Aizaia 8
8
Aizaia Bidibiga leei shihirili niriba sani
1Di saha ka Yawɛ daa yɛli ma, “Zaŋmi gbaŋ n-sabi sabbu shɛli sɔŋ. Sabimi li bachibihi kara n yɛli, ‘Mahɛshalalihashibaz#8.1 MAHƐSHALALIHASHIBAZ: Di gbinni nyɛla, “Ʒiɛmiya nɛma yomyom. Famiya nɛma yomyom.” dini.’ 2M maŋmaŋ’ ni bo shɛhiradiriba ayi shɛb’ n ni dihi tabili. Bɛna n-nyɛ maligumaana Yuria mini Zakaria ŋun nyɛ Jɛbɛrikia bia la.” 3Ka m mini m paɣa ŋun nyɛ anabi la daa dɔni, ka o niŋ pua n-dɔɣi bidibiga. Di saha ka Yawɛ daa yɛli ma, “Bolim’ o yuli Mahɛshalalihashibaz. 4Dama zaŋ chaŋ bia maa ti yɛn yaag’ o noli yɛli, ‘M ba’ bee ‘M ma,’ di saha Asiria naa ni ti kana ti zaŋ Damaskus azichi, ka di Samaria nɛma zaa chaŋ.”
Asiria naa kandina
5Yawɛ daa lan yɛli ma, 6“Niriba ŋɔ ni zo Rɛzin mini Pɛka dabiɛm ka zaɣisi Shilɔa kulibɔŋ#8.6 SHILƆA KULIBƆŊ: Dimbɔŋɔ daa zɔri yirila wulimpuhili kɔbilinini din galisi ni na kom din doya baalim la zuɣu, 7mani yi Duuma ni chɛ ka Asiria naa min’ o tɔbbihi zaa kana ti liri Judanima. Bɛ ni ti kana kaman Yufretiiz Mɔɣili kom din galisi ka mali kpiɔŋ pam m-pali hal ti puuri bahiri la. 8Bɛ ni ti ŋmanila kom din kpe nti taɣi ninsal’ yɛno tariga n-kpe Juda tiŋgbɔŋ maa ni ti ʒi binshɛɣukam zaa chaŋ. Bɛ ni ti yɛrigi nyin’ Imanuɛl tiŋgbɔŋ maa luɣ’ shɛlikam zaa.”
9Tinzunnima, Laɣimmiya, ka chɛ ka dabiɛm mali ya.
Tin’ shɛŋa din be katinsinima, wummiya.
Lomiya kpara, ka chɛ ka dabiɛm mali ya.
Iin, lomiya kpara, ka chɛ ka dabiɛm shiri mali ya.
10Gbaamiya saawara, amaa di ku ku buchi.
Tɔɣisimiya gbaai yi ni lo shɛm, amaa di ku zani,
dama Naawuni be ti sani.
Naawuni kpahi anabi zuɣu ni
11Yawɛ yiko puuni, o daa kpahi n zuɣu ni ni n di doli niriba maa naba. O daa yɛli ma, 12“Miri ka a doli niriba maa ni lo nia biɛ’ shɛŋa maa, a mi di zɔri bɛ ni zɔri shɛli dabiɛm bee n-chɛ ka a suhu zɔhira. 13#1 Pita 3.14-15 Amaa baŋmi ni Yawɛ ŋun nyɛ Tɔbbihi Naa ŋɔ n-nyɛ ŋun be kasi. Zomla ŋuna, ka chɛ ka a suhu zɔhiri zaŋ chaŋ o sani. 14O ni nyɛ ŋun be kasi la zuɣu, o ŋmanila kuɣ’ shɛli Juda zuliya mini Izraɛl zuliya ni tuuri lura; ka ŋmani tɔn shɛli din gbahiri Jɛrusalɛmnima. 15#1 Pita 2.8 Bɛ ni niriba pam ni tuui lu n-nya dansi; tɔŋ ni gbahi ba.”
Di bɔhi kpima ni o wuh’ a shɛli
16Yinim’ bɛn nyɛ n nyaandoliba ŋɔ, gbibiya ka guliya n wuhibu viɛnyɛliŋga. 17#Hib 2.13 N ni guhi Yawɛ ŋun lɛb’ o nyaaŋa biri Yaakubu zuliya ŋɔ, ka niŋ o naani.
18 #
Hib 2.13
Nyama, m mini bi’ shɛb’ Yawɛ ni zaŋ ti ma ŋɔ nyɛla shihirili din yi Yawɛ ŋun nyɛ Tɔbbihi Naa, ka be Ziɔn Zoli zuɣu ŋɔ sanna.
19Bɔzuɣu ka a chani baɣisi mini bukpahinim’ bɛn sɔɣiri yɛr’ la sani ni bɛ ti yɛl’ a a zuɣu ni yɛlli? Miri ka a wum bɛ ni sɔɣiri yɛri shɛli maa. Ŋun ne ni tooi vihi baŋ o zuɣu ni yɛlli kpiimba sani? A bi bɔhir’ a Naawuni?
20Yawɛ yɛliya, “Zaŋmi bɛ ni buɣisi yɛli shɛm maa buɣisi n ni yɛli shɛm. Bɛ ni buɣisi yɛli shɛm maa yi be di ko ka chɛ n dini maa di wuhiya ni neesim bee yɛlimaŋli ka bɛ ni.”
Wahala saha
21Niriba maa ni da n-gili tiŋgbɔŋ maa puuni ni tahima kalinsi, ka kum wum ba. Kum din yɛn wum ba maa mini bɛ suhuyiɣisili maa puuni, bɛ ni tu bɛ naa mini bɛ wuni. Bɛ ni ti kpuɣi bɛ zuɣuri lihi zuɣusaa 22bee m-mirigi bɛ nina kpa tiŋgban’ ni, amaa bɛ ni nyala suhusaɣiŋgu mini zibisim ni bumbɔni din mali barina ka nyɛ luɣ’ shɛli puuni bɛ ni yɛn kari ba ti kpɛhi.
Currently Selected:
Aizaia 8: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
