Números 29
29
Trompeta waqachina raymi
(Lv 23.23-25)
1Tata Dios nillarqapuni: Qanchis kaj killa qallariyta Diospa sutinpi tantakunkichej. Chay p'unchayqa ruwanaykichejmanta amapuni ni imata ruwankichejchu, imaraykuchus trompeta waqachina p'unchay kanqa. 2Chaypacha q'olachispa Tata Diosman jaywankichej, ima munayta q'apashaj jaywanata jina, mana iman imanasqa uj torillota, uj carnerota, uj watayoj qanchis corderokunatawan ima. 3Sapa torillota aceitewan puñasqa sojta kilo sumaj jak'utawan jaywankichej, sapa carnerotataj tawa kilo jak'utawan. 4Sapa corderotataj iskay kilo jak'utawan jaywankichej. 5Chantá juchaykichej pampachasqa kananpaj uj chivotawan jaywallankichejtaj. 6Chay jawaqa, kamachisqa kasqanman jina, sapa killa q'olachispa jaywanata, jinallataj sapa p'unchay q'olachispa jaywanata, ch'aki mikhuy jaywanantinta, chantá ch'ajchunapaj vino jaywanantinta ima Diosman jaywallankichejpuni. Chay jaywanaqa Tata Diospaj ima munayta q'apashaj q'olachisqa jaywana kanqa.
Jucha pampachana p'unchaypi jaywana
(Lv 23.26-32)
7Qanchis killallapitaj, chunka kaj p'unchayta tantakuspa, Diosta yupaychankichej. Chay p'unchayqa ayunankichej,#Lv 16.29-34; 23.29. jinataj ruwanaykichejmanta ama ni imata ruwankichejchu. 8Ima munayta q'apashaj q'olachispa jaywanata Tata Diosman jaywankichej mana iman imanasqa uj torillota, uj carnerota, uj watayoj qanchis corderokunatawan ima. 9Sapa torillota aceitewan puñasqa sojta kilo sumaj jak'utawan jaywankichej, sapa carnerotataj tawa kilo jak'utawan. 10Sapa corderotataj iskay kilo sumaj jak'utawan jaywankichej. 11Jinallataj jucha pampachasqa kananpaj, uj chivotawan jaywallankichejtaj. Jaywallankichejtaj jucha pampachana p'unchaypi jaywanata, chantá sapa p'unchay q'olachispa jaywanatawan. Sapa jaywanata, ch'aki mikhuy jaywanantinta chantá ch'ajchunapaj vinontinta jaywankichej.
Ch'ujlla Ruwana raymi
(Lv 23.33-44)
12Qanchis kaj killapi, chunka phishqayoj p'unchaypi Diosta yupaychanaykichejpaj tantakunkichej. Chay p'unchayqa ruwanaykichejmanta amapuni ni imata ruwankichejchu. Qanchis p'unchaynintinta Tata Diospaj jatun raymita ruwapunkichej. 13Raymi qallariy p'unchayta, ima munayta q'apashaj q'olachisqa jaywanata Tata Diosman jaywankichej mana iman imanasqa, chunka kinsayoj torillokunata, iskay carnerokunata, uj watayoj chunka tawayoj corderokunata ima. 14Sapa torillota aceitewan puñasqa sojta kilo sumaj jak'utawan jaywankichej, sapa carnerotataj tawa kilo jak'utawan. 15Uj watayoj sapa corderotataj iskay kilo sumaj jak'utawan jaywankichej. 16Jinallataj jucha pampachasqa kananpaj uj chivotawan jaywallankichejtaj. Chay jawa, sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, ch'ajchunapaj vinontinta ima jaywankichej.
17Iskay kaj p'unchaypeqa mana iman imanasqa chunka iskayniyoj torillokunata, iskay carnerokunata, uj watayojta chunka tawayoj corderokunatawan ima jaywankichej. 18Chay jawa, Tata Dios kamachisqanman jina, torillokuna, carnerokuna, corderokuna mashkhachus kasqanman jina jaywankichej ch'aki mikhuy jaywanantinta, chantá ch'ajchunapaj vinontinta ima. 19Jinallataj jucha pampachasqa kananpaj uj chivotawan jaywallankichejtaj. Chay jawa, sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, ch'ajchunapaj vinontinta ima jaywankichej.
20Kinsa kaj p'unchaypirí mana iman imanasqa, chunka ujniyoj torillokunata, iskay carnerokunata, uj watayoj chunka tawayoj corderokunatawan ima jaywankichej. 21Chay jawa, Tata Dios kamachisqanman jina, torillokuna, carnerokuna chantá corderokuna mashkhachus kasqankuman jina jaywankichej ch'aki mikhuy jaywanantinta chantá ch'ajchunapaj vinontinta ima. 22Chantá jucha pampachasqa kananpaj uj chivotawan jaywankichej. Jinallataj sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, chantá ch'ajchunapaj vinontinta ima jaywankichej.
23Tawa kaj p'unchaypitaj, mana iman imanasqa chunka torillokunata, iskay carnerokunata, uj watayoj chunka tawayoj corderokunatawan ima jaywankichej. 24Chay jawa, Tata Dios kamachisqanman jina, torillokuna, carnerokuna, corderokuna ima, mashkhachus kasqankuman jina ch'aki mikhuy jaywanantinta, ch'ajchunapaj vinontinta ima jaywankichej. 25Jucha pampachasqa kananpajtaj uj chivotawan jaywankichej. Jaywallankichejtaj sapa p'unchay q'olachisqa jaywanata. Chaykunata ch'aki mikhuy jaywanantinta, ch'ajchunapaj vinontinta ima jaywankichej.
26Phishqa kaj p'unchaypitaj mana ima imanasqa jisq'on torillokunata, iskay carnerokunata, uj watayoj chunka tawayoj corderokunatawan ima jaywankichej. 27Chay jawa, Tata Dios kamachisqanman jina, torillokuna, carnerokuna, corderokuna ima, mashkhachus kasqankuman jina, ch'akin mikhuy jaywanantinta, chantá ch'ajchunapaj vinontinta ima jaywankichej. 28Jinallataj jucha pampachasqa kananpaj uj chivotawan jaywankichej. Sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, chantá ch'ajchunapaj vinontinta ima jaywankichej.
29Sojta kaj p'unchaypeqa pusaj torillokunata, iskay carnerokunata, uj watayoj chunka tawayoj corderokunata ima jaywankichej. 30Chay jawa, Tata Dios kamachisqanman jina, torillokuna, carnerokuna, corderokuna ima, mashkhachus kasqankuman jina ch'aki mikhuy jaywanantinta, chantá ch'ajchunapaj vinontinta ima jaywankichej. 31Jucha pampachasqa kananpajtaj uj chivotawan jaywankichej. Jinallataj sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, chantá ch'ajchunapaj vinontinta ima jaywankichej.
32Qanchis kaj p'unchaypi mana iman imanasqa qanchis torillokunata, iskay carnerokunata, uj watayoj chunka tawayoj corderokunata ima jaywankichej. 33Chay jawa, Tata Dios kamachisqanman jina, torillokuna, carnerokuna, corderokuna ima mashkhachus kasqankuman jina, ch'aki mikhuy jaywanantinta, ch'ajchunapaj vinontinta ima jaywankichej. 34Jucha pampachasqa kananpajtaj uj chivotawan jaywallankichejtaj. Jinallataj sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, chantá vinontinta ima jaywankichej.
35Pusaj kaj p'unchaypitaj yupaychanaykichejpaj tantakunkichej. Chay p'unchayqa imachus ruwanaykichejmanta ama ni imata ruwankichejchu.#Jn 7.37-38. 36Ima munayta q'apashaj jaywanata, q'olachispa Tata Diosman mana iman imanasqa uj torillota, uj carnerota, uj watayoj qanchis corderokunatawan ima jaywankichej. 37Chay jawa, Tata Dios kamachisqanman jina, torillokuna, carnerokuna, corderokuna ima mashkhachus kasqanman jina ch'aki mikhuy jaywanantinta, chantá ch'ajchunapaj vinontinta ima jaywankichej. 38Chantá jucha pampachasqa kananpaj uj chivotawan jaywallankichejtaj. Jinallataj sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, chantá vinontinta ima jaywankichej.
39Chaykunata Tata Diospa jatun raymin p'unchaykunapi jaywankichej. Chay jawa jaywallankichejtaj, Tata Diosman nisqaykichejta junt'aspa jaywanata, sonqomanta munaspa jaywanata, chayrí q'olachispa jaywanata, ch'akiy mikhuy jaywanata, ch'ajchunapaj vinota, chantá k'achata kawsakuy jaywanata ima, nispa.
40 40 (30.1) Chantá Moisesqa Tata Dios payman imatachus kamachisqanta israelitakunaman rejsicherqa.
Currently Selected:
Números 29: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
