2 CORINTIOS 3
3
Amya'a axnagkok nelpakhetchásamáxkoho Dios
1¿Kéláneykeya agmokók ageynhok makham negko'o nenxénamaxchekxoho egagko' nentaha ektakmela nentémakxa, nentaha nak nempeywa xa? ¿Anxekmósek enxeykel'a kéxegke weykcha'áhak ekxeyenma nak ekyetna sẽlpasmo negko'o? ¿Olmaxnak enxeykel'a kéxegke yakwayam henlanaksek xa weykcha'áhak nak, ekhawo aptamheykegkaxal'a pók énxet'ák nak? 2Kéxegke kélagko' kélteme xa weykcha'áhak ekxeyenma nak ekyetna sẽlpasmo negko'o, eyéméxko nak negko'o, cham'a weykcha'áhak eknaktáxésamaxkohol'a kañe' egwáxok, ektémol'a weykcha'áhak apmopwánal'a elyekpelkohok apyókxoho énxet, tén han yepwának elyetsetek. 3Tásek nahan ekwetamaxche kéxegke kéltaha kélhémo m'a weykcha'áhak ektaha nak aptáxéso Cristo, cham'a weykcha'áhak negáphaso nak negko'o; xama weykcha'áhak megkatnaha nak ektáxésamaxche m'a táxéso ekhal'a égmenek, akke m'a Espíritu apkeñama nak Dios memassegwayam; háwe anhan ma'a ektémakxal'a kélnaktáxeséyak meteymog,#Ex 24.12. akke eknaktáxésamaxche m'a kañe' egwáxok.#Jer 31.33; Ez 11.19; 36.26.
4Nakso' negko'o nentemesásak xa, hakte magya'ásekmok negko'o Dios eñama m'a Cristo. 5Háwe eyke negko'o egagko' negmowána kaxének egwáxok negkegwagko anlának xa, wánxa agkok, Dios keleñamak ma'a ekyókxoho aksok negkegwagkexa nak negko'o anlána', 6hakte Dios axta segkegwáneseso negko'o yakwayam hentehek apchásenneykha anlának ma'a axnagkok nelpakhetchásamáxkoho nak Dios,#Jer 31.31. háwe eyke eñama m'a eknaktáxésamaxche nak segánamakxa, wánxa m'a ektaha nak aptekkeso Espíritu. Hegméshok cha'a nétsapma m'a ektémakxa nak eknaktáxésamaxche segánamakxa, keñe m'a Espíritu apkeñama Dios hegmések cha'a ekyennakte egnenyek.
7Cháxa segánamakxa eknaktáxésamaxko axta meteymog, wayak axta yetlo ekyawe eyapogwate, mopwancha'ak axta apmoko elanok énxet'ák Israel Moisés nápát eñama m'a ekyennakte eyapogwate axta,#Ex 34.29. wánxa agkok, peyk axta eyke kamaskok xa eyapogwate nak. Nakso' axta agkok elánamáxko yetlo eyeymáxkoho xa segánamakxa segmésamo nak nétsapma, 8awanhok agko' sat katnehek eyeymáxkoho m'a ektémakxa nak kéltenneykha axnagkok nelpakhetchásamáxkoho nak Dios ektaha axta aptekkeso Espíritu. 9Nakso' axta agkok ekyawa eyeymáxkoho elánamáxko m'a segánamakxa ekmowána nak hensexnena', sat eyke ekyagwánxa agkok ekyawe eyeymáxkoho m'a kéltenneykha nak amya'a ekxeyenma sentemésesama nelpéwomo negko'o Dios. 10Magwanchek aghéshok ektémakxa axta eyeymáxkoho nano' segánamakxa xa kaxwé elánamáxche nak, hakte awanhok agko' eyeymáxkoho xa. 11Awanhek axta agkok eyeymáxkoho m'a segánamakxa ekmassegweykmo nak, sat eyke ekyagwánxa agkok ekyawe eyeymáxkoho s'e ektaha nak megkamassegwayam.
12Cháxa keñamak neltenneyncha'a nak cha'a negko'o yetlo mageyseykekxa xa, hakte yetneyk negko'o nelhaxanma eñama nak tásek amya'a. 13Mantahak negko'o m'a aptémakxa axta Moisés, apchaklasa axta nápát xama apáwa,#Ex 34.33. yakwayam enxoho melwetyehek énxet'ák Israel ma'a ektahakxa axta peya kamaskok eyapogwate nápát. 14Axta eyke elya'ásegkok ektahakxa xa énxet'ák nak, akke elya'ásegkok makham so kaxwo' nak, hakte apkelyetsátegkek agkok ma'a nano' nelpakhetchásamáxkoho axta Dios, cháxa apáwa, megyahayo nak cha'a elya'ásegwomhok xa énxet'ák nak, hakte megkólekkesók makham, Cristo eyke aksa cha'a kañék kéllekkeso xa apáwa nak. 15Ekwokmoho makham so kaxwo' nak, cham'a apkelyetsátegko enxoho m'a segánamakxa nak, xama apáwa cha'a yahakkasesek ma'a ektémakxa nak apkelya'ásegwayam. 16Wánxa agkok, aptamhákxeyk agkok mey'áseyam Wese' egegkok xama énxet, elchekpok ma'a apáwa apchapma axta nápát. 17Hakte Wese' egegkok apteme Espíritu; keytek nahan segyenyeykekxa ekyókxoho aksok ma'a aphakxa enxoho Espíritu apkeñama nak Wese' egegkok. 18Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo,#Ro 8.29; Gá 4.19; Flp 3.10. hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.
Currently Selected:
2 CORINTIOS 3: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
