Aizaia 62
62
1Ziɔn zuɣu, n ku shini;
Jɛrusalɛm zuɣu,
n ku vuhi hal ka di ti di nasara,
ka ne kaman biɛŋmariga la,
ka di tiliginsim ne kaman
buɣim mokpalli neesim la.
2Jɛrusalɛm, zuliya kam
ni ti nya a nasara dibu,
ka nanim’ zaa ti nya a jilima.
Ka bɛ ti zaŋ yu’ palli
shɛli Yawɛ ni zaŋ ti a
la bol’ a.
3A ni ti ŋmanila zuɣupil’
shɛli din mali jilima be
Yawɛ nuu ni,
ka lan be kaman nam
zuɣupiligu la be a
Naawuni nuu ni.
4Bɛ ti ku lan bol’ a,
“Chɛ m-bahi,”
bee m-bol’ a tiŋgbani,
“Zaɣ’ nɛli.”
Amaa bɛ ni ti bol’ a la,
“Naawuni nini ni tiɣi so,”
ka boli a tiŋgbani,
“Dooyililana.”
Dama Yawɛ nini tiɣ’ a,
ka a tiŋgbɔŋ ni ti mali yidana.
5Nachimbili ni kpuɣiri
paɣipiɛliga shɛm la,
lala ka bɛn me a zali
yɛn kpuɣ’ a.
Aŋgo suhu ni piɛl’
o daamiliya zuɣu shɛm,
lala ka a Naawuni suhu
yɛn piɛl’ a zuɣu.
6Jɛrusalɛm, n zalila tiŋguliba
a goma zuɣu.
Bɛ di shini wuntaŋ’ ni
zaŋ tabili yuŋ zaa.
Yinim’ bɛn kul teeri Yawɛ ŋɔ,
di bɔriya ni yi vuhi,
7ka di chɛliya ka o gba vuhi,
faashee ka o me Jɛrusalɛm zali,
ka chɛ ka dunia ŋɔ nim’ zaa paɣi li.
8Yawɛ po o nudirigu
din mali kpiɔŋ la yɛli:
N ku lan zaŋ yi chi ti
yi dimnim’ ka bɛ di.
M mi ku lan chɛ ka
tinzunnim’ zaŋ yi ni
di wahala tɔɣi yi
wain shɛli nyu.
9Amaa ŋunkam pihi di wala
ni di li ka paɣi Yawɛ,
ka bɛnkam pihi wain tiwala
laɣim sɔŋ ni nyu
di wain n jɛmbu
duu dundɔŋ ni.
10Jɛrusalɛmnima, doliya dunoya yi.
Malimiya soli sɔŋ niriba.
Vuɣimiya kuɣa soli maa zuɣu.
Lomiya tuuta n-kpuɣ’ li
zuɣusaa ka niriba nya li baŋ li.
11 #
Aiz 40.10; Kah 22.12 Yawɛ moli molo gili
dunia ŋɔ zaa yɛli:
“Yɛlimiya Ziɔn bipuɣiŋga,
nyama, a tiligira kana,
ka laara mini yɔri be o sani.”
12Bɛ ni ti boli ba,
“Ninvuɣ’ shɛb’ bɛn be kasi,
ka nyɛ Yawɛ ni tiligi shɛba.”
Jɛrusalɛm, bɛ ni ti bol’ a la,
“Tiŋ’ gahindili,”
ka lan bol’ a,
“Tin’ shɛli din be kasi,
ka Naawuni bi zaɣis’ a.”
Currently Selected:
Aizaia 62: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
