Éxodo 19
19
Tata Dios, Sinaí orqopi israelitakunawan tratota ruwan
1Israelitakuna Egiptomanta llojsimusqankumanta kinsa kaj killa qallariypi Sinaí ch'innejman chayarqanku.#19.1 Israelitakuna Sinaiman iskay killapi chayarqanku. Chaymantataj Dios nejtillan puririnanku karqa. Nm 10.11-12. 2Paykuna Refidinmanta puririspataj, Sinaí ch'innejman chayarqanku. Chantá Sinaí orqo k'uchupi jarakorqanku. 3Chaymantataj Moisesqa Dioswan parlaj orqoman wicharerqa.#19.3 Moisés Dioswan parlaj rerqa: Moisés sapa kuti Dioswan parlaj orqoman rerqa, chantá orqomanta urayk'amorqa Dios imatachus nisqanta israelitakunaman willananpaj. Ex 20.19; Dt 5.5; Heb 8.6. Tata Diostaj orqomantapacha payta wajyaspa, nerqa: Jacobpa miraynin israelitakunaman kay jinata willanki: 4Qankunaqa Egipto llajtayojkunata imatachus ruwasqayta rikorqankichej. Rikullarqankichejtaj ankaj lijranpi jina, maypichus noqa kashani, kayman qankunata apamusqayta.#Dt 32.11. 5Kunantaj sichus nisqayta uyarinkichej, trato ruwasqaytapis#19.5 Trato ruwasqay: Uj tratotaqa iskay ukhu ruwayta atinku, sapa ujpis imatachus ruwanankuta nispa. Tratota ruwanku ni mayqen kurajta, nitaj ni mayqen pisita ruwaspa. Gn 31.44; 1 R 15.19. Waj jina tratopirí, atiyniyoj runa atiyniyoj kasqanman atinikuspa, mana atiyniyoj runata munajta mana munajta tratota ruwachiyta atillarqataj. Tata Dios israelitakunawan tratota ruwaspa, nin paykunata kacharichej kasqanta, paykunawantaj uj tratota ruwayta munasqanta. Diospa ruwasqan tratopi israelitakunaj ruwananku karqa, Diosta Diosninku kasqanta rejsikapunanku chantá Diospa kamachisqanta kasunanku. Ex 24.3. Diosqa israelitakunawan tratota ruwaspa, Ex 6.7 kaj chijllaypi imatachus nisqanta junt'arqa. Gn 9.8-11. junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin. 6Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.
7Chaymanta urayk'uspa, Moisés tukuy kurajkunata tantachispa, paykunaman Tata Dios imatachus nisqanta willarqa. 8Chayta uyarispataj, tukuynin israelitakuna uj kunkalla nerqanku: Tata Diospa tukuy nisqanta kasusqayku, nispa. Moisestaj orqoman kutispa, israelitakuna imatachus nisqankuta Tata Diosman willamorqa. 9Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj. 10Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta. 11Minchhapaj wakichisqa kachunku, imaraykuchus minchhata noqaqa tukuy israelitakunaj rikunankuta Sinaí orqoman urayk'amusaj. 12Orqoj muyuyninman señalkunata churanki, ninkitaj ama ni pi orqoman wicharimunanta, nitaj señal churasqaykiman qayllaykunanta. Pichari orqoman qayllaykojqa wañuchisqa kanqa. 13Pichus orqoman qayllaykojtaqa ama pipis llankhanqachu. Uywapis kachun, chayrí runapis kachun, runakunaqa rumiwan ch'anqaykuspa chayrí arcowan flechaspa wañuchenqanku. Orqomanqa maypachachus pututu waqanqa, chaypachalla runakuna wichariyta atenqanku, nispa.
14Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku. 15Chantá nillarqataj: Minchhapaj sumaj wakichisqa kanaykichej tiyan. Chayrayku ama warmiykichejwanpis puñunkichejchu, nispa.
16Minchhantin sut'iyamuyta lliuj lliujkuna, illapa ima karqa. Uj phuyutaj yanayarishaj orqoman tiyaykorqa. Pututu sinch'ita waqashajtintaj, israelitakunaqa manchachikuspa, kharkatiterqanku. 17Moisestaj tukuyninkuta toldonkumanta jawaman pusarqa Dioswan tinkukunankupaj. Chantá orqo k'uchupi sayarqanku. 18Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa. 19Pututoqa astawan, astawan sinch'ita waqasharqa. Moisés Dioswan parlashajtintaj, Diosqa manchay jatunmanta parlaspa kuticherqa. Parlasqanqa qhon qhon jina karqa.
20Chantá Tata Diosqa Sinaí orqo pataman urayk'amorqa. Jinaspataj Moisesta orqo pataman wicharinanpaj wajyarqa. Paytaj rerqa. 21Chaymanta Tata Diosqa Moisesta nerqa: Urayk'uspa, runakunata nimuy noqata rikuwayta munaspa, señal churasqaykita amapuni pasanankuta. Pasankumanchus chayqa, ashkha wañunkuman. 22Noqaman qayllaykamuwaj sacerdotekunapis llimphupaj qhawasqa kanankupaj llimphuchakuchunku, ama paykunata wañuchinaypaj, nispa.
23Chantá Moisesqa Tata Diosman kuticherqa: Israelitakunaqa mana Sinaí orqoman wicharimonqankuchu, imajtinchus qan kamachiwarqayku orqoj muyuyninman señalkunata churanaykuta, chaynejqa qanpaj t'aqasqa kasqanrayku, nispa.
24Tata Diostajrí Moisesta nerqa: Qan urayk'uy, chantá qan, Aaronwan ima kayman kutimunkichej. Sacerdotekunawan, runakunawanrí señalta pasaspa, noqa kashani, chayman ama wicharimuchunkuchu. Wicharimunkuman chayqa, noqa paykunata wañurachiyman, nispa.
25Moisestaj orqomanta urayk'uspa, israelitakunaman kikinta willarqa.
Currently Selected:
Éxodo 19: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
