1 Korintobi 2
2
Kristo ngɛ seumi tso ɔ nɔ he sane
1Imi hu, mamimɛ, benɛ i ba nyɛ ngɔ ɔ, pi nyamitsɔmi loo nilemi fuu nɛ i kɛ ba ba jaje Mawu laami sane ɔ tsɔɔ nyɛ; 2ejakaa i to we imi nitsɛ ye yi mi kaa ma le nɔ ko ngɛ nyɛ kpɛti, kaa ja Yesu Kristo, nɔ nɛ a sɛu ɔ. 3Nɛ i kɛ nyɛ hi si ngɛ gbɔjɔmi kɛ gbeyeyemi kɛ hedomi babauu mi; 4nɛ ye munyu kɛ ye sanefiɛmi ɔ hu ji nimli a nilemi munyuhi nɛ plɛɛ nɔ yi mi mi, se mohu e je mumi kɛ hewami tsɔɔmi mi, 5benɛ pee nɛ nyɛ hemi kɛ yemi ɔ ko da nimli a nilemi nɔ, se mohu e da Mawu hewami nɔ.
Mawu nilemi
6Se kɛ ɔ, wa tuɔ nilemi munyu ngɛ ninɛmɛ nɛ a hi kɛ pi si ɔmɛ a kpɛti, se tsa pi je nɔ mi nilemi aloo je nɔ mi nikɔtɔmahi nɛ bee kɛ yaa amɛ a nɔ ʼi; 7se mohu Mawu nilemi nɛ a kɛ laa ngɛ laami sane mi ɔ wa deɔ, nɔ nɛ Mawu dla to ha wa hɛminyamiwomi loko a bɔ je ɔ, 8nɔ nɛ je nɔ mi nikɔtɔma amɛ a ti nɔ ko nɔ ko li ɔ; ejakaa a le jinɛ a be hɛminyami Nyɔmtsɛ ɔ sɛue. 9Se kaa bɔ nɛ pa ngma a:
“Nihi nɛ hɛngmɛ nɛ, nɛ tue hu nui,
Nɛ e bɛ nɔmlɔ ko tsui mi hyɛ
Ji nihi nɛ Mawu dla ngɔ to nihi nɛ suɔ lɛ ɔ.”
10Se wɔɔ lɛɛ, Mawu gu E mumi ɔ nɔ je kpo ngɔ tsɔɔ wɔ; ejakaa Mumi ɔ hlaa nihi kulaa mi, Mawu nihi nɛ mi kuɔ tete. 11Se nimli a kpɛti mɛnɔ le nihi nɛ ngɛ nɔmlɔ mi, kaa ja nɔmlɔ ɔ mumi nɛ ngɛ e mi ɔ? Ja nɔuu kɛ̃ Mawu mi ni ɔmɛ hu nɔ ko nɔ ko li, kaa ja Mawu mumi ɔ. 12Wɔɔ lɛɛ, pi je nɔ mi mumi ɔ nɛ wa na, se mohu mumi nɛ je Mawu mi ɔ, konɛ waa le nihi nɛ Mawu kɛ dloo wɔ ɔ.
13Kɔlɔɔmɛ hu wa deɔ, pi nimli a nilemi munyuhi nɛ waa kɛ deɔ, se mohu munyuhi nɛ Mumi ɔ tsɔɔ ɔ, nɛ waa kɛ mumi mi nihi toɔ mumi mi nihi a he. 14Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya. 15Mumi mi nɔmlɔ ɔ kojoɔ nihi kulaa, se lɛɛ, nɔ ko nɔ ko kojo we lɛ. 16“Ejakaa mɛnɔ lɛ le Nyɔmtsɛ ɔ juɛmi, nɛ e maa tsɔɔ lɛ ni?” Se wɔɔ lɛɛ wa hɛɛ Kristo juɛmi.
Currently Selected:
1 Korintobi 2: DAN77
Highlight
Copy
Compare
Share
Want to have your highlights saved across all your devices? Sign up or sign in
Dangme New Testament © United Bible Societies, 1977.
