Lɛvinima 17
17
Ʒim kasitali yɛla
1Ka Yawɛ daa yɛli Musa: 2Yɛlim’ Aduna min’ o bidibisi ni Izraɛlnim’ zaa ni man’ Yawɛ ni zali shɛm m-bɔŋɔ: 3Izraɛl ninvuɣ’ so yi kɔrigi nahu bee piɛɣu bee bua yi sansani ŋɔ ni bee kpaŋa, 4ka bi zaŋ o ka Yawɛ chirigibu shee suɣili ŋɔ dunol’ ni na nti mali sara ti Yawɛ o biɛhigu shee ŋɔ, dilan’ nyɛla ŋun mali taali nyɛvili dibu ni, ka di simdi ni bɛ yihi dilan’ o niriba ni. 5Dimbɔŋɔ ni chɛ ka Izraɛlnim’ zaŋ bɛ ni kɔriti binneen’ shɛb’ maani sara mɔɣu ni la ka Yawɛ sanna Yawɛ chirigibu shee suɣili dunol’ ŋɔ ni nti ti maligumaana, ka o zaŋ ba mali suhudoo sara maligu. 6Ka maligumaana maa ti zaŋ binʒim maa kpaai vie Yawɛ sara maligu bimbini din be Yawɛ chirigibu shee suɣili dunol’ ni la, ka zaŋ biŋkpam nyo buɣim ka di nyɛ din nyom viɛl’ Yawɛ sani. 7Ka di zuɣu chɛ ka bɛ ku lan kɔri binyɛra mali alizinnim’ bɛn ŋmani buhi la, bɛ ni daa saɣim bɛmaŋa shɛb’ sani la. Dimbɔŋɔ yɛn nyɛla zaligu bɛ ʒiɛmani kam ni.
8Ka a ti lan yɛli ba yaha ni Izraɛl ninvuɣ’ so bee saan’ shɛb’ bɛn be bɛ sani ninvuɣ’ so yi yɛn mali bɛ ni zaŋdi sara shɛli nyɔri buɣim la bee sara maligu, 9ka bi zaŋ li ka Yawɛ chirigibu shee suɣili dunol’ ŋɔ ni na ti mal’ li ti Yawɛ, bɛn’ yihim’ dilan’ Yawɛ niriba ni.
10 #
Pil 9.4; Lɛv 7.26-27; 19.26; Zal 12.16, 23; 15.23 Izraɛl ninvuɣ’ so bee saan’ shɛb’ bɛn be bɛ sani ninvuɣ’ so yi ti ŋubi bin’ so ŋun kpi nyiŋgo’ muni, n suhu ni yiɣisi bahi dilan’ zuɣu, ka yih’ o n niriba ni. 11#Hib 9.22 Dama niŋgbuŋ nyɛvili bela ʒim puuni, ka n chɛ ka bɛ zaŋ li pa sara maligu bimbini zuɣu tin ya ni di yo yi nyɛviya tiliginsim samli. Dama ʒim n-nyɛ din yɔri alahichi samli, di ni nyɛ nyɛvili la zuɣu. 12Dinzuɣu ka n yɛli Izraɛlnima, “Yinim’ lzraɛlnim’ bee tinzunnim’ bɛn be yi sani, miriya ka yi ŋubi bin’ so ŋun kpi nyiŋgo’ muni.”
13Ka Izraɛl ninvuɣ’ so bee saan’ shɛb’ bɛn be yi sani ninvuɣ’ so yi go piɛli gbaai biŋkɔbigu bee nooŋa ŋun ŋubbu bi chihira, dilan’ ŋun’ kɔrigim’ bini maa ʒim bahi tiŋa, ka niŋ taŋkpaɣu pa di zuɣu. 14Dama binnɛɔŋ kam nyɛvili nyɛla o ʒim maa. Dinzuɣu ka n yɛli Izraɛlnima, “Miriya ka yi ŋubi binnɛɔŋ kam ʒim, dama binnɛɔŋ kam nyɛvili nyɛla o ʒim, ka ŋunkam ŋub’ li, bɛn’ yihim’ o o niriba ni.”
15Ka ŋunkam ti ŋubi bin’ so ŋun kpi nyiŋgo’ muni bee biŋkɔbiri ni dar’ tɔhi binshɛli, dilan’ yi nyɛla tiŋbia bee sana, ŋun’ paɣim’ o situra, ka su kom, ka nyɛ ŋun ni be daɣiri ni hal ni zaawuni, di nyaaŋa ka o naanyi leei ŋun ka daɣiri ni. 16Amaa o yi bi paɣ’ o situra bee n-su kom, o taali maa kul ni ʒi o zuɣu.
Red Letter Dagbani Bible © Bible Society of Ghana, 2011