Romans 14
14
Tóhsa Tesehiatóret Nakorénsons
1Tesehiaróthon nónka ne iakotsihióha tsi nòkwa ne thewethákwen, nók tóhsa tesewariwakéna tsi nithonethákwen. 2Otsiakhésons nónkwe tsi ní꞉ioht tsi thonethákwen rathikwénies kwáh tsitʼnahóten ahónneke, nók ónhka ne rotsihióha tsi ní꞉ioht tsi tawethákwen nek khók neh kaienthóseron írats. 3Nónka ne kwáh tsit nahóten énieke iáh tateiothonwentióhon nahonwatikénron ónhka neh iáh thoteiekhóten; nók tsi nikáien ne nek khók rónhneks ne kaienthóseron iáh tateiothonwentióʼon ne tahonwatiʼiatórete tsi nikáien ne kwáh tsitʼnahóten rónhneks; asèken Rawenni꞉io sakokweniénstha nètho ónkwe. 4Iáh tesateriwaiénʼni ne taseiatórete nakorénson rahothinhátsera? Neh꞉ne ronwáhnhas iatenhotiriwaiéntase tóhkaʼ ken iatenhonnótʼten tóhkaʼ ó꞉ni enhothiʼriwanóron. Tánon kíʼ ó꞉ni enhonateriwaténtsiaʼse, neh tsi rokwénion ne Roiá꞉ner nasakohahónnien niatahonnhótʼten.
5Ótiake thóh ní꞉ioht tsi ionnontónnions sewatiéren khawenniseróten sénha wenniseratokénston, ótiake ó꞉ni thóh níʼioht tsi ionnonthónnions akwékon satewenniserótens. Kwa tsi tewaiatatʼtion tsi iataionkwariwaientase. 6Tsi niʼiákon ne neh ionnontónnions sewatiéren ne tsi wenniseraté꞉nions sewennisera sénha wenniseratokénston neh kíʼ tsi ronwakweniénstha ne Roiá꞉ner; nehʼnònneh sáka nónka tsík nahóten í꞉ieks neh kíʼ tsi ronwakweniénstha ne Roiá꞉ner, Asèken tehonwanonwerátons ne Rawenni꞉io ne khákwa. Ónhka ne iáh tehónʼneks ne tsík nahóten ne kíʼ tsi ronwakweniénstha ne Roiá꞉ner ó꞉ni tehonwanonwerátons ne Rawenni꞉io ne khákwa. 7Tsi tsiónʼnhe iáh ontionhákok tehionkwariwáke, tánon tóhkaʼha óntak tsi nítion ahitewéheie, iáh kik tiaʼteaiáti tsi thaʼrénheie; 8Tsi tsiónʼnhe ne tkáhas naʼtsitewasénnaien ne Roiá꞉ner, tánon tòhka entewénheie, rahonháke kíʼ ne Roiá꞉ner ientewénheie, Nekáti, aihtiónʼnheke tòhka ó꞉ni aihtewénheie, Roiá꞉ner kíʼ tewakwékon. 9Tsi rawenhéion ne Kerístos tánon tsi tetʼthotkétskwen nahonsarónʼnheke ne tióha nasakowenní꞉ioke ne iakónʼnhe ó꞉ni ne iakowentáʼon. 10Í꞉se káti, tsi nítion ne nek khók ísewaks ne kaientkwákwens—onhnihiotiéren tsi teietʼtsiʼiatoréhtha nakorénsons? Tánon ne sewatsakhésons ne tsit nahoténsons ísewaks—onhnihiotiéren tsi ietʼtsikenrónʼnis nó꞉ia ní꞉ioht tsi thonetákwens? Kwáh tewakwékon rahohénton ne Rawenni꞉io iatentewáthaʼne ne tasonkwaiatórehte. 11Asèken noriwatokénti wáton,
“Tsi nihioriwí꞉io tsi í꞉i ne konʼnheónwe Ní꞉io, ráton ne Roiá꞉ner,
kwáh tsi niatehionkwétake tsi tenhionkatentʼtsóthaʼse,
tánon kwáh iatehionkwétake tsi enieriwanírate tsi í꞉i ne Rawenni꞉io.”
12Kwáh káti tsi tewahiatátʼtion tsi tentsitewariwaserákwaʼse ne Rawenni꞉io tsi naionkwatiéren.
Tóhsa Ónka Iehtsiriwanerahákʼten
13Ánion kíʼ, tewátkaf tsi tehtewathatiatoréntha, kék, neh tesewaiatórek ne tóhsa nonwénton ne thóh nahisewáiere ne ónkak taietʼtsinientáko ne iahatiriwánerake. 14Tsi iakenikwékon ne Roiá꞉ner Ié꞉sos wahkeriwaniráti tsi kwáh iáh othènen ne káhkwa tewahétken, nók tóhkaʼ tisetákwen ótiake kahkwásens, ehʼthóʼne káti iáh teiohiánere ne sariwáke. 15Tóhkaʼ ónka asekarónʼni neh tsi tisaríware tsi nahoténson íseks, neh káti tsi iáh ónen neh thitsisaieráthon ne kanoronkwátshera. Ne tsi nikakhóten íseks, iáh tateiothonwentióʼon natskarónni ne rónkwe tsi nikáien ne Kerístos rawenhéiase! 16Tóhsa satʼthóntat nahóten ne skweniéstha nahiosenʼnáksenʼne. 17Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston. 18Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.
19Nekáti, tiókonte ne taiontsióien, tsi nahoténson tkáhas ne skénnen, tánon tsi nahóten ne ionkwasatsʼtenseráwis tsi naʼtehtewáhtere. 20Tóhsa neh káhkwa ahkarihónni, takaríteh tsi nihohioténhen ne Rawenni꞉io. Akwékon ne káhkwa íʼieks, nók iáh kíʼ tetkaiéri nehʼne aiéke nónkak aiakoriwanerahátʼten. 21Ne kíʼ neh tkaiéri, tóhsa sewárak, tóhsa snekíra notsítia, tóhsa ó꞉ni thènen nasátiere nakorénson aiakoriwanerahátʼten. 22Sateweiénthon tsi nahóten thisetákwen kinaohrihótens, ehʼthóhʼne, tsi naʼtetiátere ne Rawenni꞉io. Iakotáska nónka ne iáh tetiontateriwásthani ehniʼiakoiéren tsi naʼteiakoiatoréton ne tkariwaiéri! 23Nók tòhka tethotinikónrake tsi nahóten rónneks, Rawenni꞉io ensakoréwaʼte nónen enhónneke, Asèken tsi nahóntiere iáh neh tekahnonkonniáton ne tewetákwen. Tánon tsi nahóten neh꞉ne iáh tehkanonkonniáton ne tewetákwen kariwáneren íken.
Currently Selected:
Romans 14: MHK
Highlight
Share
Compare
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
