Números 28
28
Tata Diosman sapa p'unchay jaywanamanta
(Ex 29.38-46)
1Tata Dios Moisesta nillarqataj: 2Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.
3Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku. 4Ujnin kajta tutamanta jaywawankichej, ujnin kajtataj ch'isiyaykuyta. 5Ch'aki mikhuymanta jaywanaqa sumaj jak'umanta iskay kilo uj litro olivo aceitewan puñasqa kanqa. 6Chaytaqa sapa kuti q'olachispa Diosman jaywanqanku, Sinaí orqopi kamachisqaman jina. Chaytaj Tata Diospaj ima munayta q'apashaj jaywana kanqa. 7Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku. 8Ujnin kaj corderotataj ch'isiyaykuyta q'olachispa jaywanqanku, chaymantaj ch'aki mikhuymanta jaywanata, vinotawan ima yapanqanku, imaynatachus tutamanta jaywarqanku, ajinallatataj. Chaykunaqa Tata Diospaj ima munayta q'apashaj jaywanamin kanqa.
Samarina p'unchaypi jaywana
9Samarina p'unchaypi uj watayoj, mana iman imanasqa iskay corderota Tata Diosman jaywankichej. Chaymantaj aceitewan puñasqa, sumaj jak'umanta tawa kilota, chantá vinotawan ima jaywankichej. 10Chay q'olachisqa jaywanata samarina p'unchaypi vino jaywanatawan, chantá sapa p'unchay q'olachispa jaywanatawan khuska jaywankichej.
Sapa killa jaywana
11Killa qallariyta#Sal 81.3; Nm 10.10; 1 S 20.5; Is 1.14. mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej. 12Sapa torillota aceitewan puñasqa sojta kilo sumaj jak'utawan ima jaywankichej. Sapa carnerotataj aceitewan puñasqa tawa kilo sumaj jak'utawan jaywallankichejtaj. 13Corderotapis sapa ujta aceitewan puñasqa, iskay kilo sumaj jak'utawan q'olachinkichej. Chayqa ima munayta q'apashaj Tata Diosman jaywanamin kanqa. 14Sapa torillota jaywaspa, iskay litro vinotawan jaywankichej, uj litro khuskanniyojtataj sapa carnerotawan jaywallankichejtaj. Sapa corderowantaj uj litrotakama jaywankichej. Chaykunamin sapa killa qallariyta q'olachispa Tata Diosman jaywanaykichej kashan. 15Chay jawa, q'olachispa Tata Diosman sapa p'unchay jaywanata vinotawan khuska jaywasqaykichejmanta, jucha pampachasqa kananpaj, uj chivota jaywallankichejtaj.
Pascua raymipi jaywana
(Lv 23.5-8)
16Wata qallariy killapi, chunka tawayoj p'unchay kashajtin, Pascua raymita Tata Diospa sutinpi ruwankichej.#Ex 12.1-13; Nm 9.1-3; Dt 16.1-2. 17Q'ayantintaj chunka phishqayoj p'unchay kashajtin, jatun raymi kanqa. Qanchis p'unchayta mana levadurayoj t'antata mikhunkichej.#Ex 12.14-20; 23.15; 34.18; Dt 16.3-8. 18Semana qallariyta Diospa sutinpi tantakunkichej. Chay p'unchaypi ruwanaykichejmanta amapuni ni imata ruwankichejchu. 19Chay jawaqa, Tata Diosman q'olachispa jaywankichej mana iman imanasqa iskay torillokunata, uj carnerota, uj watayoj qanchis corderotawan ima. 20Chay jaywanatawan khuska jaywanaykichejpaj aceitewan puñasqa sumaj jak'uta apamullankichejtaj. Sapa torillopaj sojta kilo jak'u kanqa, tawa kilotaj uj carneropaj. 21Chay qanchis corderopajtaj sapa ujpaj iskay kilokama kanqa. 22Chaymantataj juchaykichej pampachasqa kananpaj, Tata Diosman jaywanaykichejpaj, uj chivota apamullankichejtaj. 23Chay tukuy jaywanata Tata Diosman jaywankichej, chantapis tutamanta sapa paqarin q'olachispa Diosman jaywanatapis jaywallankichejtaj. 24Ajinata qanchisnintin p'unchaypi ruwankichej. Chay jaywana Tata Diospaj ima munay q'apashajta jaywana kanqa. Chay jawa, sapa p'unchay q'olachispa Tata Diosman jaywanata, vinotawan ima jaywankichej. 25Qanchis kaj p'unchaypitaj, Diosta yupaychanaykichejpaj ujtawan tantakunkichej. Chay p'unchaypi ruwanaykichejmanta amapuni ni imata ruwankichejchu.
Ñawpaj kaj poqoymanta jaywana
(Lv 23.9-22)
26Semana nisqa raymipi, maypachachus ñawpaj kaj poqoyta Tata Diosman jaywankichej chaypacha, Diosta yupaychanaykichejpaj tantakunkichej. Chay p'unchayqa imachus ruwanaykichejmanta mana ni imata ruwankichejchu. 27Jinallataj chay p'unchay, ima munayta q'apashaj jaywanata q'olachispa Tata Diosman jaywankichej, iskay torillota, uj carnerota, uj watayoj qanchis corderotawan ima. 28Chaywan khuskataj sapa uj torillopaj, aceitewan puñasqata sojta kilota sumaj jak'umanta jaywankichej. Sapa carneropajtaj tawa kilota jaywankichej, 29uj watayoj qanchis corderotataj, sapa ujpaj iskay kilotakama jaywankichej. 30Jinallataj juchaykichej pampachasqa kananpaj uj chivota jaywallankichejtaj. 31Q'olachispa sapa p'unchay jaywanata, jinallataj ch'aki mikhuy jaywanata jich'anapaj vinotawan jaywankichej. Jaywanapaj uywakunaqa mana iman imanasqa kananku tiyan, nispa.
Currently Selected:
Números 28: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
