Hosea 8
8
Nisraeró꞉nons Shonateriwiiothontseraté꞉nion
1Sewatenón꞉tha ne iehonrawátstha!
Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner,
tiorì꞉wa tsi teotihiá꞉kon nakaterihwaseronhniá꞉tshera,
tánon ronatewenhnóntion natsanerénhsera.
2Nisrael tethewasént꞉tos akonhà꞉ke,
“Onhkwáh Ní꞉io, í꞉i, Nisraero꞉nons, kwahienté꞉ri!”
3Nisrael iokenrataní꞉hon nahó꞉ten ne ioiánere;
ne tehontatʼtions enkonwaseréson.
4Washakotinontiiotseronhniá꞉nion, ók iáh kí akonhà꞉ke nón꞉we tetsawé꞉non;
washakotiiatarakwenhá꞉ton nahonwatihénthenhse, ók kí iáh kí tekherihwanirá꞉ti.
Né꞉ne raonáwenk kawistará꞉kens tánon nowistanó꞉rons ne wahontsatonhniseronhniátakwe
kwáh ronhnón꞉ha wahontatónhnien nahotiiathatónhte.
5Í꞉k shóns tí꞉ken owistanó꞉ron tionhnónskwahron Sahiatón꞉ni O Samaria.
Tsió꞉tets nakenakwáhtshera tsi nokwáh ní꞉se.
Thóh nikarì꞉wes iatahatikwé꞉ni ne thé꞉nen ahontonhníhien?
6Asè꞉ken Israerʼró꞉non nahahiató꞉ten ne rawistón꞉nis,
ne rahón꞉ni;
iáh Rawenni꞉io tehahón꞉ni.
Ne tionhnónskwahron owí꞉ra aohiatón꞉ni ne Samaria
kwáh ki kenk nenséwaske tsi thenkarihtónhke.
7Asè꞉ken nowé꞉ron ahatiiéntʼtho,
tánon kwáh kí ne enhatiientʼwáko ne tekaweratá꞉ses.
Nonátsia kaiénthon iáh othé꞉nen tehionatsóhare,
iáh othé꞉nen takatheseronhní꞉hake;
tó꞉ka thé꞉nen ahontakáhawe,
thiononhontsá꞉te nenhné꞉e enhontekwí꞉sa.
8Ne Israel iekonwatsatanekwáhnon;
ón꞉nen ská꞉ne ratinákere ne tihononhontsá꞉tes
kwáh iáh othé꞉nen tehatiriwástha tsi ní꞉ioht ne ohtsetós꞉kon.
9Asè꞉ken Assyria nón꞉we niehoné꞉non,
tsi ní꞉ioht ne karakonró꞉non tewahòn꞉tes rahonhahák꞉kok tehotawenhreháties;
Ne Ephraim ne iakonháhon ne ratinakwenhá꞉wis.
10Eʼthó꞉sane tsi ne shakotinahon ne tesakotines,
kwáh kí ó꞉nen enkheiaʼtaró꞉roke.
Kwáh kí iostó꞉re enhatinikonraronhiáken
ne rontinontí꞉ios tánon ne sakotihenthénse enhsakonatonhnot꞉takwen.
11Ne Ephraim tsi niwé꞉so iahonhniánion ne ietsenharáhkwa ne nahé꞉ren akahawí꞉tonke ne kariwanéren,
ietsenharáhkwake nienhonhnétha sénha ratirihwanéraks.
12Eʼthó꞉sane wé꞉so khehiatón꞉ni nakerihonhnienhní꞉tsheras,
thóh ní꞉ioht tsi tehatiká꞉nere tsi shí꞉ken ní꞉ioht ne taiotseronniónke.
13Eʼthó꞉sane ne iehatí꞉tats ne kwáh tsoiánere wateskón꞉te,
tánon ratiwá꞉raks,
ne Roiá꞉ner iáh kí teshakoié꞉nas.
Ó꞉nen kí kwáh enhrehiá꞉rake ne raotirihwaneraháktsheras,
tánon ensakoré꞉wate ne raotirihwaneraháktsheras;
kwáh Egypt nienshón꞉ne.
14Ne Israerʼró꞉nons ronwahiatanikonrénhen ne sakoiatí꞉shon,
tánon kanonsanó꞉rons ronatenonshonhniá꞉nion;
tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens;
ók ó꞉tsire kí nenhné꞉e ienkaténiete nahonatákons,
tánon enwatsahathánion ne tsi wathenhenró꞉tons.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.