Aizaia 40
40
Tahima yɛtɔɣa
1Yi Naawuni yɛliya, “Maamiya n niriba suhuri, maamiya bɛ suhuri!
2Tɔɣisimiya Jɛrusalɛmnim’ suhumaabo yɛtɔɣa.
Yɛlimiya ba ni bɛ
di wahala saɣi lala.
N darigi bɛ tibili ka di saɣi,
ka yipa chɛ bɛ daalahichi
taali zaa pumpɔŋɔ.”
3 #
Mat 3.3; Maak 1.3; Jɔn 1.23 Kukol’ shɛli n-kuhiri yɛra:
“Malimiya soli mɔɣu ni ti Yawɛ!
Malimiya soli maa tiŋgban’ nɛli ni
ka di tuhi ti ti Naawuni maa!
4Ŋarimiya yiliŋ kam,
ka gbi zoya mini
kuŋkuna ka di siɣi
n-leei tintani,
ka mali luɣ’ shɛŋa
din be gbirimagbirima la
ka di niŋ polipoli.
5 #
Luk 3.4-6
Di saha Yawɛ jilima ni yi zahira
ka sokam zaa nya li.
Man’ Yawɛ n-yɛli lala.”
6Ka kukol’ shɛli daa kuhi yɛli,
“Molimi molo!”
Ka m bɔhi,
“M molimi molo bɔ?
Ka o yɛli ma,
“Molimi molo yɛli ni
ninsalinim’ zaa ŋmanila mɔri;
bɛ bi yuuri gari tipum.”
7Yawɛ yi ti vuhi pam bahi mɔri zuɣu,
di kuurimi, ka tipum kpahiri lura;
yɛlimaŋli, ninsalinim’ shiri ŋmanila mɔri.
8 #
Jɔsh 1.10-11; 1 Pita 1.24-25 Mɔri shiri kuura,
ka tipum kpahiri lura,
amaa ti Naawuni maa ŋun’
yɛligu kul ni beni sahakam.”
9Ziɔnnima, dumiya zoya zuɣu
nti moli lahiba’ suŋ molo.
Jɛrusalɛmnima, duhimiya yi yee
moli lahiba’ suŋ molo.
Duhimiya yi kukoya pam
yɛli Juda fɔntinsi ni nima,
“Yi Naawuni kanna! Di zɔriya dabiɛm.”
10 #
Aiz 62.11; Kah 22.12 Nyamiya, ti Duuma ŋun nyɛ Yawɛ ŋɔ
kanimina ni o ti zaŋ yiko pam di nam.
O ni tiligi ninvuɣ’ shɛb’ bɛn be o sani;
o laara gba be o sani.
11 #
Ɛzɛk 34.15; Jɔn 10.11 O ni dih’ o piɛri kaman
piɛgul’ ni dihir’ o piɛri shɛm la.
O laɣisi piɛbihi niŋ o bɔɣiri ni,
ka zaŋ ba buɣi o nyɔɣu zuɣu,
ka zaŋ bɛ manim’ baalim kuli.
Izraɛl Naawuni ŋun ka ŋmali
12Ŋuni n-na mi n-zaŋ o nuu tooi teeku kom
m-buɣisi di ni nyɛ shɛm
bee n-zaŋ o nutali buɣisi sagbana yɛliŋ,
bee n-va tiŋgban’ ni
taŋkpaɣu niŋ bini puuni,
bee n-zaŋ zoya mini
kuŋkuna pa sania zuɣu buɣisi li?
13 #
Rom 11.34; 1 Kɔr 2.6 Ŋuni n-lee ni tooi wuhi
Yawɛ Shia o ni yɛn niŋ shɛm
bee ŋuni n-lee ni tooi wuh’ o shɛli
bee n-saɣis’ o?
14Ŋuni ka o daa niŋ saawara
ni o baŋ shɛli,
ka ŋuni n-daa lee wuh’ o yɛlimaŋli soli.
Ka ŋuni n-daa lee wuh’ o baŋsim
bee n-wuh’ o o ni yɛn niŋ shɛm?
15Zuliya kam ŋmanila kom biɛla din tɔɣ’ lu bokati puuni,
ka be kaman taŋkpa’ zim din pa sania zuɣu o sani.
Nyama, ŋuna n-zahindi teeku ni gili tiŋgban’ bihi shɛŋa kaman taŋkpaɣu biɛla la.
16Lɛbanɔn tihi zaa dari ku saɣi
sara maligu buɣim;
ka di biŋkɔbiri zaa ku saɣi
bɛ ni zaŋdi sara shɛli
nyɔri buɣim la malibu.
17Zuliya kam zaa bi saɣi shɛli o sani.
O bi lihi ba ka bɛ nyɛ shɛli o sani.
18Dindina, bɔ ka nir’ lee
yɛn zaŋ Naawuni ŋmahindi
bee bɔ ka nir’ lee
yɛn zaŋ o buɣisi?
19 #
Tuma 17.29
O bi ŋmani wun’ so
tuumbaŋdiba ni mali zali,
ka salindoora dooi salima
pa di zuɣu,
ka bɛ niŋ anzinfa zoligɔnim’
yɛliyɛl’ li la?
20Nir’ yi bɔri ni o mali
binshɛli n-zaŋ ti pini,
o bɔrila da’ shɛli din
bi dura n-zaŋ ti tuumbaŋda
ka o mal’ li zali
ka di ku lu.
21Yi na bi baŋ?
Yi na ʒi n-wum?
Bɛ pun bi yɛli ya
kurimbuni ha?
Yi bi mi dunia
ni daa nam shɛm?
22Ŋun ʒi o nam ʒiishee zuɣusaa
ha n-daa nam li,
ka ninsalinim’ bɛn be dunia ŋɔ ni
ŋmanila salinsahi.
O teela sagbana sɔŋ
kaman sɔŋ la bee
kaman tanti shɛl’ ni
nir’ ni yɛn kpe m-beni.
23O yihiri nanim’ nam ni,
ka chɛri ka bɛ leeri bɛn pa shɛli.
24Bɛ ŋmanila tibihi din
nyaɣa na bi ba tiŋa,
ka Naawuni yi chɛ ka
tulim kana ti kpe li,
di kuurimi ka pɔhim ʒe li
ti bahi kaman wurigu la.
25Dindina, ka bɔ ka nir’
lee yɛn zaŋ Naawuni
ŋun be kasi ŋɔ buɣisi?
So bi ŋman’ o.
26Duhimiya yi zuɣuri lihi zuɣusaa.
Ŋuni n-lee nam saŋmarisi?
Ŋuna ŋun zali ba zaɣ’
bɔbili maa mi bɛ kalinli,
ka mi bɛ zaa yuya.
O yaa ni o yiko ni galisi zuɣu,
o na ʒi n-kali pooi bɛ ni so.
27Izraɛlnima, ka bɔ n-niŋ ka yi yɛri ni
Yawɛ ʒi yi muɣisigu ni nyɛ shɛli
bee bɛ yi ŋari ya,
yi Naawuni baɣa kani?
28Yi na bi baŋ?
Yi na ʒi n-wum?
Yawɛ n-kul nyɛ kurimbuni Naawuni.
Ŋuna n-daa nam dunia ŋɔ zaa.
Di bi wumd’ o, o mi bi gbarigira.
So mi ku tooi baŋ o tɛha.
29O tiri bɛn gbarigi yaa,
ka tiri bɛn ka yaa yiko.
30Hal di wumdi bipala ka bɛ gbarigira,
ka di wumdi nachimba ka bɛ lura.
31Amaa ninvuɣ’ shɛb’
bɛn suhuri ye Yawɛ zuɣu
ka bɛ guh’ o ni nya ya’ palli.
Bɛ ni ti mali kpiɔŋ
kaman tɔrili kpiŋkpama la.
Bɛ ni guui ka di ku gbarigi ba.
Bɛ ni chaŋ ka di ku wum ba.
Currently Selected:
Aizaia 40: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
