Éxodo 20
20
Chunka kamachisqakuna
(Dt 5.1-21)
1Chantá Dios parlaspa, kay kamachisqakunata israelitakunaman rejsicherqa: 2Noqa Tata Diosniyki kani, pichus Egiptopi wata runa kashajtiyki orqhomorqayki, chay.#20.2 Tata Dios qhespichej, chantá kacharichej kasqanta rejsichikun. Israelitakunarayku tukuy imata ruwasqanta yuyarichispa, kamachisqanta rejsichinanpaj atiyniyoj kasqanta yachayta qorqa. Ex 19.4-6.
3Noqamanta jawa ama waj dioskuna kapusuchunchu.#20.3 Noqamanta jawa: Niyta munan noqaj ñawpaqeypi, nispa. Dt 6.4-5; Mt 22.37.
4Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.
5Amallataj chaykunaman qonqorikunkichu, nillataj yupaychankichu,#Ex 34.17; Lv 19.4; Dt 4.15-18; 27.15. imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta.#20.5 Noqallata yupaychanaykichejta: Dios ayllunta munakusqanrayku, mana munanchu iskay sonqolla payta kasunankuta, nitaj munanchu paymanta jawa waj dioskunata yupaychanankuta. Ex 34.14. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima. 6Kamachisqayta junt'ajkunata, munakuwajkunatarí, mirayninkumanta waranqa waranqata noqa khuyakuywan qhawasaj.#Ex 34.6-7; Nm 14.18; Dt 7.9-10.
7Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.#20.7 Diospa sutinta yanqhata oqhariy: Diosqa mana munanchu sutinta imallapajpis oqharinata. Manallataj manakajpaj sutinta oqharinata munanchu. Nillataj munanchu mana respetowan, creenciata jina, mana allin kajta ruwanapaj, runata q'otiyanapaj oqharinata. Manallataj munanchu sutinta oqharinata runata waqachinapaj chayrí kallpanta ch'onqanapaj oqharinata, chayrí llullakuspa tilunapaj. Lv 19.12.
8Samarina p'unchayta ama qonqankichu, noqapaj t'aqasqa p'unchayniy kasqanrayku.#Ex 16.23-30; 31.12-14. 9Sojtantin p'unchayta llank'anki, chay p'unchaykunapitaj tukuy ima ruwanaykita ruwanki. 10Qanchis kaj p'unchayrí, samarina p'unchay kanqa, noqapaj t'aqasqa p'unchaymin. Chay p'unchayqa ama ni ima ruwanaykita ruwankichu#Ex 23.12; 31.15; 34.21; 35.2; Lv 23.3. ni qan, ni churiyki, ni ususiyki, ni qhari kamachiyki, ni warmi kamachiyki, ni uywaykikuna, nitaj qankunawan tiyakoj waj llajtayojpis. 11Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.#Gn 2.1-3; Ex 31.17.
12Tataykitawan, mamaykitawan ima sumaj respetowan qhawakuy.#Dt 27.16; Mt 15.4; 19.19; Mc 7.10; 10.19; Lc 18.20; Ef 6.2. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.#Eclo 3.1-16; Ef 6.3.
13Ama runa masiykita wañuchinkichu.#20.13 Wañuchiy: Kanman wañuchiyta yuyaspa wañuchiy. Sal 94.6. Kallanmantaj mana yuyasqallamanta wañuchina, chayrí imatachus ruwashasqanchejta mana allinta qhawarikuspa, wañuchina. Dt 19.5. Diosqa mana munanchu runaqa runa masinta imallamantapis wañuchinanta, chayrí mana juchayojta wañuchinanta. Gn 9.6; Lv 24.17; Mt 19.18; Mc 10.19; Lc 18.20; Ro 13.9; Stg 2.11.
14Ama warmiykita nitaj qosaykita wasanchankichu.#Lv 20.10; Mt 5.27; 19.18; Mc 10.19; Lc 18.20; Ro 13.9; Stg 2.11.
15Ama suwankichu.#Lv 9.11; Mt 19.18; Mc 10.19; Lc 18.20; Ro 13.9.
16Ama runa masiykej contranta llullakuspa parlankichu.#Ex 23.1; Mt 19.18; Mc 10.19; Lc 18.20.
17Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.#20.17 Munapayay: Munapayanaqa mana anchatapuni imatapis munaykullaychu. Manachayqa imatapis munapayanaqa sonqo ukhumantapacha munaspa wajpa imanta qhechuna, chayrí jap'ikapuna kashallantaj. Ro 7.7; 13.9.
Israelitakuna manchachikunku
(Dt 5.22-33)
18Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku. 19Chantá Moisesta nerqanku: Qanlla parlawayku, noqaykutaj kasusqayku. Sichus Dios noqaykuwan parlanman chayqa, wañuykumanchari, nispa.#Dt 5.23-31; Heb 12.18-19.
20Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.
21Israelitakuna karullapi kashanankukamarí, Moisés laqhayarishaj phuyuman qayllaykorqa, maypichus Dios kasharqa, chayman.
Diosqa imaynatachus altarta ruwanankuta nin
22Chantá Tata Diosqa Moisesta nerqa: Israelitakunata kay jinata niy: Qankunaqa janaj pachamantapacha imaynatachus parlasqayta rikunkichej. 23Ama qolqe metalmanta, nitaj qorimanta dioskunata ruwakuspa, noqata jina yupaychankichejchu. 24Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej. 25Sichus rumimanta altarta ruwapuwankichej chayqa, ama ch'eqosqa rumiwanchu ruwapuwankichej. Herramientawan ch'eqosqa rumeqa manaña noqata yupaychanawaykichejpaj jinachu kanqa. 26Altarniytaqa amallataj patillayojtachu ruwankichej, chayninta wicharishajtiykichej ama qhapaykichej rikukunanpaj, nispa.
Currently Selected:
Éxodo 20: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
