Aizaia 61
61
Tiliginsim lahiba’ suŋ
1 #
Mat 11.5; Luk 7.22 Yawɛ ŋun nyɛ ti Duuma ŋɔ
zaŋ o shia ti ma.
O tim ma mi ni
n zaŋ lahiba’ suŋ ti ti
ninvuɣ’ shɛb’ bɛn nyari nahiŋgu,
ka maai bɛn suhuri
saɣim la suhuri;
ka yihi bɛn nyɛ daba la
dabitim ni;
ka yooi bɛn be sarika ni la bahi.
2 #
Luk 4.18-19; Mat 5.4 O lan tim ma mi na
ni n ti moli ni
o ni yɛn tilig’ o niriba
saha shɛl’ la paaya,
ka moli ni o ni yɛn
bɔhi biɛri saha shɛl’ la paaya;
o lan tim ma mi na
yaha ni n ti maai
bɛn fabindi la suhuri.
3O wuhiya ni n chɛ
ka bɛn fabindi Ziɔn
ka mali nandahima la mali suhupiɛlli.
Ka bɛn mali suhugarigu la
yili wumpaɣibo yila.
Bɛ ni ŋmanila Yawɛ ni
sa oki ti’ shɛŋa.
Bɛ zaa ni tum din tuhi,
ka Yawɛ nya paɣibu bɛ
ni tum shɛm zuɣu.
4Bɛ ni lan me du’ shɛŋa
din daa lu la zali.
Binshɛɣukam din daa saɣim
ka di yuui la zaa,
bɛ ni lan mal’ li
zali di zaashee.
5Tinzunnim’ ni guli yi
biŋkɔbbaligu tin ya,
ka ko yi puri tin ya,
ka guli yi tihi puri tin ya.
6Bɛ ni ti boli ya
Yawɛ maligumaaniba,
ka lan boli ya
Naawuni tumtumdiba.
Yi ni ti di zuliya shɛb’
azichi daanfaani,
ka nyu bara di ni nyɛ
yi dini maa zuɣu.
7Yi vidibo ni yi filiŋ
ni ti zani tariga.
Yi ni ti be yimaŋmaŋ’
tiŋgbɔŋ ni,
ka yi daazichi ti nabi;
ka yi ti mali suhupiɛlli sahakam.
8Man’ Yawɛ je ŋmɛndintoli
tuma mini alahichi,
amaa m bɔrila yɛlimaŋli soli.
N ʒiɛyimtali puuni, n ni
tin ya laara,
ka lɔn ya alikauli din
ku zani tariga.
9Yi bihi yuli ni ti
du pam zuliya kam sani.
Ka ŋunkam zaa ti nya ba
ni baŋ ni bɛ nyɛla
Yawɛ ni niŋ alibarika
niŋ ninvuɣ’ shɛb’ ni.
10 #
Kah 21.2
N ni mali suhupiɛlli pam Yawɛ sani.
N suhu zaa kul tibigirila n Naawuni.
Dama o zaŋ tiliginsim
binyɛra yɛli ma,
ka zaŋ wuntitali binyɛra
yɛli ma kaman aŋgo ni yi
pili zuɣupil’ gahindili
n-dih’ o zuɣu nachiinsi shɛm la
bee kaman amiliya ni yi
zaŋ salima yɛri
n-dih’ omaŋ’ nachiinsi shɛm la.
11Dama tiŋgbani ni chɛri
ka bimbira puhiri yiri
tiŋgban’ ni na shɛm
ni kaman puu ni chɛri
ka bɛ ni zaŋ bimbiri shɛŋa
biri di ni zoori shɛm la,
lala ka Yawɛ ŋun nyɛ
ti Duuma ŋɔ ni chɛ
ka wuntia tuma yi zahira,
ka zuliya kam zaa tibig’ o.
Currently Selected:
Aizaia 61: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
