi Nasaae waange niye amaani kaange.
6 #
Yis 42:6; Luk 2:32; Biho 26:23;
Biho 13:47. Mani Omwaami oyo yamboolera ati,
“Haba sisihumala ewe ohuba omuhalaabani waange
ohutaao oluyaali lw'abanaluyia ba Yakobbo
neende ohukobosao Abaisiraeli bawonereo;
haandi njia ohuhuhola ohuba obulafu bw'ebyaalo biindi,
mani hu buwonia bwaange bunyale ohwoola hu njakamo y'esyaalo.”
7Omwaami Omununusi haandi Omwoolerefu wa Yisiraeli,
aboolera oyo yi baandu balekeeresa, haandi yi byaalo byasyuula,
haandi omuhalaabani w'abatuki ati,
“Abatuki bahahubone mani nibasiingira ohuhwiisamo oluyaali;
abachweenufu bahahubone, mani bahwiinamire;
olwohuba Omwaami mweesikwa niye,
haandi Omwoolerefu Mweene wa Yisiraeli, niye ohudoolere.”
Ohukobosa Yerusalemu buyaaha
8 #
2 Kor 6:2. Omwaami aboola ati,
“Ndahuwulira mu biha by'ohuhukwiira esisa,
mani nihuhoonya hu ludaalo lw'obuwonia.
Ndahuliinda mani nihuwabina
obe koti endagaano yaange eyiri abaandu.
Njia ohuhuleha obe mu muleembe mu syaalo,
mani haandi ochaake ohukabulamo ebituundu byasyo ebyalehwao ao bityo,
9noboola oti, ‘Mutule mu jeela,’
haandi eyiri abo abali mu siirima oti, ‘Mwiiche mu bulafu.’
Bahabe koti amakoondi akanyoola ebyohulya hu ngira yikabitiraho,
haandi akali neende obwayiro bwaako hu ngulu ndeeyi chiboneha.
10 #
Hubwi 7:16,17. Enjala haba siyichia hubaluma daawe, kata sa obuluwo.
Omubasu neende omuyaka kusaamba haba sibyahabahole esibi syoosi,
olwohuba Oyo obakwiira esisa yahabeemereremo,
mani yaboosa hu sulo ch'amaachi.
11“Mani njia ohutaao engira mu ngulu chaange choosi,
engira chaange hoongo ndahachiniinie aakulu.
12Bone, abaandu baange bahatule eyale,
haandi bone, bano bahatule emukulu neende emuumbo,
haandi abaandi bahatule mu syaalo sya Sinimu.”
13Yemba hulw'esangaalo, ewe ekulu, haandi wehoye, ewe esyaalo.
Mutuleyo, mani muchaake ohweemba, eng'we engulu!
Olwohuba Omwaami alemiisye emyooyo ky'abaandu bae,
haandi achia ohukwiira esisa abaandu bae basaandisibwa.
14Nae esiko sya Siyooni musiboolere muti, “Omwaami yanjwaang'ire,
Omwaami waange yaanjibiriire.”
15“Omuhasi anyala ohwiibirira omwaana wae onuuna,
yaahaya ohuheera omwaana wae yi yeebula?
Nae kata abahasi banyala ohwiibirira abaana baabwe,
nae Ese haba sihwiibiriraangaho daawe.
16Ewe esiko sya Siyooni, bona, ese hubaachire koti esifwaanani mu syaaba sy'omuhono kwaange;
ebida byao biri mu moni waange buli siha.
17Abaandu bahahwoombahe buyaaha bahira abahusihirisa,
haandi abakera waaba ekuunda bamala hale ohuwaao baahuleha.
18Mani ewe siingisa emoni chao otingaale hu nyaande choosi mani obone;
abo boosi abali ohwebuusa alala, beeche yooli.
Ese Omwaami, koti luundi omulamu, mboola endi,
ochia ohubefwaala koti engubo ch'engaanga,
ochia ohubefwaala koti lu mweeya yaheehoyera mu ngubo ching'enaang'ena.
19“Mubwadyeeri esyaalo esyo syali nisisihire haandi nisyeholere ekuunda
esyaalo syao esyo ese nisyeebwaabire,
nae bulaanu syahabe esidiiyifu esitayeramo abaandu basyo ohusimenyamo.
Haandi abo abaleha bahusihirisa bahahwebwaabe mani bahweyaaba.
20Abaana beebulwa mu biha by'obuboye bwao
bahaboole ludaalo olwo bati,
‘Esyaalo si hulimo sino sidiiyifu muno, haba sisitumala daawe;
sitabuuse hunyoole obweyaango bwohumenyamo nihweyaaka.’
21Ao mani wahaboole mu mwooyo kwao oti:
‘Wiina mweene owanjibulira bano boosi?
Ndafwiirwa abaana mani ndadoong'a syeeng'ene,
ndali mu buboye mani ndeeruswa ebihaya ndawaao.
Nae wiina mweene oweebula abaana bano?
Bone, ese ndali nindadoong'a syeeng'ene deenguliru;
nae bano boosi batulire yeena?’”
22Omwaami Nasaae ow'Obunyala bwoosi aboola ati:
“Bone, ndahasiingise omuhuno kwaange eyiri abateende,
mani ndaniinia ahalolero haange eyiri abaandu.
Bahaleete abaana baabwe nibabaakaate mu birifu byaabwe,
haandi abahaana baabwe nibahakiingiirwe hu mabeka.
23Abatuki nibo abahabaliinde koti balaata yeeng'we,
haandi abahasi b'abatuki nibo abahabaliinde koti bang'ineeng'we.
Baheename mu moni weeng'we nibabeesamo oluyaali,
nibahoomba olufu lwohu makulu keeng'we.
Ao mani niwo yimwahamanyire muti ese Niise Omwaami;
haandi buli owuniinda ohumuhoonya haba siyahadiirwe esoni daawe.”
24Omusikaari w'amaani, onyala mani ohumutusaho ebiindu bi ayaayire,
kose ohwaabina owudiirirwe ohumutusa mu mahono k'omusikaari mwaalaba?
25Mubwadyeeri bweene, Omwaami aboola ati:
“Kata abawaambe b'omusikaari w'amaani achia ohuyirwa,
haandi ebipeeye by'omusikaari mwaalaba bichia ohuwaabinwa.
Olwohuba njia ohulwaania oyo obalwaania,
haandi njia ohuwonia abaana beeng'we.
26Njia ohukera abo ababafwiinyirira beetane abeene-na-beene,
bahameere neende obumeesi bw'amabaanga kaabwe keene koti lu bahameere neende efiini.
Mani ao abaandu boosi bahamanye
bati, Niise Omwaami, Omuwonia weeng'we,
haandi Omununusi weeng'we, ow'Obunyala Mweene wa Yakobbo.”
©Bible Society of Kenya, 2019
©Bible Society of Uganda, 2019