LOS HECHOS 27
27
Pablo kélaphaso tegma apwányam Roma
1Xama axta kélmoko hẽláphaksek negko'o m'a yókxexma Italia, Pablo tén han ma'a énxet'ák ektaha axta apkelmomap, ẽlnaklókek axta aphakxa xama sẽlpextétamo apwese' apwesey axta Julio, aptaha axta apkemha apmonye nepyeseksa wese' apwányam sẽlpextétamo apagkok. 2Nelchenátwokmek axta negko'o xama yántakpayhe eñama m'a tegma apwányam apyetno nak neyáwa wátsam apwesey nak Adramitio, keto' axta ekteyapmakxa yakwayam kamhagkok ma'a pók tegma apwányam yókxexma Asia. Aristarco axta anhan nenxegexma, aptaha axta apkeñama tegma apwányam Tesalónica, cham'a yókxexma Macedonia. 3Mók ekhem axta entahak nelwákxo tegma apwányam apyetno nak neyáwa wátsam apwesey nak Sidón, tásek axta aptemésesakxa Julio aptaha axta sẽlpextétamo apwese' Pablo nelwokmo axta m'a, apcha'awók axta etnehek meyk'a énxet'ák ektaha axta apkelásekhayókxa Pablo, apkeltamhok axta nahan emok takha' xa énxet'ák nak. 4Nelántekkek axta negko'o tegma apwányam Sidón, egkexe Chipre axta egmágkok exchahayam neyseksa ekxega nelchánte yántakpayhe neygmen, hakte nenmexchek axta negko'o exchahayam. 5Negyeykhágwokmek axta negko'o nelxega neyáwa yókxexma Cilicia, tén han ma'a yókxexma Panfilia, nelwokmek axta tegma apwányam apwesey nak Mira, yókxexma Licia axta payhok ma'a.
6Apwetágwokmek axta xama yántakpayhe eñama tegma apwányam Alejandría sẽlpextétamo apwese' m'a, yókxexma Italia axta peyk kamhagkok, ẽlchenátchesekmek axta yántakpayhe m'a, yakwayam enxoho anlenxanmohok nelxega. 7Xámchek axta ekhem neltakmelcháseykegkoho nelxega, xegkesek axta ólápagkanaxchek nelwokmo m'a nepyáwa tegma apwányam Gnido. Negyeykhágwokmek axta Salmón, neghaxnenchámekxók axta yókxexma étkok ekwesey nak Creta, hakte nenmexchek axta makham exchahayam; 8Xegkesek axta ólápagkanaxchek neyseksa nelxega neyáwa wátsam ekwányam, nelwokmek axta ekhágweykekxexa yántakpayhe keltéma axta Buenos Puertos, keto' axta tegma apwányam Lacea m'a.
9Kelyekheykegkek axta ekhem nelxega, wokmek axta anhan ma'a ekhem negáyekxal'a anxog yántakpayhe m'a kañe' wátsam ekwányam, hakte chágketwokmek axta apkepsamágexal'a. Ekeso eñamakxa aptaha axta apkelpakhetchesa Pablo énxet'ák se'e:
10—Enxet'ák, ekwet'ak nak ko'o peya kasogwók nelxega, kaweywagkok sat nelchánte yántakpayhe tén han ma'a aksok elseykha nak, kawomhok sat kexaha negko'o xa nelweyweyak.
11Wánxa agkok, sẽlpextétamo apwese' axta eyke aphaxnawók appeywa m'a ektaha axta apagkok yántakpayhe, axta nahan aphaxnawók appeywa m'a ektaha axta apxegkeso yántakpayhe, keñe axta Pablo appeywa eyesextoho apháxenmo. 12Sagkek axta agyeykhak apkepsamágexal'a xa tegma apwányam apyetno nak neyáwa wátsam, xegkásók axta apyókxoho énxet'ák ekxéna apwáxók ektakmela ólántépok ma'a, tén han ólenxanmohok ólwakxohok ma'a tegma apwányam apyetno nak neyáwa wátsam ekwányam apwesey nak Fenice, cham'a ekpayho nak yókxexma Creta, ekpayho nak nexcheyha tén han ekpayho nak nepyeyam, yakwayam enxoho aghakha ekwokmoho ekyeyk'a m'a apkepsamágexal'a.
Exchahayam ekyennakte ekteyapma neyseksa wátsam ekwányam
13Apkeneykek axta elepwának elenxanmohok apkelxega énxet'ák, hakte axta keynnák sekxo' apkexchahayam yeyam, apkelxegkek axta, neyáwa wátsam ekwányam axta apkelpéwok apkelxega, cham'a ekpayho nak yókxexma Creta. 14Yáma wegkawók axta, keñe axta exchahakmo ekyennakte agko' eñama m'a nexcheyha, yetlókók axta ekyehegwé exchahayam ekyennakte ekxegakxa yántakpayhe. 15Yégégkek axta anhan exchahayam xa yántakpayhe nak. Magwanchek axta negmoko agmagkok, hakte kayhe axta exchahayam, keñe axta nég'awo aksa segyegégko exchahayam. 16Negyeykhágwokmek axta egkexe étkok ekwesey axta Cauda, cham'a eyápexchexa axta exchahayam ma'a, asexto' axta ekyennakte exchahayam ma'a. Xámok axta neltamheykha negmákxo m'a yántakpayhe étkok segwagkasamol'a teyp. 17Xama axta nempenchesa negakxegkáseykekxa kañe' xa yántakpayhe étkok nak, negmáha axta táma nelpextetégko yántakpayhe yakwayam kapasmok. Apkelakak axta énxet'ák kamágwók yántakpayhe m'a wátsam etakhexa ekwesey nak Sirta, keñe axta apyenyento aksok ekyentaxno ekmeyakla'a yántakpayhe, apcha'awók axta aksa ekyégégko exchahayam. 18Mók ekhem axta entahak, kayhek axta makham exchahayam, kélchexeynteyk axta kañe' wátsam ekwányam ekseykha xa yántakpayhe nak; 19antanxo ekhem axta wokmohok apkexeykenta aksok kélmeykha nak kañe' yántakpayhe xa énxet'ák nak. 20Wenaktegkek axta magwete ekhem tén han ma'a yaw'a, neganeykek axta nahan mólwagkasaxchek teyp eñama m'a exchahayam ekyennakte segáhapwa'a axta.
21Wenaktegkek axta anhan manto nentéyak, ékeso eñamakxa apkempákxo axta néten Pablo nepyeseksa xa énxet'ák nak. Aptahak axta apkeláneya s'e:
—Selxegexma'a, tásek nak axta eykhe kólyahakxohok sekpeywa, mólantépek axta m'a yókxexma Creta, keñe axta magwetyehek negko'o s'e eyesogwayam nak nelxega, tén han xa nensexnené nak aksok egagkok. 22Nágkalyakhápho aksa kélwáxok, megkóletsepek sat kélxama, katsagkasaxchek sat eykhe nelchánte. 23Axta'a exchek ko'o sexekmowáseykpoho xama Dios apchásenneykha, Dios xeyk apcháphaso m'a, cham'a Dios Wese' ahagkok seláneya nak ko'o sektamheykha eñama nak ma'a. 24Aptahak xeyk seyáneya s'e: ‘Pablo, nágyé aksa, emhagkok sat xép nápakto' ma'a wese' apwányam apha nak Roma, xép keñamak peya nak elwagkasek teyp Dios apyókxoho xa aptaha nak apkelxegexma'a kañe' yántakpayhe.’ 25Selxegexma'a, nágkalyakhápho aksa kélwáxok, eyekawók ko'o Dios, nakso' nahan ektemesásak peya katnehek ma'a aptahakxa exchek seyáneya Dios apchásenneykha. 26Wánxa agkok exchahayam sat eyke hegyegagkok ma'a etakhexa nak neyáwa egkexe étkok.
27Xama axta'a axta nelwokmo m'a wátsam ekwányam ekwesey nak Adriático, cham'a segya'áseykxo axta cha'a exchahayam mók nekha, axta'a eysekso' axta apkelyekpelchágwokmok nelwokmo neyáwa wátsam ekwányam ma'a ektaha nak apkelxegkeso yántakpayhe, ánet semanas axta temék nelweykmo m'a. 28Apkelyetsátegkek axta ekwánxa ekmatawóneg yegmen, treinta y seis metros axta m'a, apkelxegákxeyk axta makham, keñe axta apkelyetsátégkakxo makham, veintisiete metros axta entahak. 29Apkexeynteyk axta hawók nekha sawo ekmeykegkohol'a yántakpayhe ekpayho nak natámen, meteymog axta apkelakak katyégwók, apkelmaxnakkek axta nahan Dios apkeltamho kalsé'. 30Xénchek axta apwáxók elyexakpohok elántépok kañe' yántakpayhe m'a ektaha axta apkeltamheykha, aptekkesek axta yántakpayhe étkok segwagkasamol'a teyp, hó agyenyentak sawo ekyentaxno ekméyakla'a yántakpayhe axta aptamhágkok, ekpayho nak amonye yántakpayhe. 31Apkeltennásek axta eyke Pablo m'a ektaha axta apxegkeso yántakpayhe tén han ma'a sẽlpextétamo apagkok. Aptahak axta apkeláneya se'e:
—Agkok exnáha aksa kañe' yántakpayhe xa, megkólwanchek sat kólwagkasaxchek teyp kéxegke.
32Keñe axta apkelyakténa sẽlpextétamo m'a táma kélnakteté axta yántakpayhe étkok, apcha'awók axta ekteyekmo neygmen.
33Peyk axta kalsé' ma'a, apkeltamho axta Pablo etawagkok aptéyak apyókxoho apkelxegexma'a. Aptahak axta apkeláneya s'e:
—Anet semana entahak megkoltéyak kélto kéxegke eñama kélhaxanma yakwánxa katnehek. 34Eltamhok ko'o kóltók kéltéyak kéxegke. Tásek kóltók kéltéyak yakwayam enxoho kólwók teyp, megkaxyenmek sat xama apwa' enxama enxoho.
35Apmeyk axta Pablo pan natámen apteme appeywa xa, apmések axta ekxeyenma apwáxok Dios nápakta'awo' apyókxoho apkelxegexma'a, apyepteyk axta, keñe axta aptawa. 36Massék axta elyakhápawo apwáxók xa apyókxoho nak, keñe axta aptókagko aptéyak. 37Doscientos setenta y seis axta negyókxoho negko'o kañe' yántakpayhe. 38Apkexeyntek axta neygmen hótahap kañe' wátsam ekwányam natámen axta elleklámeyak aptéyak, yakwayam enxoho kaxyaweykxak yántakpayhe.
Yántakpayhe ekweyweyak
39Xama axta elsaka, axta elyekpelchak xóp ma'a énxet'ák ektaha axta apkelxegkeso yántakpayhe, wánxa axta aksa apkelwet'a m'a ekpayhegwayam nak ekyetno yegmen wátsam ekwányam, yetneyk axta anhan nelteyágwánxa m'a; apmokók axta ey'aksek yántakpayhe m'a. 40Apkelyakténchek axta táma kélnakteté axta sawo elyentaxno ekmeyakla'a yántakpayhe, apkexakkek axta aksa kañe' wátsam, apkelyelakteyásekxeyk axta anhan ma'a nelyekwomol'a yegmen, yakwayam kapeykesesagkok ekxega yántakpayhe. Keñe axta apkexnákxo m'a apáwa apyexnamol'a yántakpayhe amonye yakwayam enxoho kayhegagkok exchahayam, keñe axta eyágketchesakmoho yántakpayhe m'a neyáwa. 41Wánxa agkok, tégwokmek axta yántakpayhe xóp etakhexa axta wátsam, axta yetnamhok yántakpayhe m'a. Taxnegwokmok axta anhan xóp ánek naw'a yántakpayhe, axta kaltakhaháha, keñe axta m'a ekpayhókxa nak natámen yántakpayhe elpakxa, axta ñokxa m'a yegmen elyakyahayam elyawe axta.
42Apmokók axta eykhe elnápok sẽlpextétamo m'a énxet'ák apkelmomap axta, yakwayam enxoho melxeganmek ma'a apkelma enxoho yegmen. 43Wánxa agkok, axta eyke ya'awok ma'a apkemha apmonye sẽlpextétamo ektaha axta apmáheyo ewagkasek teyp Pablo, wánxa agkok, apkeltamhok axta elnextog apmonye'e m'a apkelmopwána nak elmok yegmen yakwayam enxoho elwakxak ma'a néten xóp, 44keñe axta nápakha apkeltamho elchántek yántéseksek, esenhan ma'a yántakpayhe nekha'a elpakxo nak, yakwayam enxoho elemhagkok apnámokkok. Cháxa ektahakxa axta nelwokmo néten xóp negyókxoho xa, meyke apketsapma enxama.
Currently Selected:
LOS HECHOS 27: LEGN
Highlight
Share
Compare
Copy
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
