Aizaia 9
9
Saha shɛli din kanna naa
1 #
Mat 4.15
Biɛhiŋ kani, zibisim mini suhusaɣiŋgu saha maa kul ku beni sahakam.
Saha shɛli ha, o daa chɛ ka Zɛbulɔn mini Naftali tiŋgbɔna di vi. Amaa saha shɛli kanna ka tiŋgbɔŋ maa ni ti mali viɛla. Di ni ti kpuɣi Mɛditirɛniɛn Teeku wulimpuhili polo zaŋ hal ni tiŋgban’ shɛli din be Jɔɔdɛn Mɔɣili dul’ la zaŋ tabili Galili din nyɛ tinzunnim’ biɛhigu shee la.
2 #
Mat 4.16; Luk 1.79 Ninvuɣ’ shɛb’ bɛn daa yi
be zibisim ni yipa nya neesim titali.
Bɛn daa be zibisim tital’ ni,
neesim neei paai ba.
3A chɛ ka niriba maa nabi,
ka a ti ba suhupiɛlli pam.
Bɛ malila suhupiɛlli a sani
kaman niriba ni kpuɣiri puu atam
ka mali suhupiɛlli shɛm la
bee kaman tɔbbihi ni yi pirigi
bɛ ni ŋme n-di neen shɛŋa
ka mali suhupiɛlli shɛm la.
4Dama a suui ʒitibisi’ shɛli
din wum ba la;
ka kabi jaaŋgbe’ shɛli bɛ
ni mali fiɛbiri bɛ bɔɣusapima la.
A nyaŋ ninvuɣ’ shɛb’ bɛn
yi nahind’ a niriba kaman
a ni daa nyaŋ Midian tɔbbihi shɛm la.
5Dama tɔbbihi bɛn kana
namdanim’ zaa mini bɛ
binyɛra din ŋam ʒim zaa,
bɛ ni zaŋ li nyo buɣim.
6Dama bɛ dɔɣi bia ti ti,
bɛ ti ti bidibiga;
o nyɛla ŋun su fukumsi;
ka o yuli ni ti booni,
“Alahiziba” mini “Saɣisira”
ni “Kpiɔŋlan’ Naawuni”
ni “Saha din ka bahigu Ba”
ni “Suhudoo Nabia.”
7 #
Luk 1.32-33
O nam yiko kul ni zoori pahira;
ka suhudoo kul ni be o ʒiɛman’ ni.
O nam ni be kaman Dauda nam.
O ni doli wuntia ni din tuhi soli
n-chɛ ka dimbɔŋɔ zaa niŋ
pumpɔŋɔ zaŋ hal ni
saha din ka bahigu.
Yawɛ ŋun nyɛ Tɔbbihi Naa ŋɔ n-yu ni o niŋ dimbɔŋɔ zaa.
Naawuni ni darigi Izraɛlnim’ tibili
8Ti Duuma yɛliya ni o ni kari Yaakubu zuliya saria,
ka di kana ti lu Izraɛlnim’ zuɣu.
9Izraɛlnim’ zaa mini Samarianim’ zaa ni nya li.
Amaa bɛ karimbaani ni bɛ duhimaŋtali zuɣu, bɛ ni yɛli,
10“Bilichiisi duri luya,
amaa ti ni kpe kuɣa m-me shɛŋa zali di zaani.
Sinsabisi tihi vuɣi lu,
amaa ti ni bo sida tihi sa n-zali di zaani.”
11Dinzuɣu ka Yawɛ daa chɛ
ka bɛ dimnim’ yiɣisi lu bɛ zuɣu.
12Ka Sirianim’ bɛn be wulimpuhili polo mini Filistianim’ bɛn be wulinluhili polo
daa kana ti lu Izraɛlnim’ zaa zuɣu ni bɛ naai ba.
Amaa di zaa yoli, Yawɛ suhuyiɣisili maa daa na kul bi chɛ;
o daa na kul loya ni o darigi bɛ tibili.
13Niriba maa daa na kul bi niŋ tuuba Yawɛ ŋun nyɛ Tɔbbihi Naa ŋun darigi bɛ tibili maa sani
bee ŋ-ŋmaligi lab’ o sanna.
14Dinzuɣu ka Yawɛ daa ŋmaai Izraɛl zuɣu ni o nyoli
kaman kpikpal’ tia wulli bee gbiŋgbaŋ la bahi dahin yini.
15Kpamba mini ninvuɣ’ zuɣuri n-nyɛ zuɣu maa,
ka anabi ʒirinima mi nyɛ nyoli.
16Dama ninvuɣ’ shɛb’ bɛn wuhi ba soli birigi ba,
ka bɛ ni birigi ninvuɣ’ shɛb’ maa birim.
17Dina n-chɛ ka ti Duuma daa bi fa bɛ bipola bahi
bee n-zo bɛ kpibisi mini bɛ pakoya nambɔɣu,
dama sokam daa nyɛla bɛn zaɣisi Naawuni ni bɛn tumdi tuumbiɛri,
ka tɔɣisiri yɛtɔɣ’ biɛri.
Dimbɔŋɔnim’ zuɣu ka o suhuyiɣisili maa daa na kul bi zan’ tariga maa.
O daa na kul loya ni o darigi bɛ tibili.
18Ninsalinim’ ninvuɣ’ biɛtali dirimi kaman buɣim
din diri suligunyinyari mini gɔhi
ka diri neeri yɔɣu zaa,
ka di nyɔhi kpuɣiri duri zuɣusaa la.
19Yawɛ ŋun nyɛ Tɔbbihi Naa ŋɔ suhuyiɣisili puuni
ka o chɛ ka buɣim di tiŋgbɔŋ maa,
ka daadamnim’ be kaman kpam la ka buɣim di ba,
ka so bi lan zɔr’ o kpee nambɔɣu.
20Bɛ ni ti zaŋ kpa nudirigu polo ti di, amaa ka kum na kul mali ba.
Bɛ ni ti lan zaŋ kpa nuzaa polo ti di, amaa ka ku tiɣi.
Hal bɛ ni ti zaŋ bɛmaŋmaŋ’ bihi gba leei bindirigu.
21Ka Manaasa zuliya mini Ifriim zuliya ni ti lu tab’ zuɣu.
Di nyaaŋa ka bɛ ti laɣim lu Juda zuliya zuɣu.
Amaa dimbɔŋɔ zuɣu ku chɛ ka Yawɛ suhuyiɣisili maa zan’ tariga.
O na kul loya ni o darigi bɛ tibili.
Currently Selected:
Aizaia 9: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
