Éxodo 28
28
Sacerdotekunapaj p'acha
(Ex 39.1-31)
1Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.#Ex 6.23. 2Wawqeyki Aaronpajqa Diospaj t'aqasqa sacerdotepaj jina, sumaj p'achata ruwapunki,#28.2 Sumaj p'acha: Sacerdote churakunanpaj jina karqa. Sacerdoteqa sumaj p'achata churakunan karqa, imajtinchus imachus ruwanan, wajkunaj ruwanankumanta nisqa waj jinataj karqa. Lv 16.11-19. ima munay, manchay k'achitu rikukunanpaj. 3Chaypajqa yachayniyojkunawan parlay, pikunamanchus yachayta, yuyayta qoni, chaykunawan. Paykuna Aaronpaj p'achata ruwaponqanku, noqapaj t'aqasqa sacerdotey kananpaj. 4Kay jina p'achakunata ruwanqanku: Pecherata, unkuta, poncho jina qhatanata, pallayniyoj p'achata, linomanta ch'uluta, pallayniyoj chumpitawan. Ajina sumaj p'achakunata wawqeyki Aaronpaj, churinkunapajwan ima ruwapunkichej, sacerdoteykuna jina imachus ruwanankuta ruwanankupaj. 5Chay p'achakuna ruwasqa kanqa qorimanta ruwasqa q'aytumanta, anqa telamanta, puka telamanta, puka panti telamanta, t'ullkusqa linomantawan ima.
Unku
6Unkutaqa#28.6 Unku: Unkoqa mana uj rijch'ajllachu karqa. Jue 8.27; 1 S 2.18; 2 S 6.14. Kuraj kaj sacerdote churakunan unkoqa waj jinataj karqa. Qhasqonman churakunankupaj iskay watanayoj karqa. Sapa watananpi, k'achitu lliphirishaj uj rumi churasqa karqa. Iskaynin rumipi Israel ayllumanta chunka iskayniyoj sutikuna qhelqasqa karqa. Sapa rumipi sojta sutikama qhelqasqa karqa. k'acha pallayniyojta ruwanqanku, qorimanta ruwasqa q'aytumanta, anqa telamanta, puka panti telamanta, pukamanta, t'ullkusqa linomantawan ima. 7Chaytaj sacerdote kunkanman wataykukunanpaj puraj kantunpi iskay watanayoj kanqa. 8Unkuta watakunanpaj, sumaj pallayniyoj chumpeqa unkuwan ujlla kanqa, chaytaj anqa telamanta, puka panti telamanta, puka telamanta, t'ullkusqa linomantawan ruwasqa kanqa. 9Chantá iskay ónice rumita jap'ispa, chayman Israelpata churinkunaj sutinkuta qhelqanki. 10Uj kaj rumiman sojta sutita qhelqanki, uj kajmantaj sojtata. Paqarisqankuman jina qhelqanki. 11Rumikunapi Israelpa churinkunaj sutinta qhelqanqa jaluchukunata ruwayta yachaj, jinataj sellota jina ruwanqa. Chaymantaqa chay rumikunata qorimanta ruwasqa jap'ichinawan chhitaranki. 12Chantá iskaynin rumikunata unkuta watanaman churanki, israelitakunamanta yuyarikuna rumi kananpaj. Ajinata Aaronqa Tata Diospa ñawpaqenpi sayaspa, sapa lijranpi israelitakunamanta yuyarikunanpaj sutinkuta apanqa. 13Rumi jap'ichinataqa qorimanta ruwanki. 14Jinallataj sumaj qorimanta iskay ñañu cadenata ruwanki. Chantá cadenakunata lliphipishaj rumikunaman jap'ichinki.
Pecherata ruwanamanta
15Pecheratapis unkuta jinallataj ruwanki.#28.15 Pechera: Chaleco jina karqa. Sacerdote pecherata unkoj patanman churakunan karqa. Pecherapi, Diospa munayninta yachanapaj, iskay imakuna karqa: Urimwan chantá Tumimwan, ima. Pecheraqa chunka iskayniyoj lliphipirishaj rumiwan k'achanchasqa karqa. Sapa rumipi Israel jatun ayllumanta uj suti qhelqasqa karqa. Pecherataqa imachus justiciata ruwanapaj tiyan, chaykunayojta ruwanki. Chantá qorimanta ruwasqa q'aytuwan k'acha pallayniyojta ruwanki, jinallataj anqa telamanta, puka pantimanta, pukamanta, t'ullkusqa linomanta ima ruwanki. 16Chaytaqa tawantin ladoman kikinta, q'empisqata ruwanki. Unkoqa sayt'unman, anchonman ima iskay chunka iskayniyoj centimetroyojkama kanqa. 17Pecheraj patanmantaj lliphiririshaj rumikunawan tawa sinruta chhitanki. Ñawpaj kaj sinrupi kanqa: Sárdica rumimanta uj, topacio rumimanta uj, esmeralda rumimantataj uj. 18Iskay kaj sinrupitaj kanqa: Rubí rumimanta uj, zafiro rumimanta uj, diamante rumimantataj uj. 19Kinsa kaj sinrupitaj kanqa: Jacinto rumimanta uj, ágata rumimanta uj, amatista rumimantataj uj. 20Tawa kaj sinrupitaj kanqa: Berilo rumimanta uj, ónice rumimanta uj, jaspe rumimantataj uj. Tukuy rumikuna qorimanta jap'ichinawan jap'ichisqa kanqanku. 21Chunka iskayniyoj rumi kanan tiyan, imajtinchus Israelpata churinkunaqa chunka iskayniyoj kanku. Sapa rumipi uj jatun aylloj sutin t'illmisqa kanqa.
22Chaymantaqa pecherapaj sumaj qorimanta ñañu cadenata ruwanki, watanata jina t'ullkusqata. 23Ruwallankitaj qorimanta iskay ninrikunata, chaytataj pecheraj sapa kantunman chhitanki. 24Chantá qorimanta ñañu cadenataqa pecheraj puraj ladonpi ninrinman watanki. 25Cadenakunaj puntantaqa unkupi iskaynin jap'ichinaman churanki, chantataj unkoj ñawpaqenman lijraman watana chaynejman jap'ichinki. 26Chantá ruwallankitaj qorimanta iskay ninrita, chaytataj pecheraj ura kantunman churanki, ukhunejman unkoj qayllanpi kashan, chaynejman. 27Ruwallankitaj qorimanta iskay ninritawan, chaytataj unkuta watanaj ñawpaqenman chhitanki, sirayninpa uranman, chumpinmanta tumpa patannejman. 28Chantá pecheraj ninrinkuna, unkoj ninrinkunawan ima anqa q'aytuwan ujllaman t'inkisqa kanqanku. Ajinamanta unkoj chumpin patanejpi kanqa, ama pechera unkumanta t'aqasqa kananpaj.
29Aaronqa Dioswan Tinkukuna Toldoman sapa kuti yaykuspa qhasqonpi k'askachisqata apanqa, pecheraj patanpi Israelpata churinkunaj sutinku qhelqasqata, chantá justiciata ruwanapaj imakunatawan ima. Ajinamanta Tata Diospa ñawpaqenpi israelitakuna yuyarisqa kanqanku. 30Jinallataj pecheraman Urimta, Tumimtawan churanki,#28.30 Urim, Tumim, imaynachus kasqan mana yachakunchu. Urim, Tumim karqa, suerteta jina choqaspa, Tata Dios uj imamanta imatachus nisqanta yachanapaj. Nm 27.21; Dt 33.8; Esd 2.63; Neh 7.65. Aarón Tata Diospa ñawpaqenman qayllaspa, qhasqonpi apananpaj. Ajinata Aaronqa Tata Diospa ñawpaqenpi qhasqonpi apallanqapuni, israelitakunapaj Tata Dios imatachus nisqanta yachananpaj.
31Jinallataj unkupaj anqa telamanta uj poncho jina qhatanatawan ruwanki. 32Poncho jina qhatanaqa khuskannejpi uma yaykunanpaj jina khallayoj kanqa. Khallasqata q'empispa siraykunki, qaramanta ruwasqa chalecota jina ama llik'ikunanpaj. 33Ponchoman rijch'asqa qhatanaj muyuyninmantaj churanki, granadaman rijch'akojta ruwaspa, anqa telamanta, puka telamanta, puka panti telamantawan ima. Chaypaj chawpinmantaj qorimanta campanillata warkhuranki. 34Qorimanta campanillaj chawpinman uj granadata churanki, ajinata poncho jina qhatanaman tukuy muyuynintinman chhitaykunki. 35Aaronqa chay ponchoman jina qhatanata churaykukuspa, sacerdote jina imachus ruwananta ruwanqa. Dioswan Tinkukuna Toldopi Tata Diospa ñawpaqenman yaykushajtin, jinataj chaymanta llojsimushajtin, campanillaj sonasqan uyarikonqa, ama wañunanpaj.#Ex 39.24-26.
36Jinallataj sumaj qorimanta sillp'a tablitata jina ruwanki, chantá sellasqata jina qhelqanki: Tata Diospaj t'aqasqamin, nispa nishajta. 37Chaytataj anqa q'aytuwan, chhoqo ch'uloj ñawpaqenman sumajta wataspa warkhuykunki. 38Qorimanta sillp'a tablitaqa Aaronpa mat'inpi kallanqapuni, Tata Dios israelitakunaj jaywasqankuta jap'ikunanpaj. Ajinamanta israelitakuna Tata Diosman jaywashajtinku, Aaronqa juchallisqankuta apanqa.
Waj sacerdotekunapaj p'acha
39Sacerdotekuna churakunankupaj p'achata, jinataj ch'ulutapis lino q'aytumanta awaspa ruwanki. Chumpitapis ima munay pallayniyojta awanki. 40Aaronpa churinkunapajqa sumaj p'achata, chumpita, ch'ulutawan ruwapunki, sacerdote jina p'achallikunankupaj, chantá ima munay, manchay k'achitu rikukunanpaj.
41Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki. 42Jinallataj linomanta calzoncillokunata ruwapunki, ñañu wasankumantapacha moqonkukama pakananpaj. 43Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.
Currently Selected:
Éxodo 28: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
