1 Korintobi 3
3
Mawu sɔmɔli
1Mamimɛ, i be nyɛe nɛ i kɛ nyɛ maa tu munyu kaa mumi mi nimli, se mohu kaa he lo mi nimli, kaa bimwɔwi ngɛ Kristo mi. 2Nyɔ i ha nyɛ, se tsa pi ngma nɛ jiɔ, ejakaa nyɛ nyɛ́ we. Nɛ jeha nɛ hu tete nyɛ nyɛ́ we kɛ mwɔɔ, 3ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo? 4Ejakaa benɛ nɔ ko ke: “Ami lɛɛ, Paulo nɔ ji mi; nɛ nɔ ko hu ke: Ami lɛɛ, Apolo nɔ ji mi” ɔ, anɛ pi he lo mi nimli ji nyɛ lo?
5Jeha nɛ Apolo ji mɛnɔ? Paulo ji mɛnɔ? Mɛ ji sɔmɔli nɛ nyɛ gu a nɔ he ye, nɛ nɔ tsuaa nɔ ɔ, bɔ nɛ Nyɔmtsɛ ɔ kɛ ha lɛ ɔ.
6Imi lɛɛ i ma; Apolo pue nɔ nyu; se Mawu ha e wa. 7Blɔɔ jeha nɛ tsa pi nɔ nɛ ma a ji nɔ ko, nɛ pi nɔ nɛ pue nɔ nyu ɔ hulɔ, se mohu nɔ nɛ ha e wa nɛ ji Mawu ɔ. 8Se nɔ nɛ ma kɛ nɔ nɛ pue nɔ nyu ɔ tsuo ɔ kake ʼi; nɔ tsuaa nɔ ma na lɛ nitsɛ e hiɔwo ngɛ lɛ nitsɛ e ni tsumi nya. 9Ejakaa Mawu he piɛli ni tsuli ji wɔ; Mawu cngmɔ, Mawu tsu ji nyɛ.
10Mawu dloomi nɛ e kɛ dloo mi ɔ nya a, i to tsu ɔ sisi kaa tsu fialɔ galɔ ko, se nɔ kpa lɛ fia nɔ. Se nɔ tsuaa nɔ nɛ hyɛ bɔ nɛ e ngɛ nɔ fiae ha a konɛ e hi. 11Ejakaa nɔ ko be sisi kpa ko nɛe maa to pe nɔ́ nɛ a to momo nɛ ji Yesu Kristo ɔ. 12Ke nɔ ko kɛ sika tsu, sika hiɔ, tɛ nɛ he jua wa, tsohi, nga loo go ma sisi tomi nɛ ɔ nɔ ɔ, 13a maa na nɔ tsuaa nɔ ni tsumi ɔ paa, ejakaa ligbi ɔ ma je lɛ kpo, ejakaa la mi e maa je kpo ngɛ, nɛ bɔ tsuaa bɔ nɛ nɔ ni tsumi ngɛ ɔ, la a nɔuu ma je lɛ si. 14Ke nɔ ko ni tsumi nɛ e fia ngɔ ma nɔ ɔ maa da si ɔ, e ma na hiɔwo; 15se ke nɔ ko ni tsumi maa sã a, e nine maa nyɛ si; se lɛ nitsɛ lɛɛ, a ma he e yi wami, se kɛ ɔ kaa nɔ ko nɛ gu la mi.
16Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo? 17Ke nɔ ko puɛ Mawu sɔlemi tsu ɔ, Mawu ma puɛ lɛ. Ejakaa Mawu sɔlemi tsu ɔ ngɛ klɔuklɔu, lɔ ɔ ji nyɛ.
18Nyɛ ti nɔ ko nɔ ko ko mlɔɔ lɛ nitsɛ e he. Ke nɔ ko susu kaa ni lelɔ ji lɛ ngɛ nyɛ kpɛti ngɛ je nɛ ɔ mi ɔ, e pee e he kuasia, konɛ e plɛ ni lelɔ. 19Ejakaa je nɛ ɔ mi ni lemi ɔ ji kuasiahi a sane ngɛ Mawu hɛ mi. Ejakaa a ngma ke: “Enuu ni leli ɔmɛ ngɛ mɛ nitsɛmɛ a hɛ mi temi ɔ mi.” 20Kɛ jeha nɛ hu: “Nyɔmtsɛ ɔ le ni leli a juɛmi ɔmɛ kaa yaka nihi.” 21Lɔ ɔ he ɔ nɔ ko nɔ ko ko fia ngɔ fɔ nimli a nɔ: se nihi kulaa a nyɛ nɔ ʼi, 22Paulo jio, Apolo jio, Kefa jio, je ɔ jio, wami jio, gbenɔ jio, nihi nɛ ngɛ nɛ ɔmɛ jio, nihi nɛ maa ba amɛ jio, kulaa a nyɛ nɔ ʼi; 23se nyɛɛ lɛɛ, Kristo nihi ji nyɛ, nɛ Kristo ɔ, Mawu nɔ ʼi.”
Currently Selected:
1 Korintobi 3: DAN77
Highlight
Copy
Compare
Share
Want to have your highlights saved across all your devices? Sign up or sign in
Dangme New Testament © United Bible Societies, 1977.
