Números Números sutiyoj qhelqa
Números sutiyoj qhelqa
Kay p'anqajta ñawpa sutenqa mana “Números” nisqachu kasqa, ñawpa sutin “Bemidbar”, kasqa. Hebreo rimaypi kay suti “ch'innejpi” niyta munan. Kay qhelqa ajina sutichasqa kasqa, imajtinchus israelitakuna ch'innejpi unayta kasqanku. Qhepanejman Ñawpa Testamentota griego rimayman tijrajkuna “Números” nispa sutichasqanku, imajtinchus israelitakuna ch'innejpi kashaspa, iskay kutikama yupasqa kasqanku. Yupasqa kasqankurayku, sapa jatun ayllupi mashkhachus kasqankuta sut'ita yachasqanku. Jinallataj Números sutiyoj p'anqa willan israelitakuna Sinaí orqonejmanta puririspa Canaanman chayanankukama imachus kasqanta.
Números sutiyoj p'anqapi nin, israelitakuna ch'innejpi rikhurispa, imajtinchus sonqonku q'enaqasqa kasqanta. Sonqonku q'enaqasqa kasqanrayku, Diosta mana kasuyta munashajtinkupis, Tata Dios mana paykunata saqerparisqachu, manachayqa nisqanta junt'asqa. Nillantaj israelitakunaj sonqonku q'enaqasqa kashajtinpis, Moisespa sonqon mana q'enaqakusqanta.
Números sutiyoj qhelqaqa, ajinata t'aqasqa kayta atin:
Israelitakuna puririnankupaj wakichikunku (1—9)
Israelitakuna Moab suyuman chayanankukama rinku (10—21)
Israelitakuna Moabman yaykunankupaj wakichikunku (22—32)
Israelitakuna Jordán mayuta chimpanankupaj kamachisqakunata jap'inku (33—36)
Currently Selected:
Números Números sutiyoj qhelqa: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.