Números 33
33
Israelitakuna ch'innejta purisqankuta yuyarinku
1Israelitakuna Egiptomanta llojsimuspa, samarispa samarispa puririsqanku ajina karqa: Paykunataqa Moiseswan, chantá Aaronwan ima soldadokunata jina sinrullata pusarqanku. 2Tata Dios kamachisqanman jina, Moisesqa maynejmantapachachus puririsqankuta, chantá maymanchus chayasqankuta, chay cheqakunaj sutinkuta qhelqarqa. Ñanta rispa, kay llajtakunata pasarqanku.
3Israelitakunaqa wata qallariy killata, chunka phishqayoj p'unchay kashajtin, Ramesés llajtamanta llojserqanku. Pascua raymita ruwasqankumanta, chay q'ayantin purirerqanku.#Ex 12.6,31,37. Chaypacha paykunaqa manchay wapulla, tukuy Egipto llajtayojkunaj rikunankuta llojserqanku. 4Chaykamataj Egipto llajtayojkunaqa Tata Dios tukuy kuraj kaj churinkuta wañurachisqanta p'ampasharqanku.#Ex 12.29-30. Chayta ruwaspataj, Tata Dios Egipto llajtayojkunaj diosninkuta p'enqaypi rikhuricherqa.
5Israelitakunaqa Ramesesmanta llojsispa, Sucotpi jarakorqanku.
6Sucotmanta llojsisparí, Etampi jarakorqanku. Chayqa ch'innej qallarin chaynejpi kashan.
7Etammanta puririspataj, Baal Sefonmanta inti llojsimuynejpi, Pi Ajirot chaynejman muyuykorqanku, Migdolpa chimpanpitaj jarakorqanku.
8Pi Ajirotmanta puririspataj, Puka Mama Qochata chimpaytawan, ch'innejman chayarqanku. Chantá Etam nisqa ch'innejta kinsa p'unchayta purispa, Marapi jarakorqanku.
9Maramanta puririspataj, Elimman chayarqanku. Chaypi chunka iskayniyoj yaku juturi karqa, qanchis chunka palma sach'akuna ima. Chantá chaynejpi jarakorqanku.
10Elimmanta puririspataj, Puka Mama Qocha kantupi jarakorqanku.
11Puka Mama Qochamanta puririspataj, Sin sutiyoj ch'innejpi jarakorqanku.
12Sin ch'innejmanta puririspataj, Dofcapi jarakorqanku.
13Dofcamanta puririspataj, Aluspi jarakorqanku.
14Alusmanta puririspataj, Refidinpi jarakorqanku, chaypitaj ujyanankupaj yaku mana karqachu.
15Refidinmanta puririspataj, Sinaí ch'innejpi jarakorqanku.
16Sinaimanta puririspataj, Quibrot Hatavapi jarakorqanku.
17Quibrot Hatavamanta puririspataj, Jaserotpi jarakorqanku.
18Jaserotmanta puririspatajrí, Ritmapi jarakorqanku.
19Ritmamanta puririspataj, Rimón Perespi jarakorqanku.
20Rimón Peresmanta puririspataj, Libnapi jarakorqanku.
21Libnamanta puririspataj, Rissapi jarakorqanku.
22Rissamanta puririspataj, Quelatapi jarakorqanku.
23Quelatamanta puririspataj, Sefer orqopi jarakorqanku.
24Sefer orqomanta puririspatajrí, Jaradapi jarakorqanku.
25Jaradamanta puririspataj, Macelotpi jarakorqanku.
26Macelotmanta puririspatajrí, Tajatpi jarakorqanku.
27Tajatmanta puririspataj, Terajpi jarakorqanku.
28Terajmanta puririspatajrí, Mitcapi jarakorqanku.
29Mitcamanta puririspataj, Jasmonapi jarakorqanku.
30Jasmonamanta puririspataj, Moserotpi jarakorqanku.
31Moserotmanta puririspataj, Bené Yacanpi jarakorqanku.
32Bené Yacanmanta puririspatajrí, Gidgad orqopi jarakorqanku.
33Gidgad orqomanta puririspataj, Jotbatapi jarakorqanku.
34Jotbatamanta puririspatajrí, Abronapi jarakorqanku.
35Abronamanta puririspataj, Ezión Gueberpi jarakorqanku.
36Ezión Guebermanta puririspataj, Zin ch'innejpi, Cades nisqapi jarakorqanku.
37Cadesmanta puririspataj, Hor sutiyoj orqopi jarakorqanku. Chayqa Edom suyoj mojonninwan tinkuypi kashan. 38Tata Diospa kamachisqanman jina Aaronqa Hor nisqa orqoman wicharerqa, chaypitaj wañuporqa. Wañuporqa, chaypacha karqa israelitakuna Egiptomanta llojsimusqankumanta, tawa chunka wataña kashajtin, phishqa kaj killa qallariyta. 39Aarón 123 watayoj kashaspa, Hor nisqa orqopi wañuporqa.
40Aradmanta Canaán llajtayoj kuraj kamachejqa chaypacha Neguevpi tiyakusharqa. Paytaj israelitakuna chaynejman chayamusqankuta yacharqa.
41Chantá israelitakuna Hor orqomanta puririspa, Salmonapi jarakorqanku.
42Salmonamanta puririspataj, Punonpi jarakorqanku. 43Punonmanta puririspataj, Obotpi jarakorqanku. 44Obotmanta puririspatajrí, Iyé Abarinpi jarakorqanku. Chayqa Moab suyoj mojonninwan tinkuynejpi kashan.
45Iyé Abarinmanta puririspataj, Dibón Gadpi jarakorqanku.
46Dibón Gadmanta puririspatajrí, Almón Diblatayinpi jarakorqanku.
47Almón Diblatayinmanta puririspataj, Abarín orqonejpi jarakorqanku. Chayqa Nebomanta inti llojsimuynejpi kashan.
48Abarinmanta puririspatajrí, Moab pampapi, Jordán mayoj kantunpi, Jericó llajtaj chimpanpi jarakorqanku. 49Jordán mayu kantupi jarankoqa Moab pampakunapi, Bet Yesimotmantapacha Abel Sitinkama chayarqa.
Canaán jallp'ata rak'inakunku
50Israelitakuna Jordán mayu kantupi, Moab pampapi kashajtinku, Jericó llajtaj chimpanpi Tata Dios Moisesta nerqa: 51Israelitakunata kay jinata niy: Jordán mayuta chimpaytawan, Canaán suyuman yaykuspaqa, 52tukuy chaypi tiyakojkunata qharqoychej. Phiriychejtaj rumimanta ruwasqa, chantá metalmanta ruwasqa lantinkunata. Orqo patapi lanti yupaychana cheqakunatapis thuñiychej. 53Chantá chay suyuta jap'ispa, chaypi tiyakuychej, imaraykuchus noqamin tiyakunaykichejpaj chay suyupi jallp'ata qoykichej. 54Chay jallp'ataqa sapa ayllu mashkhachus kasqaykichejman jina, suerteta choqaspa rak'inakunkichej. Jatun ayllumanqa jatullantataj qonkichej, juch'uy ayllumantaj juch'uyllatataj qonkichej. Sapa ayllu, maynejpichus suerte urmasqanman jina jap'enqa. 55Sichus qankuna chay runakunata mana qharqonkichejchu chayqa, chay runakunaqa ñawiykichejpi qhepu jina kanqanku. Khishka jinataj ukhuykichejpi t'ojsisonqachej. Qankunapaj chay jallp'api tiyakushajtiykichej chaypi, paykunaqa uma nanay kanqanku. 56Noqatajrí awqaykichejta imatachus ruwayta yuyarqani, ajinallatataj qankunawan ruwasaj, nispa. Ajinata Tata Dios nerqa.
Currently Selected:
Números 33: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
