ROMANOS 16
16
Pablo apchápháseso ekxeyenma apwáxok énxet'ák
1Eltennásek ko'o kéxegke seltamho kóltehek kéláyo egyáxeg ekwesey nak Febe, ektaha nak ekpasmeykha apkeltamheykha apchakneykekxexa énxet tegma Cencrea. 2Kólahapmakha sat eñama ekteme Wese' egegkok apkeláneykha, ekhawo eyéméxchexa nak etnahagkok elyáxeg'a nentémo xamo' nak magya'áseyam, kólpásem sat ma'a ekyókxoho aksok eyéméxchexa enxoho, hakte apxámok axta énxet ekpasmo xa, epasmomchek axta nahan ko'o xa.
3Kóltennés sat Prisca tén han Aquila#Hch 18.2. seyáphásesa ko'o ekxeyenma ewáxok, cham'a selxegexma'a axta sektamheykha nenláneya nentamheykha eñama nak Cristo Jesús. 4Cháxa énxet'ák megyéseykekxo axta apyókxa eyesagkexa semasma ko'o, háwe eyke exakko' ko'o sekmésa ekpayheykekxa ewáxok, kelpayhekxeyk eyke nahan apwáxók apyókxoho ẽlyáxeg'a apchakneykekxexa énxet'ák metnaha nak judíos. 5Kóltennés sat nahan seyáphásesa ko'o ekxeyenma ewáxok ẽlyáxeg'a apchakneykekxohol'a Prisca axagkok tén han ma'a Aquila. Kóltennés sat nahan seyáphásesa ekxeyenma ewáxok emók Epeneto aptaha axta apmonye apteme mey'áseyam Cristo m'a yókxexma Asia. 6Kóltennés sat seyáphásesa ekxeyenma ewáxok María, xámok axta ektamheykha ekpasmoma kéxegke xa. 7Kóltennés sat seyáphásesa ko'o ekxeyenma ewáxok Andrónico tén han Junias, aptaha nak selenyémeyo xamo', aptaha axta anhan selxegexma'a kañe' sẽlpextétamakxa; apkelwetamakpek axta eltakmela apkeltémakxa nepyeseksa énxet'ák seykha amya'a xa; nano' axta aptamhéyak melya'áseyam Cristo xa, cham'a matnamakxa axta makham ko'o may'áseyam.
8Kóltennés sat seyáphásesa ko'o ekxeyenma ewáxok Ampliato, aptaha nak emók seyásekhayo eñama negyepetcheyo Wese' egegkok. 9Kóltennés sat seyáphásesa ekxeyenma ewáxok Urbano, aptaha nak sempasmo nentamheykha eñama nak Cristo, tén han ma'a Estaquis, aptaha nak seyásekhayókxa. 10Kóltennés sat seyáphásesa ekxeyenma ewáxok Apeles, ekwetamaxkoho axta cha'a ektaha nakso' mey'áseyam Cristo; tén han ma'a ekheykha nak apxagkok Aristóbulo. 11Kóltennés sat seyáphásesa ekxeyenma ewáxok Herodión, tén han ma'a ekheykha nak Narciso apxagkok ektaha nak megkalya'áseyam Wese' egegkok. 12Kóltennés sat seyáphásesa ekxeyenma ewáxok ko'o Trifena tén han Trifosa, eláneykegko nak han eltamheykha eñama nak Wese' egegkok, tén han ma'a egyáxeg Pérsida ektaha nak egyáxeg negásekhayo ekxámokma axta ektamheykha eláneya m'a nentamheykha eñama nak Wese' egegkok. 13Kóltennés sat nahan seyáphásesa ekxeyenma ewáxok Rufo,#Mr 15.21. apwetamakpo axta aptéma nakso' mey'áseyam Wese' egegkok, tén han ma'a egken, sektéma axta ko'o xa máxa méme seláneykencha'a. 14Kóltennés sat seyáphásesa ko'o ekxeyenma ewáxok Asíncrito, tén han Flegonte, Hermes, tén han ma'a Patrobas, Hermas, tén han ma'a ẽlyáxeg aptaha nak apkelxegexma'a m'a. 15Kóltennés sat seyáphásesa ekxeyenma ewáxok Filólogo, tén han Julia, tén han Nereo, tén han ma'a apyáxeg kelwána, tén han ma'a Olimpas, tén han ma'a apyókxoho ẽlyáxeg'a apheykha xamo' nak, apteme nak han melya'áseyam.
16Eltamhok ko'o kólpeykesek kélnámokkok kéxegke yetlo ekpayheykekxa kélwáxok. Apkelaphásesek kéxegke ekxeyenma apwáxók énxet'ák ekyókxoho apchakneykekxexa nak eñama Cristo.
17Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak, 18hakte meláneykegkok ma'a nentamheykha eñama nak Wese' egegkok Jesucristo, aptamhéyak apancha'awo' aksa aptamheykegkok, tásek nahan katnehek apkelpeywa, keylkaxkohok nahan cha'a apkelpeywa elyexanchesha énxet'ák ekmanyehe nak étlakxak kéltemésesakxa. 19Apyókxoho énxet'ák nahan apkelya'ásegkohok ekha kélyaheykekxoho kéxegke; ékeso eñamakxa ekpayhekxo nak ko'o ewáxok, emenyék nahan kólxekmósek ektémakxa nak kélya'ásegwayam kéllané aksok ektakmela, megkatnaha nak aksok ekmaso; 20keñe sat kañehémhok etnesásekxak Dios kónegók agko' Satanás, keñe sat kéxegke kóltemekxak néten, cham'a Dios aptaha nak segméso meyke ektahakxa egwáxok. Wese' egegkok Jesús sat epasmok kéxegke.
21Apcháphásesek kéxegke ekxeyenma apwáxok Timoteo,#Hch 16.1. aptaha nak sekxegexma sektamheykha; apcháphásesek nahan ekxeyenma apwáxok Lucio, Jasón, tén han Sosípater, aptaha nak selenyémeyo xamo'.
22Ko'o Tercio, eyáphásek ko'o xa ekxeyenma ewáxok ektaha nak sektáxéso s'e weykcha'áhak nak, yetlo sekxeyenma Wese' egegkok apwesey.
23Apcháphásesek nahan ekxeyenma apwáxok Gayo,#Hch 19.29; 1 Co 1.14. sekha nak ko'o apxagkok, apchakneykekxohol'a cha'a apxagkok apyókxoho énxet'ák ekha nak melya'áseyam. Apcháphásesek nahan ekxeyenma apwáxok kéxegke Erasto,#2 Ti 4.20. aptaha nak apkelmeykha selyakye s'e tegma apwányam nak. Apcháphásesek nahan ekxeyenma apwáxok egyáxeg Cuarto. 24Wese' egegkok Jesucristo sat epasmok kélyókxoho kéxegke. Katnahagkok sat.
Ektemegwánxa néxa nempeywa nelmaxnagko
25Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop, 26ẽlya'asásegwokmek eyke kaxwo' eñama apnaktáxeséyak ma'a énxet'ák ektaha axta apkellegaso Dios appeywa, ekhawo m'a apkeltémókxa nak katnehek Dios memassegwayam nak. Kélya'asásegwokmek axta apxámokxoho énxet apheykha náxop xa aksok ekyexamaxche nak apmáheyo elának Dios, yakwayam enxoho melya'áseme', tén han elyahakxohok ektémakxa.
27¡Dios apwánxa xama apagko', tén han ekha apya'áseykegkoho, kóltemésesek sat cha'a apcheymákpoho eñama Jesucristo! Katnahagkok sat.
Currently Selected:
ROMANOS 16: LEGN
Highlight
Share
Compare
Copy
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
