Números 26
26
Israelitakunata ujtawan yupanku
1Wañuchej onqoy pasayta, Tata Diosqa Moiseswan, chantá sacerdote Aaronpata churin Eleazarwan ima parlarqa: 2Israelitakunata sapa ayllupi, iskay chunka watayojmanta pataman yupaychej. Pikunachus maqanakoj rinankupaj jinaña kanku, chaykunata yupaychej, nispa.
3Chantá Moab pampapi, Jordán mayu qayllapi, Jericó llajta chimpapi Moiseswan, Eleazarwan ima israelitakunata nerqanku: 4Tukuy qharita iskay chunka watayojmanta pataman listaychej, imaynatachus Tata Dios Moisesman kamachisqanman jina, nispa.
Egiptomanta llojsimoj israelitakuna kaykuna karqanku:
5Israelpata kuraj kaj churin Rubén jatun ayllumanta karqanku: Enocpata ayllun, Falujpata, 6Jesronpata, chantá Carmij ayllun ima. 7Rubén jatun aylloqa tukuyninpi 43.730 qharikuna karqanku.
8Falúj churenqa Eliab karqa. 9Eliabpata churinkunataj karqanku: Nemuel, Datán, Abirán ima. Datanwan, Abiranwan ima ayllunkumanta kurajkuna kashaspapis, Corewan khuska Tata Diospa contranta oqharikorqanku. Jinallataj Moisespa, Aaronpa contrantawan ima oqharikullarqankutaj. 10Chaypacha jallp'a kicharikuspa, iskayninkuta, chantá Coretawan ima oqoykorqa. Jinallataj Coreta qhatejkuna wañorqanku. 250 qharikuna ninaj ruphasqan wañorqanku. Ajina karqa wajkuna ama paykuna jina ruwanankupaj. 11Chay tukuywanpis Coréj churinkunaqa mana chay p'unchay wañorqankuchu.
12Simeón jatun ayllumanta mirajkuna kaykuna karqanku: Nemuelmanta mirajkuna, Jaminmanta, Jaquinmanta, 13Zerajmanta, chantá Saulmanta mirajkuna ima. 14Yupasqa kasqankuman jina, tukuyninpi 22.200 qharikuna karqanku.
15Gad jatun ayllumanta mirajkunaqa kaykuna karqanku: Zefonmanta mirajkuna, Jaguimanta, Sunimanta, 16Oznimanta, Erimanta, 17Arodmanta, chantá Arelimantawan mirajkuna ima. 18Yupasqa kasqankuman jina, tukuyninpi 40.500 qharikuna karqanku.
19Judajpata churinkuna Erwan, chantá Onanwan ima karqanku. Paykunarí Canaanpi wañupusqanku. 20Ajinaqa, Judá jatun ayllumanta mirajkuna karqanku: Selamanta mirajkuna, Faresmanta, chantá Zerajmantawan mirajkuna ima. 21Farespa churinkunamanta mirajkuna kaykuna karqanku: Jesronmanta, chantá Jamulmanta mirajkuna ima. 22Yupasqa kasqankuman jina Judajpata mirayninpi 76.500 qharikuna karqanku.
23Isacar jatun ayllumanta mirajkunaqa kaykuna karqanku: Tolamanta mirajkuna, Fuvamanta, 24Jasubmanta, chantá Simeronmanta mirajkuna ima. 25Yupasqa kasqankuman jina Isacarpa mirayninmanta tukuyninpi 64.300 qharikuna karqanku.
26Zabulón jatun ayllumanta mirajkuna kaykuna karqanku: Seredmanta mirajkuna, Elonmanta, chantá Yajelelmanta mirajkuna ima. 27Zabulón jatun ayllumanta yupasqa kasqankuman jina, tukuyninpi 60.500 qharikuna karqanku.
28Joséj churinkunaqa Manaseswan, chantá Efrainwan ima karqanku. 29Manasés jatun ayllumanta mirajkunaqa kaykuna karqanku: Maquir, paymanta mirajkunataj maquiritakuna nisqa karqanku. Maquirpata churintaj Galaad karqa. Galaadmanta mirajkunataj galaaditakuna nisqa karqanku. 30Galaadpa churinkuna karqanku: Yézer, paymanta mirajkunataj yezeritakuna nisqa karqanku. Jelecmanta mirajkunataj jelequitakuna nisqa karqanku. 31Asrielmanta mirajkuna asrielitakuna nisqa karqanku. Sichemmanta mirajkunataj sechenita nisqa karqanku. 32Semidamanta mirajkuna semidaitakuna nisqa karqanku. Jefermanta mirajkunataj jeferitakuna nisqa karqanku. 33Jeferpata churin Selofejadpa churinkuna mana karqachu, ususinkunalla karqanku: Malá, Nogá, Joglá, Milca, Tirsa ima. 34Manasesmanta mirajkunaqa tukuyninpi 52.700 qharikuna karqanku.
35Efraín jatun ayllumanta mirajkunaqa kaykuna karqanku: Sutelaj miraynin, Bequerpata miraynin, chantá Tajanpata miraynin ima. 36Sutelaj miraynin karqa Eranpata ayllun. 37Tukuyninpi Efrainpata miraynenqa 32.500 karqanku. Chaykuna Joséj miraynin ayllunkuman jina karqanku.
38Benjamín jatun ayllumanta mirajkunaqa kaykuna karqanku: Belaj ayllun, Asbelpata, Ajiranpata, 39Sufanpata, chantá Jufanpata ayllunwan ima. 40Belaj miraynin karqanku: Ardpata ayllun, chantá Namanpatawan ayllun ima. 41Yupasqa kasqankuman jina, Benjaminpa miraynenqa 45.600 qharikuna karqanku.
42Dan jatun ayllumanta mirajqa Suján karqa, paymanta mirajkunataj sujanita nisqa karqanku. 43Sujanpata ayllunmanta tukuyninpi 64.400 qharikuna karqanku.
44Aser jatun ayllumanta mirajkuna kaykuna karqanku: Imnaj ayllun, Isúij ayllun, chantá Beriaj ayllun ima. 45Beriaj mirayninmanta Jeberpata miraynin, chantá Malquielpata miraynin ima karqanku. 46Aserpata ususin Será karqa. 47Aserpata miraynin tukuyninpi 53.400 qharikuna karqanku.
48Neftalí jatun ayllumanta mirajkunaqa kaykuna karqanku: Yajeselpata ayllun, Gunijta, 49Yezerpata, chantá Silenpata ayllun ima. 50Neftalíj mirayninmanta tukuyninpi 45.400 qharikuna karqanku.
51Israelitakuna yupasqa kasqankuman jina, tukuyninpi 601.730 qharikuna karqanku.
Jallp'ata rak'inakunankupaj kamachisqakuna
52Tata Dios Moisesta nillarqataj: 53Kay ayllukunaman, yupasqapi mashkhachus kasqankuman jina, jallp'ata rak'inki. 54Ashkha runayoj kajmanqa jallp'ata jatunta qonki, pisi runayoj kajmantaj juch'uyllata. Ajinata mashkhachus yupasqa kasqankuman jina, sapa ujninkuman jallp'ata qonki. 55Jallp'ataqa suerteta choqaspa, rak'inki.#Nm 34.13; Jos 14.1-2. Sapa jatun ayllu tatanpa sutinman jina jallp'ata jap'enqa. 56Ashkhapis kachunku, chayrí pisipis kachunku, jallp'ataqa suerteta choqaspa, rak'inki.
Levitakuna yupasqa kanku
57Levitakunaqa ayllunkuman jina yupasqa karqanku: Gersonpata ayllun, Coatpata ayllun, chantá Merarij ayllun ima. 58Levitakunaj miraynintaj karqanku: Libnij ayllun, Hebronpata, Malijta, Musijta, chantá Corejta ayllun ima.
Amiranpa tatan Coat karqa. 59Amiranqa Levíj ususin Jocabedwan casarasqa. Jocabed ususenqa Leví, Egiptopi kashajtillanraj paqarisqa. Amiranwan, Jocabedwan imaqa Aaronpata, Moisespata, chantá Mariajtawan tatanku karqa. 60Aaronpata churinkuna karqanku: Nadab, Abiú, Eleazar, chantá Itamar ima. 61Nadabwan, Abiuwan imaqa Tata Diospa ñawpaqenpi wañusqanku, mana Tata Diospa kamachisqanman jinachu inciensota q'oshñichisqankurayku.#Lv 10.1-2; Nm 3.4.
62Yupasqa kasqankuman jina, Levíj miraynenqa tukuyninpi uj killayojmanta pataman, 23.000 qharikuna karqanku. Paykunaqa mana israelitakunawan khuskachu yupasqa karqanku, imaraykuchus paykunaqa jallp'ata mana jap'inankuchu karqa.#Nm 18.20-23.
63Ajinata Moiseswan, sacerdote Eleazarwan ima israelitakunata Moab pampapi, Jordán mayu qayllapi, Jericó llajta chimpapi yuparqanku. 64Israelitakuna yupasqa karqanku chaykunapeqa mana ujpis karqachu Moiseswan, sacerdote Aaronwan ima Sinaí orqopi yuparqanku, chaykunamanta. 65Tata Dios paykunaman nisqa: Ch'innejpi wañunkichej, nispa. Chayrayku paykunamanta mana ujpis kawsashaj karqañachu. Yefunej churin Calebwan, Nunpata churin Josuellawan mana wañorqankuchu.
Currently Selected:
Números 26: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
