Números 30
30
Diosman imatachus nisqanchejta junt'ana
1 1 (2) Chantá Moisés israelitakunamanta kurajkunata nerqa: Tata Dios ajinata kamachin: 2 2 (3) Sichus mayqenpis Tata Diospaj imata ruwananta nin chayqa, chayrí tiluspa imatapis junt'ananta nin chayqa, imatachus nisqanmanta mana kutirinanchu tiyan, manachayqa nisqanta junt'ananpuni tiyan.#30.2 Nisqanta, nisqata: Sichus uj qhari Diosman nej imata ruwananta, chayrí imata jaywananta chayqa, junt'ananpuni karqa. Imatachus nisqanmanta mana qhepaman kutiriyta aterqachu. Dt 23.21-23; Gn 28.20-22; Jue 11.30-31. Warmi kajtinrí, tatan, chayrí qosan, Diosman imatachus nisqanta junt'ananta, chayrí mana junt'ananta niyta aterqa vv. 3-15.
3 3 (4) Ichapis uj sipas tatanpa makillanpiraj kashaspa, imatapis Tata Diosman qonanta ninman, chayrí imatapis ruwananta ninman. 4 4 (5) Sichus tatan imatachus nisqanta uyarispa, mana imatapis ninmanchu chayqa, chay sipas imatachus nisqanta junt'anan tiyan. 5 5 (6) Chantá sichus sipaspa tatan chayta yachaspa, mana munanmanchu imatachus nisqanta junt'ananta chayqa, sipasqa manaña nisqanta junt'anqachu. Tatan mana munasqanrayku, Tata Diosqa junt'anantapuni mana mañanqachu.
6 6 (7) Sichus uj warmisapallanraj kashaspa, Tata Diosman imatapis qonanta ninman, chayrí mana allinta qhawarikuspa imatapis ruwananta ninman, chantá casarakapunman, 7 7 (8) sitajchus qosan nisqanta yachaspa, mana imatapis ninmanchu chayqa, chay warmi imatachus Diosman nisqanta, jinallataj imatachus ruwasaj nisqantapis junt'anan tiyan. 8 8 (9) Sichus qosan yachaspa mana munanqachu chayta junt'ananta, chayrí mana allinta qhawarikuspa imatapis nisqanta junt'ananta chayqa, chay warmi manaña junt'ayta atenqachu. Tata Diospis manallataj junt'anantapuni mañanqachu.
9 9 (10) Sichus warmisapa, chayrí qosanmanta t'aqasqa warmi nenqa Tata Diospaj imatapis ruwananta, chayrí imatapis qonanta chayqa, imatachus nisqanta junt'ananpuni tiyan.
10 10 (11) Ichapis qosayoj warmi qosanpa wasinpi kashaspa, tiluspa ninman Tata Diospaj imatapis ruwananta. 11 11 (12) Sichus qosan chayta yachashaspa, mana imatapis ninmanchu, nitaj jark'akunmanchu chayqa, chay warmi imatachus nisqanta junt'anan tiyan. 12 12 (13) Chaywanpis sichus qosan chayta yachaytawan, imatachus nisqanta junt'ananta mana munanmanchu chayqa, chay warmi manaña junt'anqachu, qosan mana munasqanrayku. Tata Diostaj junt'anantapuni manaña mañanqachu.
13 13 (14) Qosanqa warmin Diosman imatachus nisqanta, chayrí ayunananta nisqanta, allinchus, manachus kasqanta niyta atenqa. 14 14 (15) Chaywanpis sichus qosan chayta yachashaspa, q'ayantin, minchhantinpis mana imatapis ninmanchu chayqa, niyta munan warmin Tata Diosman imatachus nisqanta, chayrí tilusqanta junt'ananta. 15 15 (16) Sichus qosan yachasqanmantaña mana usqhayta imatapis ninmanchu, chaymantaraj mana allinchu kasqanta ninman chayqa, pay warminpa juchanta apanqa, warmin Tata Diosman imatachus qosaj nisqanta mana junt'asqanmanta.
16 16 (17) Chaykunata Tata Dios Moisesman kamacherqa, chayman jina qhari warmi imatachus ruwanankumanta, jinataj tatanpa wasillanpiraj tiyaj sipaswan imatachus ruwanankumanta ima.
Currently Selected:
Números 30: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
