Romabi 4

Abraham hemi kɛ yemi

1Lɛɛ mɛni wa ma de ke wa tsɛ Abraham na ngɛ he lo blɔfami mɔ? 2Ejakaa ke ni tsumihi a nɔ a gu kɛ wo Abraham nguɔ ɔ, jinɛ e ngɛ nɔ ko nɛ e maa fia ngɔ fɔ nɔ, se lɛɛ pi ngɛ Mawu hɛ mi. 3Se kɛ ngmami ɔ deɔ kɛɛ?

“Abraham he Mawu ye,

Nɛ a bu kɔlɔ ɔ dami ha lɛ.”

4Nɔ nɛ tsuɔ ni ɔ, a bui e hiɔwo ɔ kaa dloomi nɔ ko, se mohu e blɔ nya ʼi. 5Se nɔ nɛ tsu we ni, se e heɔ nɔ nɛ woɔ yayami peelɔ nguɔ ɔ yeɔ ɔ, a buu e hemi kɛ yemi ɔ kaa dami kɛ haa lɛ. 6Kaa bɔ nɛ David hu deɔ ngɛ nɔmlɔ nɛ Mawu siɔ ni tsumihi a se nɛ e buu dami haa lɛ ɔ he ke:

7“A gbaa nihi nɛ a ngɔ a mlaa tɔmi ɔmɛ ngɔ pa mɛ,

Nɛ a tsi a he yayami ɔmɛ a nɔ ɔ;

8A gbaa nyumu nɛ Nyɔmtsɛ ɔ bui e he yayami

ɔmɛ ngɔ hi lɛ ɔ.”

9Jeha nɛ kikɛmɛ a gbaami nɛ ɔ, ninɛmɛ nɛ a po mɛ ɔ kɛkɛ a kɛ gbaa aloo mɔmlɔtɔtsɛmɛ ɔmɛ hulɔ? Ejakaa wa deɔ ke a bu Abraham hemi kɛ yemi ɔ kaa dami ngɔ ha lɛ. 10Mɛni be mi a pee enɛ ɔ? Be nɛ a po lɛ ɔ, aloo be nɛ a pui lɛ ɔ? Tsa pi be mi nɛ a po lɛ ɔ, se mohu be mi nɛ e ji mɔmlɔtɔtsɛ ɔ. 11Nɛ be mi nɛ a po lɛ ɔ, e nine su nɔ pomi he okadi ɔ nɔ kaa dami nya sɔumi nɔ nɛ a kɛ sɔu he nɛ e he ye be mi nɛ e ji mɔmlɔtɔtsɛ lokoo ɔ nya, konɛ e pee tsɛ kɛ ha nihi kulaa nɛ heɔ yeɔ benɛ a ji mɔmlɔtɔtsɛmɛ ɔ nɛ a bu dami ɔ ngɔ ha mɛ hulɔ, 12nɛ jeha nɛ e pee ninɛmɛ nɛ a po mɛ ɔ a tsɛ hulɔ kɛ ha nihi nɛ a pui mɛ se mohu a ngɔ wa tsɛ Abraham nane ngɛ hemi kɛ yemi nɛ e ngɛ be mi nɛ e ji mɔmlɔtɔtsɛ lokoo ɔ.

Mawu siwomi nɛ je hemi kɛ yemi mi

13Pi mlaa nɔ nɛ Mawu gu kɛ wo Abraham loo e nina si kaa e maa ye je ɔ nɔ ɔ, se mohu hemi kɛ yemi dami nɔ a gu. 14Ejakaa ke mlaa sisibi ɔmɛ ji ni yeli ɔ, lɛɛ hemi kɛ yemi ɔ pee yaka, nɛ si womi ɔ hu be nɔ hu. 15Se Mlaa a tsɛɔ Mawu mi mi fumi kɛ baa, mɛni he je ɔ, he nɛ mlaa be ɔ, mlaa nɔ tɔmi hu be.

16Se enɛ ɔ he je nɛ e je hemi kɛ yemi mi ɔ nɛ, benɛ pee nɛ e pee dloomi sane, konɛ si womi ɔ nɛ ma si kpɛii ngɔ ha e nina tsuo, pi Mlaa sisibi ɔmɛ kɛkɛ, se mohu nihi nɛ je Abraham, nɛ ji wɔ tsuo wa tsɛ ɔ, hemi kɛ yemi ɔ mi ɔ hulɔ, 17kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ. 18Nɛ jinɛ he nɛ hɛ kɛ nɔ fɔmi ko be ɔ, Abraham hɛ ngɛ nɔ kɛ̃ nɛ e he ye, konɛ e plɛ majeli fuu a tsɛ, kaa bɔ nɛ a de lɛ ke: “Ja o nina maa hi” ɔ. 19Nɛ e hemi kɛ yemi gbɔjɔɔ we, nɛ e susuu we lɛ nitsɛ e nɔmlɔ tso gbomi nɛ e gbo momo ɔ, akɛnɛ e ye maa pee jeha lafa, kɛ Sara fɔmi nɛ e fɔ we ɔ he. 20E yi mi pee we lɛ enyɔ enyɔ ngɛ Mawu si womi ɔ he kaa nɔ nɛ e he we yi, se mohu e na he wami ngɛ hemi kɛ yemi mi, nɛ e wo Mawu hɛ mi nyami, 21nɛ e ngɛ he wami ngɛ nɔ saminya kaa nɔ nɛ e wo he si ɔ, e ma nyɛ maa pee hulɔ. 22Kɔlɔ ɔ he hu nɛ a bu lɔ ɔ dami ha lɛ ɔ nɛ. 23Se pi lɛ kɛkɛ e he nɛ a ngma ke, “a bu dami ngɔ ha lɛ” ɔ, 24se mohu wɔ nihi nɛ a maa bu ngɔ ha a hu wa he, wɔ ninɛmɛ nɛ wa heɔ nɔ nɛ tle wa Nyɔmtsɛ Yesu si kɛ je gbeje ɔ nɔ yeɔ ɔ. 25A ngɔ lɛ ngɔ ha ngɛ wa tɔmi ɔmɛ a he, nɛ a tle lɛ si ekohu ngɛ wa nguɔ womi ɔ he.

Currently Selected:

Romabi 4: DAN77

Highlight

Copy