Aizaia 63
63
Yawɛ ni nyaŋ zuliya kam shɛm
1Ŋuni n-lee yi Bɔzira din be Ɛdom tiŋgbɔŋ ni
n-ye binyɛr’ ʒee kanna ŋɔ?
Ŋuni n-lee ye binyɛr’ viɛlli
n-kanna ni yiko ni o kpiɔŋ ŋɔ?
Yawɛ ŋun mali yiko ka ni tooi tiligi niriba la
n-kanna ni o ti mol’ o nasara dibu la molo.
2Bɔ n-lee chɛ ka o binyɛrigu ti mɔhi
kaman ninvuɣ’ so ŋun nɔri wain tiwala binyɛrigu la?
3 #
Kah 14.20; 19.13, 15 Ka Yawɛ garigi yɛli,
“N nɔrila zuliya kam niriba kaman wain tiwala la,
ka so bi sɔŋ ma.
Ka n daa no ba ni suli mini suhuyiɣisili,
ka bɛ ʒim varim m binyɛrigu ka di gabisi zaa.
4Ka n daa yɛli ni n ni yɛn tiligi n niriba yuun’ shɛli paaya,
ka n ni yɛn darigi n niriba dimnim’ tibili saha shɛli gba paai.
5 #
Aiz 59.16
Ka di daa niŋ ma alahiziba
n ni daa bi nya ninvuɣ’ so ŋun ni sɔŋ ma maa;
amaa ka n suhuyiɣisili maa daa ti ma kpiɔŋ
ka n di nasara n toli.
6 #
Aiz 34.5-17; Jɛr 49.7-22; Ɛzɛk 25.12-14; 35.1-15; Amɔs 1.11-12; Oba 1-14; Mal 1.2-5 N suhuyiɣisili maa puuni
ka n daa no m-bɔribɔri zuliya kam niriba,
ka bɛ ʒim yi n-do tiŋgban’ ni.”
Yawɛ niŋ Izraɛlnim’ nirilim
7N ni yɛli Yawɛ
yurilim maŋli la yɛla.
O ni tum tuun’ kar’ shɛŋa
ti ti la zuɣu,
n ni paɣ’ o.
O nambɔzɔbo min’ o yurilim maŋli la zuɣu,
o niŋ alibarika pam niŋ Izraɛlnim’ ni.
8Yawɛ yɛliya, “ N niriba m-bala,
bɛ nyɛla ninvuɣ’ shɛb’ bɛn ku yɔhim ma.”
Dinzuɣu ka o daa tiligi ba
9bɛ muɣisigu zaa ni.
Pa malaika ka o daa tim na,
amaa ŋun’ Yawɛ maŋmaŋa n-daa tiligi ba.
O nambɔzɔbo min’ o yurilim zuɣu ka o daa tiligi ba.
Ŋuna n-daa pun gbib’ ba piligu ni ha.
10Amaa ka bɛ daa ti yi o nyaaŋa,
ka chɛ ka o shia kasi suhu saɣim pam.
Dinzuɣu ka o daa leei bɛ dima,
ka ŋmaligi tuhi ba o toli.
11Di saha ka bɛ daa teei Yawɛ dabili Musa ʒiɛman’ la yɛla ka bɔhira, “Yawɛ ŋun daa tilig’ o niriba toondaannim’ teeku ni la lee be ya pumpɔŋɔ? Yawɛ ŋun daa zaŋ o shia kasi ti Musa la lee be ya?
12 #
Yibu 14.21
Ŋuna n-daa zaŋ o yiko nuu din mali jilima n-gbaai Musa nudirigu chana,
ka daa chɛ ka kom
din do bɛ tooni
pirigi ni o zali yuli
din ku kpi ti omaŋa,
13ka o daa zaŋ ba siɣi kom din zilim pam ni du duli,
ka bɛ naba daa be
kaman yuri naba la ka bɛ bi sarigi.”
14Bɛ ni zaŋdi niɣi chani vinvamli ni shɛm la,
lala ka Yawɛ Shia daa ti o niriba vuhim.
Lala ka o daa wuh’ o niriba maa soli,
ka di ti o yuli jilima.
Nambɔzɔbo mini sɔŋsim bɔbu wunsuhigu
15A ni be alizanda ni a biɛhigu shee
din be kasi ka mali jilima ŋɔ, lihim’ na nya.
A baɣa ni daa yi be ti ni shɛm
ni a yiko la lee kpalimla ya?
A yurilim min’ a nambɔzɔbo la
lan kani zaŋ kana ti sani.
16Nyini n-nyɛ ti ba.
Ti yab’ Ibrahimma ʒi ti,
ka Yaakubu gba bi mi ti.
Amaa nyin’ Yawɛ n-nyɛ ti ba,
ka a yuli nyɛ ti Tiligira kurimbuni ha.
17Bɔ n-niŋ ka a chɛ ka ti birigi ka chɛ a soli?
Bee bɔ n-niŋ ka a chɛ ka ti niŋ tipawumli n-zo a sani?
Labimi ti sanna, ninvuɣ’ shɛb’ bɛn nyɛ a daba la
mini zuliya shɛb’ bɛn nyɛ a niriba la zuɣu.
18Ti daa nyɛla ninvuɣ’ shɛb’ bɛn be
a biɛhigu shee din be kasi la,
amaa ka ti dimnim’ daa kari ti nimaani,
ka wurim a jɛmbu shee din be kasi maa.
19A niŋ ti mi kaman a pala ŋun pun nyɛ ti naa la,
ka lan niŋ ti kaman ti pun pala a niriba la.
Currently Selected:
Aizaia 63: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
